Dec 24, 2024
karad
उदयनराजे यांनी केली पंतप्रधान मोदी यांच्या कराडमधील सभास्थळाची पाहणी
पंतप्रधान नरेंद्र मोदी यांची 30 एप्रिल रोजी ता. कराड येथे जाहीर सभा होणार आहे. या सभेच्या जागेची पाहणी उदयनराजे भोसले यांनी केली.
पोलिसांनी पाठलाग करुन तडीपार गुंडाला ठोकल्या बेडया
कराड शहर पोलीस ठाणेच्या गुन्हे प्रकटीकरण शाखेने दिनांक 4 नोव्हेंबर 2023 रोजी रात्री कराड शहरात थरारक पाठलाग करून सराईत तडीपार गुंडाला बेड्या ठोकल्या. अविनाश प्रताप काटे, असे पोलिसांनी पकडलेल्या तडीपार संशयीताचे नाव आहे.
कराड बाजार समिती बरखास्त करण्याची करणार मागणी
कराड बाजार समिती कोणाची जहागिरी नाही. बाजार समितीने जनतेच्या पैशाची उधळपट्टी केली आहे. मी सोमवारी मुंबईला जाऊन पणनमंत्र्यांना भेटून ही बाजार समिती बरखास्त करावी,अशी मागणी करणार आहे, असे आश्वासन माजी मंत्री सदाभाऊ खोत यांनी देऊन आंदोलनाचे चांगले फलित तुम्हाला दोन दिवसांत मिळावे, यासाठी मी प्रार्थना करतो,असे सांगितले.
सातारा जिल्ह्यासह कराड मध्येही बंदला प्रतिसाद
मराठा समाजाच्या आरक्षणासह अन्य मागण्यांसाठी शांततेत धरणे धरणाऱ्या मराठा आदोलकांवर पोलिसांनी जालना जिल्ह्यात लाठी हल्ला केला. त्याप्रकरणी अनेकांवर गुन्हेही दाखल करण्यात आले आहे. त्याविरोधात आज मराठा क्रांती मोर्चाच्यावतीने सातारा जिल्हा बंदची हाक देण्यात आली आहे. त्याला कराडमध्ये सकाळच्या टप्प्यात उत्स्फूर्त प्रतिसाद मिळाला. व्यापाऱ्यांनी स्वयंस्पर्तीने दुकाने व्यव...
कर्तव्यावर असताना ट्रॅफिक पोलिसाकडून होमगार्डला मारहाण
"तुझ्या बापाचा नोकर आहे का?" असं म्हणत चक्क एका ट्रॅफिक पोलिसानेच होमगार्डला मारहाण केल्याचा संतापजनक प्रकार समोर आला आहे. ही घटना सातारा जिल्ह्यातील असून याबाबतचा व्हिडिओ देखील समोर आला आहे.
अभिनेते सयाजी शिंदे यांच्यावर मधमाशांचा हल्ला
सातारा जिल्ह्याचे भूमिपुत्र व प्रख्यात अभिनेते पर्यावरण प्रेमी सयाजी शिंदे यांच्यावर मधमाशांचा हल्ला झाला आहे. ही घटना तासवडे परिसरात मंगळवारी सकाळी घडली.
कराडच्या जत्रेत अनोख्या शिल्पातून संविधानाचा जागर
महिला बचत गटांच्या उत्पादीत मालांच्या विक्री प्रदर्शन असलेल्या कराडच्या जत्रेत कोरो इंडिया संस्थेच्या सहकार्याने ज्ञानदीप सामाजिक संस्थेचे समता फेलो मधुराणी थोरात व वैशाली पाटील यांनी संवैधानिक मूल्यांचा प्रसार करणारे एक मांडणी शिल्प सादर केले.
रिक्षाचा भीषण अपघात; एकाच कुटूंबातील तिघांचा मृत्यू
कराड तालुक्यातील उंडाळे भागातील येणपे-लोहारवाडी येथे रिक्षाचा भीषण अपघात झाल्याची घटना शनिवारी समोर आली. या अपघातात रिक्षाचा चक्काचूर झाला असून, तिघांना जीव गमवावा लागला आहे. मृतांमधे पलुंद्रे ता. शाहूवाडी येथील एकाच कुटूंबातील तिघेजण आहेत.
कराड तालुक्यातील महिलेची निर्घृण हत्या
सातारा जिल्ह्यातील कराड तालुक्यातील वनवासमाची येथील निर्जनस्थळी महिलेचा खून झाल्याची घटना बुधवार रोजी उघडकीस आली आहे.
अचानक लागलेल्या आगीत कोट्यवधीची पाईप जळून खाक
पाणीपुरवठा योजनेसाठी उपलब्ध केलेल्या पाईप साठ्याला शुक्रवारी भीषण आग लागली. आगीत कोट्यवधी रुपयांचे नुकसान झाले असून कराड तालुक्यातील वडगाव हवेली येथे ही घटना घडली आहे.
विहिरीत पडून बिबट्याच्या बछड्याचा मृत्यू
विहिरीत पडून बिबट्याच्या बछड्याचा मृत्यू झाल्याची घटना कराड तालुक्यातील धोंडेवाडी येथील ढोकरमाळ नावाच्या शिवारात घडली असून वनविभागाने बछड्याचा मृतदेह विहिरीबाहेर काढला आहे.
फुकट दारू न दिल्याने एकाने महामार्गावरील वाईन शाॅप पेटवले...!!
फुकट दारू दिली नाही म्हणून एकाने रात्रीच्यावेळी वाईन शॉप पेटवून दिले. नारायणवाडी (ता. कराड) येथे ही घटना घडली. याप्रकरणी कराड तालुका पोलीस ठाण्यात गुन्हा दाखल करण्यात आला आहे.
मलकापूर येथून दुचाकीची चोरी
मलकापूर, ता. कराड येथून दुचाकीची चोरी झाल्याची फिर्याद कराड शहर पोलीस ठाण्यात नोंदविण्यात आली आहे.
कराडचा उड्डाणपूल पाडण्यासाठी जिल्हा प्रशासनाकडून हिरवा कंदील...
कराडच्या कोल्हापूर नाका येथील उड्डाणपूल रविवारी पाडण्यास सूरूवात करण्यात येणार आहे. त्यामुळे महामार्गावरील वाहतूकीबाबत सातारा जिल्हा पोलिस प्रमुख समीर शेख यांनी अधिकृत अधिसूचना जाहीर केली आहे.
हॉटेलमध्ये विसरलेले १४ तोळे दागिने मिळाले परत
पुणे - बंगळूर राष्ट्रीय महामार्गावर शिवडे, ता. कराड गावच्या हद्दीत आपलं गांव मनपसंद फुडमॉल या हॉटेलमध्ये जेवण करण्यासाठी थांबलेल्या एका कुटुंबाची ७ लाख रुपये किंमतीचे सोन्याचे दागिने असलेली पिशवी हॉटेल मालक यांनी तात्काळ पोलिस अधिकारी यांच्याशी संपर्क साधून संबंधित कुटुंबियांच्या स्वाधीन केल्याने कुटुंबियांनी हॉटेल मालक यांच्या प्रामाणिकपणाबद्दल आभार मानले आहेत.
हरवलेल्या व्यक्तीची घडवली नातेवाईकांशी भेट
भोसलेवाडी ग्रामपंचायत हद्दीत राष्ट्रीय महामार्ग लगत महेश नाश्ता सेंटर आहे. सायंकाळी 6 च्या दरम्यान एक वयोवृद्ध इसम हातात फाटकी पिशवी, त्यामधे मळकट कपडे घेऊन दाखल झाला. त्याने हॉटेल मालकाकडे चहाची मागणी केली.
भोसलेवाडीत जवानाचे कुटुंब भोगतेय नरक यातना
भोसलेवाडी, तालुका कराड येथील वीट व्यवसायिकांकडून सर्वसामान्यांच्या जीवाशी खेळण्याचे काम चालू आहे. या ठिकाणी सैन्य दलात कार्यरत असणारे जवान परशुराम राठोड यांच्या राहत्या घरापासून अवघ्या पाच फूट अंतरावर वीट भाजण्यासाठी भट्टी रचनेचे काम सुरू आहे. तरीही महसूल विभाग मात्र गांधारीच्या भूमिकेत वावरत आहे.
कराड तालुक्यात चैन स्नॅचिंग
दुशेरे, ता. कराड गावच्या हद्दीतून अज्ञात चोरट्याने एका महिलेच्या गळ्यातील ४५ हजार रुपये किमतीचे सोन्याचे दागिने हिसकावून, चोरून नेल्याची तक्रार कराड तालुका पोलीस ठाण्यात दाखल झाली आहे.
गहाळ व चोरीस गेलेले 4 लाख रूपयांचे 25 मोबाईल मूळ मालकांना परत
कराड शहर हद्दीतील गहाळ व चोरीस गेलेले 4 लाख रूपयांचे 25 मोबाईल वरिष्ठ पोलिस निरीक्षक बी. आर. पाटील यांच्या हस्ते मूळ मालकांना परत करण्यात आले.
लोकायुक्त सुधार विधेयक पुन्हा चर्चेला यावे!
तब्बल 2 वर्षानंतर नागपुरला विधीमंडळाचे हिवाळी अधिवेशन झाले. मात्र, या सरकारने ते 2 आठवड्यात गुंडाळले. लोकायुक्त सुधार विधेयक घाईगडबडीत पारीत केले. अशा प्रकारे विधेयके पारीत करणे महाराष्ट्राला अशोभनीय आहे.
मनाई असताना चक्क कराडच्या प्रीतिसंगम उद्यानात झाली शिक्षकांची प्रचार सभा; यशवंतराव चव्हाण प्रेमी संतप्त
कराड-पाटण तालुका शिक्षक सोसायटीच्या निवडणूक प्रचाराचा शुभारंभ चक्क प्रीतिसंगम उद्यानात केल्याचा धक्कादायक प्रकार उघडकीस आला आहे. दिवंगत यशवंतराव चव्हाण यांच्या समाधीस्थळी अभिवादन केल्यानंतर उद्यानात सतरंज्या अंथरून प्रचार शुभारंभाची सभा देखील घेण्यात आली.
साताऱ्यातील दुचाकीस्वाराचा रत्नागिरीत अपघाती मृत्यू
कोकणात रत्नागिरी-कोल्हापूर महामार्गावरील आंबा घाटातील चक्री वळणाजवळ टँकर-मोटारसायकल यांच्यात झालेल्या भीषण अपघातात दुचाकीस्वाराचा जागीच मृत्यू झाला आहे.
अवैध दारू अड्ड्यावर छापा
कराड तालुक्यातील कालेटेक येथे बस थांब्याजवळच चोरटी दारू विक्री सुरू होती. याचा त्रास बस थांब्यावरील महिला, विद्यार्थिनींसह प्रवाशांना होत होता. कालेटेकचे पोलीस पाटील विठ्ठल जाधव व महेश जाधव यांच्याकडे तक्रारी आल्यानंतर त्यांनी पोलिसांच्या मदतीने दारू विक्री रोखली. सहाय्यक पोलीस निरिक्षक बिराजदार यांनी याप्रकरणी दोघांना ताब्यात घेतले आहे.
पेरले येथे जुगार अड्डयावर छापा
पोलीस अधीक्षक समीर शेख यांच्या आदेशाने जिल्ह्यामध्ये जुगार अड्डयांवर छापा सत्र सुरूच असून पेरले, ता. कराड येथे पोलिसांनी जुगार अड्डयावर छापा टाकून सुमारे १ लाख ५२ हजार रुपयांचा मुद्देमाल हस्तगत केला.
कराड तालुक्यात अल्पवयीन मुलीवर अत्याचार
कराड तालुक्यात अल्पवयीन मुलीच्या अज्ञान पणाचा फायदा घेत लग्नाचे आमिष दाखवून एकाने तिच्यावर अत्याचार केल्याची तक्रार कराड शहर पोलीस ठाण्यात दाखल झाली आहे.
शिवाजी विद्यापीठ कोल्हापूरच्या अधिसभा सिनेट निवडणुकीत कराडचे अमित जाधव विजयी
शिवाजी विद्यापीठ कोल्हापूरच्या अधिसभा सिनेट निवडणुकीत कराडचे अमित जाधव विजयी सातारा : शिवाजी विद्यापीठ, कोल्हापूरची सन 2022 ते 2027 कालावधीसाठी झालेल्या अधिसभा सिनेट निवडणुकीत कराडचे अमित जाधव हे नोंदणीकृत पदवीधर मतदारसंघातून पहिल्या पसंतीची 1701 मते घेऊन मोठ्या फरकाने निवडून आले. या निवडणुकीसाठी दि. 14 नोव्हेंबर रोजी मतदानप्रक्रिया पार पडली होती. सातारा, सांगली, कोल्हापूर जिल्ह्यातील सुमारे 33 मतदान केंद्रावर मतदान झाले. त्यांनतर दि.16 नोव्हेंबरं रोजी मतमोजणीप्रक्रिया घेण्यात आली. सदर निवडणूक ही पसंतिक्रम नोंदवून घेण्यात आले होते त्यामुळे मतमोजणी प्रक्रिया सुमारे 36 तासाहून जास्त वेळ चालली. नोंदणीकृत पदवीधर मतदारसंघात सुमारे 11131 पदवीधरांनी मतदान केले होते. या मतदारसंघातून 10 उमेदवार निवडून द्यायचे होते. त्यापैकी 9 उमेदवार हे डी. वाय. पाटील ग्रुपचे अध्यक्ष मा.डॉ. संजय डी पाटील यांचे अध्यक्षतेखालील विद्यापीठ विकास आघाडीचे निवडून आले. तर विरोधी आघाडीचा फक्त 1 उमेदवार निवडून आला. आजपर्यंत सिनेट अधिसभा निवडणुकीत नेहमीच कोल्हापूर जिल्ह्याचे वर्चस्व दिसून आले आहे परंतु या निवडणुकीत पहिल्यांदाच पदवीधर मतदारसंघातून सातारा आणि सांगली जिल्ह्यातून एकमेव तासवडे, ता.कराड गावचे सुपुत्र अमित जाधव यांना शिवाजी विद्यापीठ विकास आघाडीतर्फे उमेदवारी देण्यात आली होती. इतर सर्व निवडून आलेले 9 उमेदवार हे कोल्हापूर जिल्ह्यातील आहेत. सातारा, सांगली आणी कोल्हापूर असे तीन जिल्ह्यांचे कार्यक्षत्र असल्याने सदर निवडणुकीला विशेष महत्व प्राप्त झाले होते. या तिन्ही जिल्ह्यातील विविध महाविद्यालये या अंतर्गत येतात. विद्यार्थी, पदवीधर, प्राध्यापक, कर्मचारी आणी संस्थांचालक यांना भेडसवणारे प्रश्न, शैक्षणिक धोरण, विद्यापीठ अर्थसंकल्प , परीक्षा आदी महत्वपूर्ण बाबींवर अधिसभा सिनेट मध्ये निर्णय घेण्यात येतात. अमित जाधव हे गेल्या बारा वर्षांपासून कॉंग्रेसच्या विद्यार्थी ( छडणख ) व युवक संघटनेत काम करीत आहेत. सध्या ते सातारा जिल्हा युवक कॉंग्रेसचे कार्याध्यक्ष आहेत. विद्यापीठांतर्गत येणार्‍या सर्व घटकांचा आवाज बनून मी नक्की अधिसभेत हक्काने प्रश्न उपस्थित करून त्यावर न्याय मिळवून देईन अशी प्रतिक्रिया अमित जाधव यांनी विजयी झालेवर दिली. तसेंच मला सदर ठिकाणी काम करणेची संधी उपलब्ध करून दिली त्याबद्दल महाराष्ट्राचे माजी मुख्यमंत्री मा.आ.पृथ्वीराज चव्हाण, माजी गृहराज्यमंत्री मा.आ.सतेज उर्फ बंटी पाटील साहेब , विद्यापीठ विकास आघाडीचे अध्यक्ष मा.डॉ.संजय डी पाटील साहेब , मा.आ.ऋतुराज पाटील, मा.आ.जयंत आसगावकर यांचे आभार मानले. या विजयाबद्दल त्यांचे महाराष्ट्र प्रदेश युवक कॉंग्रेसचे उपाध्यक्ष शिवराज मोरे, शिवाजी शिक्षण संस्थेचे प्रकाश बापू पाटील, डॉ.डी.आर मोरे सर, भैया माने, धैर्यशील बाबा पाटील, अमित कुलकर्णी, देवराज दादा पाटील, उदयसिंह पाटील, चित्रलेखा ताई कदम, अमरसिंह पाटणकर, निवास थोरात, सचिन बेडके - सूर्यवंशी, संजीव चव्हाण, पृथ्वीराज गोडसे, डॉ.सूर्यकांत केंगार, प्राचार्य एल. जी.जाधव , प्राचार्य मोहन राजमाने आदीनीं अभिनंदन करून शुभेच्छा दिल्या.
मोबाइल शॉपी फोडून साहित्य चोरणारी तीन जणांची टोळी जेरबंद
मोबाइल शॉपीची भिंत फोडून आतील साहित्याची चोरी करणारी तीन जणांची टोळी जेरबंद करण्यात कराड पोलीस ठाण्याच्या गुन्हे प्रकटीकरण शाखेच्या पथकाला यश आले. त्यांच्याकडून १ लाख १३ हजार रुपयांचा मुद्देमाल हस्तगत केला.
मॉर्निंग वॉकला जाणाऱ्या ज्येष्ठ नागरिकांना लुटणारी दुक्कल जेरबंद
कराड शहर परिसरात मॉर्निंग वॉकला जाणाऱ्या ज्येष्ठ नागरिकांना लुटणारी दुक्कल सक्रिय झाली होती. त्यांना जेरबंद करून तसेच त्यांच्याकडे दोन गुन्हे उघड करून तीन लाख दहा हजार रुपयांचा मुद्देमाल हस्तगत करण्यात कराड शहर पोलिसांना यश आले आहे.
मलकापूर येथून मोटरसायकलची चोरी
अज्ञात चोरट्याने मलकापूर येथून मोटरसायकलची चोरी केल्याची फिर्याद कराड शहर पोलीस ठाण्यात नोंदविण्यात आली आहे.
अखेर कराडमधील 9 फूटी मगर पकडण्यात वनविभागाला यश
खोडशी ग्रामस्थ मगरीच्या दहशतीखाली होते. वनविभागाने देखील ग्रामस्थांना दक्ष राहण्याची सूचना करत ब्रिटिशकालीन बंधाऱ्यात न उतरण्याचे आवाहन केले होते. वनविभागाचे कर्मचारी गेली तीन दिवस मगरीला पकडण्याचे प्रयत्न करत होते. अखेर मगरीला पकडण्यात वनविभागाला यश आल्यानंतर खोडशी ग्रामस्थांनी सुटकेचा निःश्वास टाकला आहे.
कराड तालुक्यात बालविवाह मुक्त भारत अभियानास उत्स्फुर्त प्रतिसाद
कैलास सत्यार्थी चिल्ड्रन फाऊंडेशन नवी दिल्ली याच्या वतीने भारतभर सुरू केलेले बालविवाह मुक्त भारत अभियान अंतर्गत ज्ञानदीप राष्ट्रीय सामाजिक व शैक्षणिक विकास संस्थेच्यावतीने कॅण्डल रॅलीसह विविध उपक्रमांद्वारे सातारा जिल्ह्यात कराड तालुक्यातील 36 गावात जनजागृती करण्यात आली. या अभियानात उत्स्फुर्तपणे सहभाग घेतला.
दिवाळीनिमित्त सावित्रीच्या लेकींना मिळाल्या मोफत सायकली
गतवर्षीचे रोटरी क्लबचे अध्यक्ष चंद्रकुमार डांगे व सचिव अभय पवार यांच्या प्रयत्नांतून 'सावित्री कन्या’ मोफत सायकल वाटप योजनेअंतर्गत कराड शहर आणि परिसरातील १८ सावित्रीच्या लेकींना या सायकलींचे वाटप करण्यात आले.
नडशीत महिलेचे दागिने चोरट्यांनी पळवले
नडशी (कॉलनी, ता. कराड) येथे काल रात्री दोनच्या सुमारास चोरट्यांनी विमल साहेबराव ढेकळे यांच्या घरात घुसून अंदाजे एक तोळे सोने लंपास केले. दोन ठिकाणी चोरीचा प्रयत्न अयशस्वी ठरला.
कराड येथील शिवशंकर नागरी सह.पतसंस्थेला टाळे; ठेवीदार सभासदांची पोलिसात धाव...!!
कराड शहरातील शिवशंकर नागरी सहकारी पतसंस्थेच्या सभासद ठेवीदारांना धक्का बसला आहे. ही पतसंस्था गेली काही दिवस बंद असल्याचे निदर्शनास आल्याने संस्थेच्या ठेवीदार व सभासद हवालदिल झाले आहेत. या पार्श्वभूमीवर संस्थेचे ठेवीदार यांनी कराड शहर पोलीस स्टेशन गाठले असून वरिष्ठ पोलीस निरीक्षक बी. आर. पाटील यांना आपल्या मागण्यांचे निवेदन दिले आहे.
भाजप प्रदेश सचिव विक्रम पावसकर यांच्यावर गुन्हा
वाठार स्टेशन (ता. कोरेगाव) येथील ४ ऑक्टोंबर २०२२ रोजी दुर्गा उत्सवाच्या एका कार्यक्रमात भाजपचे प्रदेश सचिव विक्रम पावसकर यांनी दोन समाजात तेढ निर्माण करणारे वक्तव्य केल्याची तक्रार हमीद खान व नुरखान पठाण यांनी कोरेगाव पोलिसात दिली आहे. त्यानुसार विक्रम पावसकर यांच्यावर आयपीसी १५३ (अ) अंतर्गत गुन्हा नोंदवण्यात आला आहे.
कराड शहरातून दुचाकीची चोरी
कराड शहर परिसरातून अज्ञात चोरट्याने दुचाकीची चोरी केली असल्याची फिर्याद कराड शहर पोलीस ठाण्यात नोंदविण्यात आली आहे.
गोटे येथे दोन चिमुकल्यांवर कोयत्याने वार
गोटे, ता. कराड येथे पत्नीने कुटुंब नियोजनाचे ऑपरेशन केल्याचा राग मनात धरून पतीने आपल्या दोन चिमुकल्यांवर कोयत्याने वार केल्याची घटना घडली. पोलिसांनी बाबासो वायदंडे रा. गोटे, ता. कराड याला अटक केली आहे. त्याला न्यायालयात हजर केले असता दोन दिवस पोलीस कोठडीत ठेवण्याचे आदेश न्यायालयाने दिले.
पालिका कर्मचाऱ्याचा चेंबर साफ करताना गुदमरून मृत्यू; दुसरा कर्मचारी गंभीर जखमी
कराड शहराच्या वाखाण परिसर येथे मोठी दुर्घटना घडली. अंडरग्राउंड ड्रेनेज साफ करत असताना नगरपालिकेचा एका कर्मचाऱ्यांचा गुदमरून मृत्यू झाला आहे. तर मदतीला गेलेला दुसरा कर्मचारी गंभीर जखमी झाला आहे. नगरपालिकेकडे अत्यावश्यक सोयी- सुविधा नसल्याने ही घटना घडल्याचे समोर येत आहे.
श्रमिक मुक्ती दलाचा कराडमध्ये 15 रोजी वार्षिक महामेळावा : डॉ. भारत पाटणकर
र्यावरण पूरक कृषी व औद्योगिक समाज व्यवस्था निर्माण करण्यासाठी श्रमिक मुक्ती दलाचा दि.15 सप्टेंबर रोजी कराड येथील पलाश मंगल कार्यालयामध्ये वार्षिक महामेळावा आयोजित करण्यात आला आहे अशी माहिती श्रमिक मुक्ती दलाचे नेते डॉ. भारत पाटणकर यांनी पत्रकार परिषदेत दिली.
‘धर्म’ महत्त्वाचा की ‘भाकरी’ याचा विचार माध्यम प्रतिनिधींनी समाजात रुजवावा : रविंद्र बेडकिहाळ
प्रसारमाध्यमांचे बदलते स्वरुप समजून घेण्यासाठी सध्याच्या लोकशाहीचे बदलते स्वरुपसुद्धा नव्या पिढीतील पत्रकारिता, प्रसारमाध्यम, समाजमाध्यम, डिजीटल माध्यम प्रतिनिधी आणि तरुण विद्यार्थ्यांनी समजून घेतले पाहिजे.
४० हजार रुपये लाचेची मागणी करणाऱ्या कराड येथील तलाठ्यावर गुन्हा
ऑनलाइन सातबारा उताऱ्यावर नाव दुरुस्त करण्यासाठी ४० हजार रुपये लाचेची मागणी करणाऱ्या कराड, ता. कराड येथील तलाठी सागर दत्तात्रय पाटील यांच्या विरोधात कराड शहर पोलीस ठाण्यात तक्रार दाखल झाली आहे.
कॉंग्रेसच्या 'त्या' सात आमदारांनी पैसे घेऊन भाजपला मतदान केलं : पृथ्वीराज चव्हाण
राज्यसभेतील विरोधी पक्षनेते आणि काँग्रेसचे दिग्गज नेते गुलाम नबी आझाद यांनी सोनिया गांधींना पाच पानी पत्र लिहून पक्षाचा राजीनामा दिला असतानाच, आता काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी महाराष्ट्रातील निवडणुकीबाबत मोठा गौप्यस्फोट केलाय.
कराड येथून दुचाकीची चोरी
कराड, ता.कराड येथून अज्ञात चोरट्याने दुचाकी चोरून झाल्याची तक्रार कराड पोलीस ठाण्यात दाखल झाली आहे.
दुचाकीची चोरी
अपार्टमेंटच्या पार्किंग लॉटमध्ये पार्क केलेली दुचाकी अज्ञात चोरट्याने चोरी केल्याची तक्रार कराड शहर पोलीस ठाण्यात नोंद करण्यात आली आहे.
युवतीचा विनयभंग केल्याप्रकरणी एकावर गुन्हा
युवतीचा विनयभंग केल्याप्रकरणी कराड शहर पोलीस ठाण्यात एकावर गुन्हा दाखल झाला आहे.
मद्यधुंद स्कार्पिओ चालकाने दुचाकीस्वाराला नेले फरफटत; भीषण अपघाताचा थरार
कराड तालुक्यातील कार्वे गावात स्कॉर्पिओ चालकाने दोन मोटरसायकलींना जोरदार धडक दिल्याचा प्रकार समोर आला आहे. अपघाताचा हा थरार सीसीटीव्हीमध्ये कैद झाला आहे. या अपघातात दोघे जण गंभीर जखमी झाले आहेत.
अवैध दारू विक्री प्रकरणी कराड पोलिसांचा सहा ठिकाणी छापा
अवैध दारू विक्री प्रकरणी कराड शहर आणि तालुका पोलिसांनी विविध सहा ठिकाणी छापे मारले असून सहा हजार सहाशे वीस रुपयांच्या देशी दारूच्या बाटल्या जप्त केल्या आहेत.
सिलेंडर स्फोटात जखमी झालेल्या एकाचा मृत्यू
सिलेंडर स्फोटात जखमी झालेल्या एकाचा उपचारादरम्यान मृत्यू झाल्याची नोंद कराड शहर पोलीस ठाण्यात करण्यात आली आहे.
महिलेचा विनयभंग केल्याप्रकरणी एकावर गुन्हा
महिलेचा विनयभंग केल्याप्रकरणी एकावर कराड शहर पोलीस ठाण्यात गुन्हा नोंद करण्यात आला आहे.
हद्दपार आदेशाचे उल्लंघन केल्याप्रकरणी कराड येथील दोघांवर गुन्हा
हद्दपार आदेशाचे उल्लंघन केल्याप्रकरणी कराड येथील दोघांवर कराड शहर पोलीस ठाण्यात गुन्हा नोंद करण्यात आला आहे.
जबरी चोरी प्रकरणी दोन तृतीयपंथीयांवर गुन्हा
तासवडे टोल नाका, ता. कराड परिसरात जबरी चोरी केल्याप्रकरणी दोन तृतीयपंथीयांवर तळबीड पोलीस ठाण्यात गुन्हा दाखल झाला आहे.
अपघातात जखमी केल्याप्रकरणी एकावर गुन्हा
अपघातात एकाला जखमी केल्याप्रकरणी एकावर उंब्रज पोलीस ठाण्यात गुन्हा दाखल झाला आहे.
राजेंद्रसिंह यादव यांनी घेतली मुख्यमंत्री एकनाथ शिंदे यांची भेट
कराड शहराच्या विविध विकास योजनांवर चर्चा करण्यासाठी पालिकेतील सत्तारुढ यशवंत विकास आघाडीचे अध्यक्ष व गटनेते नगरसेवक राजेंद्रसिह यादव यांनी मुख्यमंत्री एकनाथ शिंदे यांची त्यांच्या निवासस्थानी भेट घेतली.
कष्टकरी व शेतकऱ्यांचे नेते साजिद मुल्ला यांचे निधन
बळीराजा शेतकरी संघटनेचे युवा प्रदेशाध्यक्ष साजिद मुल्ला (वय 42) यांचे आज कराड येथील कृष्णा रुग्णालयात उपचारादरम्यान निधन झाले. त्यांच्या निधनाने शेतकरी चळवळीला एक मोठा धक्का बसला असून सर्व स्तरातून हळहळ व्यक्त होत आहे.
जिलेटिन कांड्यांचे मूळ शोधण्याचे कराड पोलिसांसमोर आव्हान
कराड तालुक्यातील गजानन हौसिंग सोसायटीमधील बँक ऑफ इंडियाचे ATM जिलेटीन कांड्यांद्वारे उडवून देऊन 9 लाखांची रोख रक्कम चोरी करण्यासाठी चोरट्यांनी सिनेमाप्रमाणे नामी शक्कल लढवली होती. कराड पोलिसांच्या दामिनी पथकाने वेळीच त्यांचा हा कट उधळून लावला.
टेंभू प्रबोधनाचे ज्ञानतीर्थ म्हणून गौरवले जाईल : डॉ. यशवंत पाटणे
इंद्रधनु विचारमंच फौंडेशनने टेंभू येथे आगरकरांच्या नावे पुरस्काराचा स्तुत्य उपक्रम सुरू केला आहे. या प्रेरणादायी उपक्रमामुळे गुणवंत पत्रकारांबरोबरच टेंभू हे प्रबोधनाचे ज्ञानतीर्थ म्हणून गौरवले जाईल, असा विश्‍वास ज्येष्ठ विचारवंत प्राचार्य डॉ. यशवंत पाटणे यांनी व्यक्त केला.
कराडात पिस्तूलधारी यूवकांना पोलिसांनी केली अटक
शहरातील कृष्णा नाका परिसरात देशी बनावटीच्या पिस्तुलसह एक आणि तडीपार असलेल्या दोन आरोपींसह तिघांना उपविभागीय पोलिस अधिकारी कार्यालयाच्या विशेष पथकाने अटक केली आहे.
वराडे येथे दुचाकीला कारची धडक, दोघेजण गंभीर
आशियाई महामार्गावर वराडे ता. कराड गावचे हद्दीत कांबळे वस्ती नजिक दुचाकीला पाठीमागून येणाऱ्या कारने जोराची धडक दिली. या भीषण अपघातात तासवडे एमआयडीसीत कामासाठी जाणारे दोघेजण गंभीर जखमी झाले आहेत.
मलकापूर नगरपंचायतीतील निधी अपहार प्रकरणाची होणार चौकशी
मनोहर भास्कर यादव व नगरसेवक राजेंद्र प्रल्हाद यादव तत्कालीन मुख्याधिकारी राजेंद्र तेली व संजीवनी शंकराव दळवी यांनी शासनाची फसवणूक करून नगरपंचायतीकडे जमा झालेल्या कामगार कल्याण निधीचा अपहार केल्याप्रकरणाचा तपास करून अंतिम अहवाल दोन महिन्याच्या आत सादर करावा, असे आदेश कराड येथील मुख्य न्यायदंडाधिकारी एस एम सरोदे यांनी नुकतेच कराड पोलिसांना दिले आहेत.
अवैध मुरूम उत्खनन करणाऱ्यांवर कडक कारवाईची मनसेची मागणी
चरेगाव, ता.कराड हद्दीदरम्यान असलेल्या सुकाई देवी मंदिरा जवळील परिसरात अवैधरित्या करण्यात आलेल्या मुरूम उत्खननाशी संबंधित व्यक्तीवर कठोर कारवाई करावी, अशी मागणी महाराष्ट्र नवनिर्माण सेनेच्या कार्यकर्त्यांनी लेखी निवेदनाद्वारे प्रांताधिकारी यांच्याकडे केली आहे.
जिल्हा पोलीस प्रमुखांकडून कराड येथील दोघेजण तडीपार
जिल्हा पोलीस प्रमुखांनी कराड येथील दोघाजणांना तडीपारीचे आदेश पारित केले आहेत.
दोन तडीपार गुन्हेगारांना कराड परिसरात अटक
सातारा जिल्हा आणि लगतच्या सांगली जिल्ह्यातील शिराळा, वाळवा, कडेगाव तालुका हद्दीतून सहा महिन्या करता तडीपार करण्यात आलेल्या दोन गुन्हेगारांना स्थानिक गुन्हे शाखेने कराड एसटी स्टँड परिसरातून अटक केली.
कराडचा नवीन कृष्णा पूल वाहतुकीस खुला...!!
कराड ते विटा महामार्गावरील येथील कृष्णा नदीवर झालेला नवीन कृष्णा पूल दुपारपासून वाहतुकीला खुला करण्यात आला. पुलाचे काम तब्बल तीन वर्षे सुरू असल्याने पूल बहुचर्चित होता. त्यासाठी तब्बल ३५ कोटींचा खर्च आला आहे. पूल तब्बल ३२० मीटरचा आहे. पुलाखाली ४० मीटरचे आठ गाळे आहेत.
कराडवाडी गावच्या हद्दीत अज्ञात महिलेचा मृतदेह आढळला
कराडवाडी, ता. खंडाळा गावच्या हद्दीत अज्ञात महिलेचा कुजलेल्या स्थितीत मृतदेह आढळून आल्याची नोंद लोणंद पोलीस ठाण्यात दाखल झाली आहे.
कराडात थकबाकी वसुलीवेळी वायरमनला मारहाण; एकावर गुन्हा
सुमंगलनगर, कार्वे नाका, कराड येथे वीज बिलांची थकीत वसुली करण्यासाठी गेलेल्या वायरमनला मारहाण करण्यात आली. गुरुवारी 24 रोजी दुपारी 12.30 वाजण्याच्या सुमारास हा प्रकार घडला. याप्रकरणी एकावर कराड शहर पोलीस ठाण्यात गुन्हा दाखल करण्यात आला आहे.
एकावर कोयत्याने वार केल्याप्रकरणी तिघांवर गुन्हा
जखिणवाडी, ता. कराड येथे एकावर कोयत्याने वार झाला आहे. बुधवारी 23 रोजी सायंकाळी 6 वाजण्याच्या सुमारास गावच्या यात्रेदरम्यान ही घटना घडली. याप्रकरणी कराड शहर पोलीस ठाण्यात तिघांवर गुन्हा नोंद करण्यात आला असून रात्री उशिरा पोलिसांनी एकाला अटक केली आहे.
युवक- युवतींच्या "रंग बरसे"चा बेरंग
मलकापूर हद्दीत महामार्गावर असलेल्या महामर्गावरील ग्रीनलॅन्ड हाॅटेलमध्ये युवक- युवतींना एकत्र करून रंगपंचमीनिमित्त आयोजित केलेला रंग बरसे कार्यक्रम पोलिसांनी उधळला. कोणतीही परवानगी न घेता ग्रीनलॅन्ड या हॉटेलमध्ये कार्यक्रम होणार होता. कार्यक्रमापूर्वीच जमलेल्या युवक, युवतींना पोलिसांनी हकलले, मात्र आयोजक किंवा हाॅटेलवर कोणतीच कारवाई करण्यात आलेली नाही.
शकिला शेख ठरली कराड तालुक्यातील पहिली महिला सैनिक
खरं तर असे कुठलेच क्षेत्र नाही की ज्यात महिला नाहीत. मुलींच्या बाबतीत ग्रामीण भागात एकेकाळी बाहेर पाठवायला नकार असायचा. विशेषतः सैन्यदलात महिला सहभागी होण्याचे प्रमाण अल्प आहे. कोळे, ता. कराड येथील भूमीकन्या शकिला आमीर शेख हिने बॉर्डर सिक्युरिटी फोर्स दलात रूज होत सैन्य दलातील कराड तालुक्याची पहिली कन्या होण्याचा मान मिळवला आहे.
कराड लोकन्यायालयात तब्बल साडेपाच कोटीच्या तडजोडी
सर्वोच्च न्यायालयाच्या निर्देशानुसार कराड जिल्हा सत्र न्यायालयात आयोजित केलेल्या लोकन्यायालयात विविध प्रकारचे तब्बल २ हजार १६१ न्यायालयीन प्रकरणे तडजोडीने मिटविण्यात आली. यामध्ये सुमारे ५ कोटी ५१ लाख २ हजार ४४५ रुपयांचे न्यायालयीन वाद तडजोडीने मिटवण्यात यश आले.
कालेत एकास मारहाण प्रकरणी दोघांवर गुन्हा
काले, ता. कराड येथे माझ्या शेतात टाकलेले घेवड्याचे वेल काढ, असे म्हटल्याच्या कारणावरुन पिता-पुत्राने एकाला मारहाण केली. गुरूवारी १७ रोजी सायंकाळी ५.३० वाजण्याच्या सुमारास ही घटना घडली. याप्रकरणी कराड ग्रामीण पोलिस ठाण्यात दोघांवर गुन्हा नोंद करण्यात आला आहे.
कालेत एकास मारहाण प्रकरणी दोघांवर गुन्हा
काले, ता. कराड येथे माझ्या शेतात टाकलेले घेवड्याचे वेल काढ, असे म्हटल्याच्या कारणावरुन पिता-पुत्राने एकाला मारहाण केली. गुरूवारी १७ रोजी सायंकाळी ५.३० वाजण्याच्या सुमारास ही घटना घडली. याप्रकरणी कराड ग्रामीण पोलिस ठाण्यात दोघांवर गुन्हा नोंद करण्यात आला आहे.
सातारा केंद्रीय विद्यालय उभारणीसाठी जागेचा शोध सुरू
सातारा केंद्रीय विद्यालय उभारणीसाठी खा.श्रीनिवास पाटील यांनी लोकसभेत केलेल्या मागणीला व त्यांनी सातत्याने केलेल्या पाठपुराव्याला यश येत असल्याचे दिसून येत आहे. प्रशासनाकडून केंद्रीय विद्यालय उभारणीसाठी जागेचा शोध सुरू असून पर्यायी जागांची पहाणी खा.श्रीनिवास पाटील यांनी गुरूवारी शासकीय अधिकाऱ्यांसोबत केली.
कृष्णा फौंडेशनमध्ये एमबीएच्या प्रवेशासाठी नोंदणी सुरु
आज एमबीए या व्यवस्थापन क्षेत्रात विद्यार्थ्यांना करिअरच्या असंख्य संधी उपलब्ध आहेत. त्यामुळे विद्यार्थी व्यवस्थापन क्षेत्रात आपले करिअर करताना दिसत आहेत. नवीन शैक्षणिक २०२२ साठी ७ एप्रिल ही व्यवस्थापन अभ्यासक्रमाच्या शासकीय प्रवेश परीक्षेसाठी नाव नोंदणी करण्याची अंतिम तारीख आहे. या कालावधीत जास्तीत-जास्त विद्यार्थ्यांनी आपले नाव नोंदणी करावी, असे आवाहन कृष्णा फौंडेशनच्या वतीने करण्यात आले आहे.
महिला वसतिगृह गृहपालास 15 हजारांची लाच स्वीकारताना रंगेहात पकडले
सेवानिवृत्तीनंतरची पेन्शन मिळवून देण्यासाठी बी.सि. ई.बी.सी. मुलींचे शासकीय वसतिगृह, उत्तर पार्ले ता. कराड येथील गृहपाल वर्ग 3 महिला अधिकारी यांनी तक्रारदार महिलेकडे 20 हजारांची लाच मगितली. त्यानंतर गुरुवार सापळा रचून 15 हजारांची लाच स्वीकारताना लाच लुचपत प्रतिबंध विभागाने संबंधित महिला अधिकाऱ्याला रंगेहात पकडले. गुरुवारी 17 रोजी ही कारवाई करण्यात आली.
शंभूतीर्थ स्मारक उभारणीसाठी कराड तालुक्याचा सहभाग घेणार
स्वराज्यरक्षक श्रीमंत छत्रपती संभाजी महाराजांचे येथील भेदा चौकात भव्य स्मारक उभारण्यात येणार आहे. या स्मारकस्थळास शंभूतीर्थ असे संबोधण्यात येणार असून देशातील एक भव्य स्मारक उभारण्याचा संकल्प करण्यात आला आहे. या स्मारकासाठी शासकीय परवानग्यांसाठी प्रयत्न सुरू आहेत.
वाठार येथे टायर फुटल्याने टेंपो महामार्गावर पलटी
वाठार, ता. कराड येथे पुणे-बेंगलोर महामार्गावर टेंपोचा अचानक टायर फुटल्याने चालकाचा ताबा सुटून टेंपो महामार्गावर पलटी झाला. या अपघातात मालासह वाहनाचे मोठ्या प्रमाणात नुकसान झाले आहे. मंगळवारी दुपारी 1.30 वाजण्याच्या सुमारास हा अपघात झाला.
घारेवाडीनजीक कार-दुचाकी अपघातात एक ठार
घारेवाडी, ता. कराड येथे साई पेट्रोल पंपाजवळ कारने दुचाकीला जोरदार धडक दिली. यामध्ये दुचाकीस्वार जागीच ठार झाला. कराड-ढेबेवाडी रस्त्यावर घारेवाडी, ता. कराड गावच्या हद्दीत साई पेट्रोल पंपाजवळ सोमवारी 14 रोजी सकाळी 8.30 वाजण्याच्या सुमारास हा अपघात झाला. याप्रकरणी कराड ग्रामीण पोलीस ठाण्यात कार चालकावर गुन्हा नोंद करण्यात आला आहे.
इंधनबचत व पर्यावरण रक्षणासाठी सायकल हा उत्कृष्ट पर्याय : दिपक बेलवलकर
उत्तम आरोग्य आणि पर्यावरण रक्षणासाठी व इंधन बचतीसाठी सायकलच उत्तम पर्याय आहे, असे प्रतिपादन दिपक बेलवलकर यांनी केले.
यशवंतराव चव्हाण नितीमुल्ये जपणारे मानवतेचे मंदिर
समाजाचे मन वाचण्याचे आणि समाज मन चेतवण्याचे शाब्दिक सामर्थ्य आणि वैचारिक ऐश्वर्य त्यांच्या ठायी होते. यशवंतराव हे नितीमुल्ये जपणारे मानवतेचे मंदिर असून नव्या पिढीने जाणतेपणाने त्यांच्या जीवनचरित्रातून सत्कर्माची प्रेरणा घेतली पाहिजे, असे प्रतिपादन ज्येष्ठ विचारवंत प्राचार्य डाँ. यशवंत पाटणे यांनी केले.
कराडात ऑल आऊट मोहिमेत 15 जणांवर कारवाई
कराड शहर पोलिस ठाण्याच्या माध्यमातुन शुक्रवारी रात्री राबवण्यात आलेल्या ऑल आऊट मोहिमेत एकुण 15 जणांवर कारवाई करण्यात आली. उपविभागीय पोलीस अधिकारी डॉ.रणजीत पाटील व वरीष्ठ पोलिस निरीक्षक बी.आर. पाटील यांच्यासह अधिकारी व कर्मचारी या मोहिमेत सहभागी झाले.
पाचवड फाट्याजवळ अज्ञात वाहनाच्या धडकेत दोन ठार
कराड तालुक्यात पुणे-बेंगलोर आशियायी महामार्गावर पाचवड फाट्याजवळ अज्ञात वाहनाने दुचाकीला दिलेल्या धडकेत सातारा येथील दोन युवक जागीच ठार झाले. गुरुवारी 10 रोजी रात्री ११.३० वाजण्याच्या सुमारास हा अपघात घडला.
विनापरवाना खैर लाकडाची वाहतुक करणारा ट्रक ताब्यात
वराडे, ता. कराड गावानजीक पुणे-बेंगलोर आशिया महामार्गावर विनापरवाना खैर प्रजातीची वृक्षतोड करून त्यापासून माल तयार केलेल्या मालाची वाहतुक करणाऱ्यांवर वनविभागाने कारवाई केली. सलग दुसऱ्या दिवशी गुरुवारी वनविभागाकडून ही कारवाई मोहीम राबवण्यात आली. त्यामध्ये ट्रकसह ट्रक चालकास वनविभागाने ताब्यात घेतले. तसेच वनविभागाने साडे चार लाखांचा मुद्देमालही जप्त केला आहे.
कराड पंचायत समितीचा शिक्षण महोत्सव संपन्न
कराड पंचायत समितीचा शिक्षण महोत्सव उत्साहात संपन्न झाला. दोन दिवसीय शिक्षण महोत्सवाची शुक्रवारी ११ रोजी सांगता झाली. महोत्सवानिमित्त आयोजित विविध स्पर्धांचे निकाल व पारितोषिक वितरण मान्यवरांच्या हस्ते पार पडले.
मसूरमध्ये दरोडा; डॉक्टर दाम्पत्यास मारहाण
मसूर, ता.कराड येथे मंगळवार दि. १ रोजी मध्यरात्री दरोडेखोरांनी डॉक्टर दाम्प्त्यास मारहाण करत दागिन्‍यांसह रोकड लंपास केली. जखमी डॉक्टर दाम्प्त्यावर कराडमधील सह्याद्री रुग्णालयात उपचार सुरू आहेत. सेवानिवृत्त पशुवैद्यकीय अधिकारी डॉ. संपत वारे व अनिता वारे अशी त्‍यांची नावे आहेत.
चालकाचा गाडीवरील ताबा सुटल्याने अपघात, दोघेजण जखमी
कराड तालुक्यातील तळबीड बेलवडे हद्दीत राष्ट्रीय महामार्गावर कराड ते सातारा लेन वर आज सकाळी साडे आठ वाजण्याच्या सुमारास चारचाकी गाडीचा अपघात झाला. यामध्ये दोनजण जखमी झाले असून त्यांच्यावर खासगी रुग्णालयात उपचार सुरु आहेत.
कराड नगरपालिका आवारात एकाकडून पालिका अधिकाऱ्यास मारहाण
येथील नगरपालिकेत माहिती अधिकारामध्ये एकाने माहिती मागवली होती. ती संबंधित अधिकाऱ्याने अर्जदारास दिली. मात्र, माहिती अशीच का दिली? असे म्हणत एकाने पालिका अधिकाऱ्यांसोबत वाद घालत त्याला पालिकेच्या आवारात मारहाण केली. त्यामुळे संतप्त पालिकेच्या अधिकारी व कर्मचाऱ्यांनी संबंधितावर गुन्हा दाखल करण्यासाठी शहर पोलीस ठाण्यासमोर ठिय्या दिला.
अल्पवयीन मुलीवर अत्याचार केल्याप्रकरणी एकास वीस वर्ष सक्तमजुरी
कराड तालुक्यातील एका गावात 10 वर्षीय अल्पवयीन मुलीवर अत्याचार केल्याची संतापजनक घटना घडली होती. याप्रकरणी न्यायालयाने 54 वर्षीय आरोपीला 20 वर्ष सक्तमजुरी आणि 22 हजार रुपये दंडाची शिक्षा सुनावली आहे. कराड न्यायालयात जिल्हा व विशेष न्या. के. एस. होरे यांनी गुरूवारी ही शिक्षा सुनावली.
शिवसेनेचे उपजिल्हाप्रमुख रामभाऊ रैनाक यांचे निधन
शिवसेनेचे सातारा उपजिल्हाप्रमुख व कराडचे नगरपालिकेचे माजी नगरसेवक रामभाऊ रैनाक (वय 62) यांचे सोमवारी २२ रोजी रात्री उशिरा ह्रदयविकाराच्या धक्क्याने निधन झाले. त्यांच्या अकाली निधनाने कराड शहरासह जिल्ह्यातून हळहळ व्यक्त होत आहे.
आगशिवगडावर निसर्गसेवक मावळ्यांची हरित शिवजयंती
शिवप्रेम केवळ एकदोन दिवसांपुरते न दाखवता शिवरायांचे आचार, विचार आणि त्यांनी अनेकविध प्रसंगांमधून दिलेले लाखमोलाचे संदेश नित्य जोपासणाऱ्या निसर्गसेवक मावळ्यांनी आगशिवगडावर हरित व निसर्गवर्धक शिवजयंती साजरी केली.
कराडातील जळीतात सुमारे साडे चौदा लाखांचे नुकसान
येथील न्यायालय व बापूजी साळुंखे पुतळा परिसरातील देहविक्री करणाऱ्या महिलांच्या वस्तीला शुक्रवारी मध्यरात्रीच्या सुमारास भीषण आग लागली होती. या आगीत १४ घरे जळून खाक झाली होती. या जळीत घरांचे महसुल विभागाच्या वतीने पंचनामे करण्यात आले. यामध्ये यात 14 घरांतील संसारोपयोगी साहीत्य, कपडे, रोख रक्कम व दागिने असे एकुण साडे चौदा लाख रूपयांचे नुकसान झाले आहे.
कराडसह तालुक्यात शिवजयंती उत्साहात साजरी
कराड शहरासह तालुक्यात ठिकठिकाणी शिवजयंती मोठ्या उत्साहात साजरी करण्यात आली. कोरोनाच्या निर्बंधांमुळे गेली दोन वर्षे शिवप्रेमी, दुर्गप्रेमी, नागरिकांना शिवजयंती उत्सव साजरा करता आला नव्हता. परंतु, यावर्षी कोरोना संसर्ग कमी झाल्याने शासनाने काही प्रमाणात निर्बंध शिथिल केल्याने लोकांमध्ये शिवजयंतीचा उत्साह दिसून आला.
उंडाळेच्या व्यासपीठावरून समाजबांधणीचे मोठे काम
थोर स्वातंत्र्य सेनानी दादासाहेब उंडाळकर यांच्या नावाने स्वर्गीय विलासकाकांनी सुरू केलेले उंडाळेचे व्यासपीठ राष्ट्रीय विचाराचे व्यासपीठ असून या व्यासपीठावरून समाज बांधणीचे महत्त्वपूर्ण काम झाले असल्याचे गौरवोद्गार महाराष्ट्राचे माजी मुख्यमंत्री आमदार पृथ्वीराज चव्हाण यांनी केले.
किल्ले सुंदरगडावर शिवजन्मोत्सव पारंपारिक पद्धतीने साजरा
किल्ले सुंदरगडावर (दात्तेगड) शिवजन्मोत्सवासह शिवयात्रा उत्साहात साजरी करण्यात आली. पारंपारिक वेशभूषातील शिवकन्या यांनी छत्रपती शिवाजी महाराज यांचा प्रतिमेचे पुजन करुन हारफुलांनी सजविलेल्या पाळण्यात शिवप्रतिमा ठेवून छत्रपतींचा सामुहिक पाळणा म्हटला. यावेळी शिवमावळ्यांनी शिवगर्जनेच्या घोषणा देऊन गडावर शिवकालीन वातावरण तयार केले.
कराड शहरात लागलेल्या भीषण आगीत अनेक घरे जळून खाक
शहरातील एका वस्तीला मध्यरात्री दीड वाजता अचानक आग लागल्याने 20 ते 25 घरे जळून खाक झाली. या आगीमुळे चार सिलेंडरचा स्फोट झाल्याने आगीने आणखीनच रौद्र रूप धारण केल्याने एकच खळबळ उडाली. अचानक लागलेल्या आगीने रौद्ररूप धारण केल्याने परिसरात असणारी छोटी घरे तसेच व्यावसायिकांची खोकी या आगीच्या भक्ष्यस्थानी पडल्याने मोठी हानी झाली आहे. या घटनेत तीन महिलांना दूखापत झाली आहे.
कराडात डॉक्टर महिलेवर कोयत्याने वार
येथील बुधवार पेठेतील शिवाजी क्लॉथ मार्केट समोर एकाने डॉक्टर महिलेवर कोयत्याने वार केला. तुम्ही वीज कनेक्शन जोडू नका; नाहीतर तुम्हाला जिवंत ठेवत नाही, असे म्हणून संबंधिताने हे कृत्य केले. गुरूवारी सकाळी 11.45 वाजण्याच्या सुमारास ही घटना घडली. घटनेची नोंद शहर पोलीस ठाण्यात झाली असून याप्रकरणी एकावर गुन्हा नोंद करण्यात आला आहे.
उसाने भरलेल्या बैलगाडीला आग
येथील कृष्णा पुलावर उसाने भरलेल्या बैलगाडीला अचानक आग लागली. ही बाब इतर वाहन चालकांनी बैलगाडी चालकाच्या निदर्शनास आणली. त्यानंतर त्याने तात्काळ बैलांना बैलगाडीपासून वेगळे केल्याने अनर्थ टळला. बुधवार 16 रोजी दुपारी ४ वाजण्याच्या सुमारास ही घटना घडली. दरम्यान, या घटनेने काही काळ पुलावर वाहतूक कोंडी झाली होती. वाहतूक पोलिसांनी ती सुरळीत केली.
अशोकराव भावके यांचे अपघाती निधन
घोगाव, ता. कराड येथील श्री संतकृपा शिक्षण संस्था व मातोश्री सहकारी पतसंस्थेचे संस्थापक अशोकराव भावके (वय 52) यांचे अपघाती निधन झाले. कराड-रत्नागिरी महामार्गावर घोगाव येथे मंगळवारी रात्री 11 वाजण्याच्या सुमारास ही घटना घडली.
बारा डबरी वसाहतीत दोन कुटूंबात मारामारी
येथील बारा डबरी वसाहतीत कुऱ्हाड, कोयता व लोखंडी गजाने दोन कुटूंबात मारामारी झाली. यामध्ये तिघेजण जखमी झाले आहे. मंगळवारी १५ रोजी सकाळी ८ वाजण्याच्या सुमारास ही घटना घडली. याप्रकरणी चौघांवर कराड शहर पोलीस ठाण्यात गुन्हा दाखल करण्यात आला आहे.
गोटेत रिमोटद्वारे वीज मीटर नियंत्रित करून वीज चोरी
गोटे, ता. कराड येथे रिमोट कंट्रोलच्या सहाय्याने वीज मीटर नियंत्रित करून वीज चोरी केल्याची घटना उघडा झाली आहे. याप्रकारे गेल्या वर्षभरात तब्बल 2 लाख 40 हजार 305 युनिट इतकी वीज चोरी केली असून त्याची किंमत तबल 27 लाख 57 हजार 400 रुपये आहे. वीज वितरण कंपनीच्या भरारी पथकाने गोटे येथील पी.बी. पॉलीमर्सवर ही कारवाई केली.
मलकापूर पालिकेचे अंदाजपत्रक कोणत्याही करवाढीशिवावाय मंजूर
मलकापूर नगरपालिकेचे सन २०२२-२३ या सालाचे अंदाजपत्रक विशेष सभेमध्ये एकमताने मंजुर करण्यात आले. या अंदाजपत्रकामध्ये कोणतीही कर वाढ न करता नाविण्यपुर्ण योजनांचा समावेश करण्यात आला आहे.
Local News
Copyright © 2024 esahas.com. All Rights Reserved.