एकनाथ खडसे यांचे जावई आणि रोहिणी खडसे यांचे पती प्रांजल खेवलकर यांना काल पुणे पोलिसांनी रेव्ह पार्टी करताना रंगेहात पकडले. या रेव्ह पार्टीमधून पोलिसांनी मोठ्या प्रमाणात अंमली पदार्थ जप्त केल्याचीही माहिती मिळतंय. आता यावर रोहिणी खडसे यांनी भाष्य केले.
ज्येष्ठ नेते एकनाथ खडसे यांचे जावई प्रांजल खेवलकर यांना पुण्यातील खराडी येथे सुरू असलेल्या रेव्ह पार्टीतून ताब्यात घेण्यात आले आणि त्यांना अटकही करण्यात आली. पुणे पोलिसांनी रविवारी मध्यरात्री ही कारवाई केली. या पार्टीत दोन महिला पाच पुरुषांचाही समावेश होता. या पार्टीदरम्यानचा व्हिडीओ पुढे आल्याने खळबळ उडाली. नाथाभाऊंच्या जावयाचा रेव्ह पार्टीत समावेश असल्याचे कळताच राज्यातील राजकारणात भूकंप आला. यावरून आरोप प्रत्यारोप रंगताना दिसले.
पतीला अटक झाल्यानंतर रोहिणी खडसे या काय बोलणार याकडे सर्वांच्या नजरा होत्या. आता शेवटी आज रोहिणी खडसे यांनी सोशल मीडियावर एक पोस्ट शेअर केलीये. रोहिणी खडसे यांनी लिहिले की, कायद्यावर व पोलीस यंत्रणेवर माझा पूर्ण विश्वास आहे… प्रत्येक गोष्टीला वेळ हेच उत्तर असतं… योग्य वेळी सत्य बाहेर येईल !..जय महाराष्ट्र!
