Dec 23, 2024
pusegaon
पुसेगाव येथील श्री सेवागिरी रथाचे मंत्री राधाकृष्ण विखे-पाटील यांच्या हस्ते पूजन
लाखो भाविकांचे श्रध्दास्थान असलेल्या श्री सेवागिरी महाराजांच्या संजीवन समाधी अमृत महोत्सवी वर्षानिमित्त रथपूजन महसूल, पशुसंवर्धन व दुग्ध व्यवसाय विकास मंत्री राधाकृष्ण विखे-पाटील यांच्या हस्ते झाले.
पुसेगाव येथील सेवानिवृत्त शिक्षकाची सुमारे साडेपाच लाख रुपयांची फसवणूक
तुमचे नवीन एटीएम कार्ड आले आहे, जुन्या एटीएम कार्डचा नंबर सांगा असेच म्हणत अज्ञात इसमाने पुसेगाव, ता. खटाव येथील एका सेवानिवृत्त शिक्षकाची सुमारे साडेपाच लाख रुपयांची फसवणूक केल्याची तक्रार पुसेगाव पोलीस ठाण्यात दाखल झाली आहे.
पुसेगाव पोलिसांच्या कारवाईत 2 लाख 25 हजार 550 रुपये किमतीचा मुद्देमाल जप्त
चार चाकी वाहनातून अवैध दारूची वाहतूक करीत असताना पुसेगाव ते बुध या पोलीस स्टेशनच्या हद्दी दरम्यान पुसेगाव पोलिसांच्या छाप्यात देशी दारूच्या बाटल्यासह एकूण 2 लाख 25 हजार 550 रुपयांचा मुद्देमाल जप्त करण्यात आल्याची माहिती पुसेगाव पोलीस स्टेशन कडून देण्यात आली आहे.
पुसेगाव येथे एसटी व मोटरसायकलच्या धडकेत एक जण ठार
पुसेगाव कडून दहिवडी कडे जाणाऱ्या एसटी क्रमांक एम एच 07 सी 9093 एसटीने चुकीच्या दिशेला जाऊन मोटरसायकलला धडक देऊन मोटर सायकल वरील सुरज जगताप वय 40, मुळगाव पांगरखेल, सध्या रा. पुसेगाव, तालुका खटाव, यास जोरदार धडक दिल्याने सुरज जगताप हा गंभीर जखमी झाला. पुसेगाव प्राथमिक आरोग्य केंद्रात उपचारासाठी नेले असता, वैद्यकीय अधिकारी पुसेगाव यांनी त्यास मयत घोषित केले. सदर घटनेची नोंद पुसेगाव पोलीस स्टेशनला झाली आहे.
अपहरण करून महिलेच्या खूनाचा प्रयत्न करणाऱ्यास पुसेगाव पोलीसांनी केली तीन तासात अटक
छत्रपती शिवाजी चौकातील मोटार पळवून नेऊन लहान मुले व महिलांचे अपहरण करुन महिलेच्या खुनाचा प्रयत्न करणाऱ्या एकास पुसेगाव पोलिसांनी तीन तासात अटक करून गुन्हा उघड करण्यात यश मिळवले आहे.
पुसेगाव सेवा सोसायटीच्या अध्यक्षपदी संतोष जाधव, तर उपाध्यक्षपदी विजय जाधव बिनविरोध
येथील पुसेगाव सेवा सोसायटीच्या अध्यक्षपदी संतोष जगन्नाथ जाधव, तर उपाध्यक्षपदी विजय शिवाजी जाधव यांची बिनविरोध निवड झाली.
राष्ट्रीय कुस्ती स्पर्धेसाठी सातारच्या तिघांची निवड
कै. मारुती सावजी लांडगे कुस्ती संकुल, (भोसरी) पिंपरी चिंचवड येथे झालेल्या ज्युनियर फ्री स्टाईल मुले, ज्युनियर ग्रीको रोमन मुले व ज्युनियर फ्री स्टाईल मुली राज्यस्तरीय निवड चाचणीत सातारचे सुमित गुजर (खातगुण), महेश कुंभार (बुध) आणि साक्षी पाटील यांनी चमकदार कामगिरी केली. त्यांची बिहार येथे होणाऱ्या राष्ट्रीय स्पर्धेसाठी निवड झाली आहे.
पुसेगावचे सुपुत्र, एन्काउंटर स्पेशालिस्ट राम जाधव यांचा राज्यपालांच्या हस्ते राष्ट्रपती पोलीस पदकाने होणार सन्मान
सातारा जिल्ह्यातील पुसेगावचे सुपुत्र असलेले एन्काउंटर स्पेशालिस्ट सहायक पोलीस आयुक्त (निवृत्त) राम जाधव यांना पोलीस दलातील उल्लेखनीय सेवेबद्द्दल येत्या सोमवारी (दि. २१) राज्यपाल भगतसिंह कोश्यारी यांच्या हस्ते राष्ट्रपती पदक प्रदान करून सन्मान करण्यात येणार आहे. मुंबईतील राजभवनात होणाऱ्या शानदार समारंभात जाधव यांना हे पदक प्रदान करण्यात येणार आहे.
पुसेगावात सुमारे तीन लाखांची जबरी चोरी
पुसेगाव, ता खटाव येथे मरीआई मंदिराजवळ काल रात्री अडीच वाजण्याच्या सुमारास चार अनोळखी चोरट्यांनी दोन लाख पंचान्नव हजार नऊशे रुपयांची जबरी चोरी करून संजय तोडकर यांना लोखंडी सळई, लाडकी दांडके, सुरा यांनी मारहाण करून पोबारा केला.
घराला आग लागल्याने एका महिलेचा भाजून मृत्यू
जाखणगाव येथील पट्टावस्ती येथे घराला आग लागून एका महिलेचा भाजून मृत्यू झाल्याची फिर्याद सुनिल नामदेव राऊत (वय ३५ वर्षे) यांनी पुसेगाव पोलीस स्टेशनला दिली आहे.
पुसेगाव येथे वाहतुक कोंडी
सध्या सातारा-टेभुर्णी राष्ट्रीय महामार्गाचे काम पुसेगांव गावठाणातून चालू आहे. त्यामुळे रस्ता खोदलेला असल्याने, वाहतुकीस रस्ता उपलब्ध होत नसल्याने 10ते 12 दिवस पुसेगाव हद्दीतील वाहतुक वळवण्याची मागणी राष्ट्रवादीचे शहर प्रमुख राम जाधव यांनी केली आहे.
पुसेगावमधील महामार्गाचे काम सुरू करा, अन्यथा रस्ता रोको : डॉ. सुरेश जाधव
पुसेगाव : पुसेगाव बाजारपेठेतून जाणाऱ्या सातारा-टेंभुर्णी राष्ट्रीय महामार्गाचे काम पोलीस स्टेशन ते येरळा नदीपर्यंत अनेक दिवसांपासून रखडले आहे. सदरचा रस्ता अरुंद असल्याने वाहतूक कोंडीचा प्रश्न सतत निर्माण होत असतो. पुसेगाव मुख्य बाजारपेठेतील रस्त्याचे काम तातडीने सुरू करावे, अन्यथा प्रशासकीय यंत्रणा व संबंधित ठेकेदारच्या विरोधात दि. १० फेब्रुवारी रोजी पुसेगाव येथील छ. शि...
अवैध दारू विक्रेत्यावर पुसेगाव पोलिसांचा छापा
राजापूर, ता. खटाव गावच्या हद्दीत देवदरा नावाच्या शिवारात, असलेल्या शेडच्या आडोशाला अवैध दारू विक्रेता राजाराम रामा पांडेकर हा अवैध दारू विक्री करत असल्याची माहिती मिळाल्याने, सपोनि. संदीप शितोळे यांनी पोलिस स्टाफसह मिळालेल्या माहितीच्या ठिकाणी छापा टाकला.
पुसेगांव पोलिस स्टेशनच्या कार्यक्षेत्रात कायद्याचे वाजले बारा आणि पोलिस अधिकारी म्हणतात माझी तुंबडी भरा?
कित्येक वर्षे या पुसेगांव पोलिस स्टेशनला दयानंद ढोमे, नंदकुमार पिंजण, विश्वजीत घोडके सारखे कर्तव्य कठोर व क्रियाशील पोलीस निरिक्षक भेटलेला नाहीत, त्यामुळे गेली 10/15 वर्षे व त्यानंतर आलेले (अपवाद वगळता) सर्व कारभारी फक्त पाट्या टाकणारे, निष्क्रिय, बेजबाबदार आणि वरकमाईकडे कल असणारेच अज्ञानी सहाय्यक पोलीस निरिक्षक होवून गेले.
पुसेगावचा विकास आराखडा मार्गी लावण्यासाठी प्रयत्न करणार : ना. बाळासाहेब पाटील
श्री सेवागिरी महाराजांच्या पुण्यस्मरणानिमित्त भरणारी यात्रा ही सर्वसामान्य आणि गोरगरीब जनतेची आहे. या यात्रेदरम्यान होणाऱ्या कार्यक्रमांमध्ये तळागाळातील प्रत्येकाचा सहभाग असतो. त्यामुळे ही यात्रा आगळीवेगळी असून या यात्रेला विशेष महत्त्व आहे. या यात्रेची ख्याती आणखी वाढावी म्हणून आणि पुसेगावचा विकास आराखडा मार्गी लावण्यासाठी कायम प्रयत्नशील राहणार आहे, असे प्रतिपादन सातारा जिल्ह्याचे पालकमंत्री ना. बाळासाहेब पाटील यांनी केले.
पुसेगाव पोलिसांकडून गेल्या २० दिवसांपूर्वी घडलेल्या घटनेचा अद्याप तपास सुरूच
गेल्या २० दिवसापासून पुसेगाव ता खटाव येथे गवंडी काम करणारा राजू चंद्रबली पटेल (वय ३२) हा परप्रांतीय मजुर १४ डिसेंबर पासून अचानक गायब झाला आहे. ती व्यक्ती हरवली का भांडणातून हत्या झाली, याबाबत अद्याप उलगडा झाला नाही, त्यामुळे पोलीस यंत्रणाही कामाला लागली आहे.
सेवागिरी महाराज रथ दर्शन होणार सुलभ
लाखो भाविकांचे श्रध्दास्थान असलेल्या पुसेगाव येथील प पू श्री सेवागिरी महाराजांच्या पादुका व प्रतिमेची स्थापना केलेल्या रथाचे दर्शन घेण्याची सोय ट्रस्टकडून करण्यात आली आहे. एसटी स्टॅंडवरील छ. शिवाजी चौकात शनिवारी (ता. १) सकाळी सात वाजलेपासून भाविकांना रथाचे दर्शन घेता येणार आहे.
युपीएससी परीक्षा कठीण हा गैरसमज : रुपाली कर्णे
युपीएससी परीक्षा कठीण आहे हा एक गैरसमज असून जिद्दीने व नियोजनबध्दपणे प्रामाणिक प्रयत्न केले तर यश हमखास मिळतेच. त्यामुळे जास्तीत जास्त विद्यार्थ्यांनी या परीक्षेला सामोरे गेले पाहिजे असे आवाहन युपीएससी द्वारे झालेल्या इंडियन स्टॅस्टिकल सर्व्हीसेस (केंद्रीय सांख्यिकी सेवा- आयएसएस) परीक्षेत देशात पाचवी व राज्यात प्रथम आलेली डिस्कळ, ता. खटाव येथील सुकन्या रुपाली कर्णे हिने केले.
श्री सेवागिरी महाराज यात्रेच्या पार्श्वभूमीवर पुसेगावात निर्जंतुकीकरण मोहीम
पुसेगाव, ता. खटाव ग्रामपंचायतीच्या वतीने गुरुवारी संपूर्ण गावामध्ये "निर्जंतुकीकरण मोहीम" राबविण्यात आली. श्री सेवागिरी महाराज यात्रेच्या पार्श्वभूमीवर संपूर्ण गावात मशीनच्या साहाय्याने औषध फवारणी करून हे निर्जंतुकीकरण करण्यात आले.
वर्धनगड घाटात ट्रॉलीसह ट्रॅक्टर 200 फूट दरीत पडल्याने झालेल्या अपघातात चालक जखमी
काल संध्याकाळी सहा वाजण्याच्या सुमारास उसाने भरलेल्या ट्रॉलीसह ट्रॅक्टर वर्धनगड घाटातील 200 फूट खोलीच्या दरीत पडल्याने झालेल्या अपघातात ट्रॅक्टर चालक जखमी झाला. कोरोगावकडे जाताना वर्धनगड घाटातील दुसऱ्या वळणावर उसाने भरगच्च भरलेल्या या ट्रॅक्टरचा डाव्या बाजूचा ॲक्सल तुटून चालकाचा ताबा सुटल्यामुळे ट्रॉलीसह हा ट्रॅक्टर दरीत पडला. पण चालकाने अवधान दाखवून ट्रॅक्टरमधून उडी मारल्याने तो बचावला.
पुसेगांव येथील श्री सेवागिरी यात्रेनिमित्त रथोत्सव मिरवणूक रद्द
सातारा जिह्यातील पुसेगाव, ता. खटाव येथील श्री सेवागिरी महाराज यांच्या यात्रेनिमित्त रथोत्सव मिरवणुक कार्यक्रम रद्द करण्यात आला असुन कोरोनाचा प्रादुर्भाव वाढु नये म्हणून निर्बंध लागू करत प्रवेश बंद व वाहतुक व्यवस्थेत तात्पुरता बदल करण्यात आला आहे.
पुसेगाव जि.प. गटात पाच वर्षात जिल्हा परिषद फंडातून कोट्यवधींची कामे : सौ. सुनिता कचरे
पुसेगाव जिल्हा परिषद गटात पाच वर्षात आमदार शशिकांत शिंदे व माझ्या जिल्हा परिषद फंडातून कोट्यवधींची कामे केली आहेत, असे प्रतिपादन जिल्हा नियोजन समितीच्या सदस्या व जिल्हा परिषदेच्या सदस्या सौ. सुनिता कचरे यांनी केले.
ट्रॅक्टर ऊस वाहतूक ठरतेय जीवघेणी
रस्त्याचे काम चालू असल्यामुळे कोरेगाव-पुसेगाव रस्त्यावर गेल्या काही दिवसांपासून वाहतूक कोंडी पहावयास मिळत आहे. त्यातच सध्या ऊसाचा गळीत हंगाम सुरु झाल्यामुळे ऊस वाहतूकसुध्दा मोठ्या प्रमाणावर होत आहे. या ऊसाची वाहतूक करणार्‍या ट्रॅक्टर ट्रॉलींच्या पाठीमागे लाईट, रिफलेक्टर नसल्याने मोठे अपघात होत आहेत.
नासीर मणेर यांना पदोन्नती
खटाव तालुक्यातील ललगुण गावचे सुपुत्र व आसाम येथील सहाय्यक आयुक्त नासीर इकबाल मणेर यांची पदोन्नती होवून उपआयुक्त गुवाहाटी शहर जीएसटी महसूल विभागपदी निवड झाल्याबद्दल त्यांचे सर्व स्तरातून अभिनंदन होत आहे.
बैलगाडी शर्यतीवरील बंदी उठविल्याने पुसेगावमध्ये आनंदोत्सव
बैलगाडी शर्यत शौकीन व शेतकर्‍यांनी पुसेगावमधील चौका-चौकात हालगीच्या कडकडाटात, गुलालाची उधळण करीत व फटाक्यांच्या धुमधडाक्यात जल्लोष साजरा केला. ठिकठिकाणी साखर-पेढे वाटून सर्वोच्च न्यायालयाच्या या निर्णयाचे स्वागत केले.
स्मार्ट व्हिलेज स्पर्धेत नागनाथवाडी प्रथम
स्मार्ट व्हिलेज' स्पर्धेत खटाव तालुकास्तरावर सर्वाधिक गुण मिळवत नागनाथवाडी ग्रामपंचायतीने प्रथम क्रमांकाचे दहा लाखांचे पारितोषिक पटकावले. स्मार्ट सिटीच्या धर्तीवर शासनाची ही स्मार्ट व्हिलेज योजना आहे. नागनाथवाडी ग्रामपंचायत पदाधिकारी, अधिकारी व ग्रामस्थांचा सातारा जिल्हा परिषदेच्यावतीने पालकमंत्री ना. बाळासाहेब पाटील यांच्या शुभहस्ते सन्मान करण्यात आला.
डिस्कळची सुकन्या भारतीय सांख्यिकी सेवा परीक्षेत देशात पाचवी तर राज्यात पहिली
डिस्कळ, ता. खटाव येथील सुकन्या रुपाली दशरथ कर्णे हिने युपीएससी तर्फे घेण्यात आलेल्या भारतीय सांख्यिकी सेवा (आयएसएस) परीक्षेत देशात पाचवा क्रमांक तर महाराष्ट्रात प्रथम येण्याचा बहुमान मिळविला आहे. अत्यंत हालाखिची परिस्थिती असलेल्या व माध्यमिक शाळेतील शिपायाच्या या सुकन्येने हे अभूतपूर्व यश मिळवून ग्रामिण भागातील विद्यार्थ्यांपूढे आदर्श निर्माण केला आहे. रुपालीच्या या यशाबद्दल तिचे सर्वत्र कौतुक होत आहे.
धोकादायक पध्दतीने ऊस वाहतूक
सातारा-लातूर महामार्ग असल्याने या मार्गावर अगोदरच मोठ्या प्रमाणात वाहतूक आहे. त्यात ऊस गळीत हंगाम सुरू झाल्या पासून या मार्गावर ही ऊस वाहतूक मोठ्या प्रमाणात सुरू असते. सकाळ व सायंकाळी या रस्त्याने सर्व शासकीय, खासगी व बँक आदी कार्यालयाचे अधिकारी वर्ग, शिक्षक व विद्यार्थी वर्ग मोठ्या प्रमाणात प्रवास करत असतात. ट्रॅक्टरच्या दोन्ही ट्रॅालीत क्षमतेपेक्षा किती तरी पटीने जास्त ऊस भरलेला असतो.
चोरीच्या गुन्ह्यातील एक लाख 60 हजारांचा मुद्देमाल पुसेगाव पोलिसांकडून जप्त
पुसेगाव पोलिस ठाण्याच्या हद्दीतील घरफोडी व अन्य गुन्ह्यातील सराईत गुन्हेगारांनी चोरी केलेले काही मोबाईल व एक मोटारसायकल असा एकूण 1 लाख 60 हजारांचा मुद्देमाल हस्तगत करण्यात पुसेगाव पोलिसांना यश आले आहे.
पावसाने जिल्ह्यात 35 शेळ्या व मेंढ्या थंडीने गारठून जागीच ठार
जिल्ह्यात झालेल्या मुसळधार पावसाने व थंडीने खटाव व वाई परिसरातील सुमारे 35 शेळ्या-मेंढ्या गारठून ठार झाल्या आहेत. तसेच 10 अत्यवस्थ असून या पशुपालकांना नुकसानभरपाई देण्याची मागणी होत आहे.
शिवसैनिकांच्या संरक्षणात पुसेगावातून धावली एसटी बस
एसटी बसेसवर होणाऱ्या दगडफेकीच्या पार्श्वभूमीवर खटाव तालुका शिवसैनिकांच्या संरक्षणात पुसेगावातून पहिली एसटी रवाना करण्यात आली. उपजिल्हाप्रमुख प्रताप जाधव आणि सहकाऱ्यांनी एसटीवर दगडफेक कराल तर गाठ शिवसैनिकांशी आहे, असा इशाराही समाजकंटकांना दिला आहे.
पुसेगावात शॉर्टसर्किटने पेटली गाडी
निढळ, ता. खटाव येथील रुग्णाला त्रास जाणवू लागल्याने शेजारील रहिवाश्याने त्यांच्या कडील चारचाकीतून त्या व्यक्तिला पुसेगाव येथील प्राथमिक आरोग्य केंद्रात रविवारी दुपारी एक च्या सुमारास आणले. रुग्ण दवाखान्यात गेल्यावर गाडी वळवताना इंजिनजवळील बॅटरीजवळ शॉर्टसर्किट होऊन गॅस किट असलेल्या गाडीने पेट घेतला. या आगीत चारचाकी जळून खाक झाली. सुदैवाने यामध्ये कोणतीही जिवितहानी झाली नाही.
स्वातंत्र्य सैनिकाच्या नातसुनेचे नाव मतदान यादीत जाणीवपूर्वक टाळले
नेर, ता खटाव येथील स्वातंत्र्य सैनिकाची नातसून असलेल्या सौ मंजिरी निलेश चव्हाण यांनी नवीन मतदार यादीत नाव नोंदणी करण्यासाठी दोनवेळा सर्व कागदपत्रांसह अर्ज सादर केला. तशी पोहोचही घेतली, मात्र जाणीवपूर्वक त्यांचे नाव यादीत समाविष्ट करण्यात आले नाही. याबद्दल त्यांनी राज्य निवडणूक आयोग, जिल्हाधिकारी, प्रांताधिकारी, तहसीलदार यांच्याकडे तक्रार केली आहे.
कटगुण येथे महात्मा फुले यांची १३१ वी पुण्यतिथी साजरी
महात्मा फुलेंना अपेक्षित असा आदर्श समाज घडवण्यासाठी आम्ही प्रयत्नशील राहू ,कोणत्याही बाबतीत कोणीही उपेक्षित, वंचित राहणार नाही ,समता,बंधुता व स्वातंत्र्य या मूल्यांची जोपासना करत मी फुलेंच्या या कटगुण कुलभूमीचा कायापालट करणारच असे आश्वासन आमदार महेश शिंदे यांनी दिले
एसटी च्या संपामुळे प्रवाशांसह विद्यार्थ्यांचे शैक्षणिक हाल
गेल्या दीडदोन वर्षांपासून कोरोनामुळे बंद असलेल्या शाळा, महाविद्यालये ऑगस्ट- सप्टेंबरमध्ये सुरू झाली. प्रत्यक्ष वर्गात अध्ययन अध्यापन होत असल्याने विद्यार्थ्यांचे झालेले शैक्षणिक नुकसान भरून काढण्यासाठी शिक्षकवर्गही जोमाने कामाला लागला, दिवाळीच्या सुट्टी नंतर विद्यार्थ्यांच्या प्रथम सत्र परीक्षा ऑफलाइन घेण्याचे नियोजनही केलेले होते, मात्र एसटी बसेसच्या संपामुळे विद्यार्थ्यांना शाळेत तसेच महाविद्यालयात येणे शक्य नसल्याने पुन्हा एकदा विदयार्थ्यांना ऑनलाइनच परीक्षा द्याव्या लागत आहेत.
पुसेगावातील श्वान शर्यतीला उस्फुर्त प्रतिसाद
पुसेगाव, ता. खटाव येथे विकास जाधव व गौरव जाधव यांच्या वाढदिवसानिमित्त त्यांच्या मित्र परिवाराच्या वतीने आयोजित केलेल्या श्वान शर्यतीला उस्फूर्त प्रतिसाद मिळाला. बैलगाडी शर्यती बंद असल्याने या शर्यती पाहण्यासाठी शौकिनांनी तोबा गर्दी केली होती.
बैलगाडी शर्यतीला परवानगी मिळावी यासाठी प्रयत्न करणार
बैलगाडी शर्यतीला प्राचीन सांस्कृतिक परंपरा लाभलेली आहे. शर्यतीच्या आवडीमुळे देशी गाय आणि खिल्लार बैलांचे चांगल्या पद्धतीने संगोपन केले जाते. सद्यस्थितीत राज्यात खिल्लार जातीचे बैल नामशेष होण्याच्या मार्गावर आहे. त्यामुळे संविधान आणि घटनेचा आदर करून तसेच कायद्याच्या चौकटीत राहून बैलगाडी शर्यतीला परवानगी मिळावी यासाठी प्रयत्न करणार आहे.
पुसेगाव घरफोडीतील सराईत गुन्हेगारास पाठलाग करुन अटक
ललगुण, ता.खटाव येथील घरफोडीच्या गुन्ह्यातील संशयित तसेच पुसेगाव पोलीस ठाणे हद्दीत घरफोडी करणारा सराईत गुन्हेगार अभय जाकीर काळे (वय 19, रा. मोळ, ता. खटाव) याला पुसेगाव पोलिसांनी बुध येथे सापळा रचून पाठलाग करून ताब्यात घेतले.
कंगना राणावतवर देशद्रोहाचा गुन्हा दाखल करा : डॉ. सुरेश जाधव
बेताल वक्तव्य करुन देशाचा व देशासाठी बलिदान दिलेल्या राष्ट्रपिता महात्मा गांधींच्या बद्दल अविचारी, अनैतिक व अवमानकारक अपशब्द वक्तव्य करणाऱ्या कंगणा राणावत हिच्या विरुध्द देशद्रोहाचा गुन्हा दाखल करावा अशा आशयाचे निवेदन जिल्हा कॉंग्रेस समितीचे अध्यक्ष डॉ. सुरेश जाधव व खटाव तालुका कॉंग्रेसचे उपाध्यक्ष मोहनराव जाधव यांनी पुसेगाव पोलीस ठाण्याचे सहायक पोलीस निरीक्षक संदीप शितोळे यांना दिले.
तुळशीच्या लग्नानंतर ' शुभमंगल ' ची लगबग होणार सुरु
वंशाचा दिवा हवा म्हणून गर्भपातासारखे प्रकार समाजात सर्रासपणे होतात. मात्र, याचे भयंकर परिणाम आज समाजात पहायला मिळत आहेत. मुलांना लग्नासाठी मुली मिळणे अवघड झाले आहे. विशेष करून ग्रामीण भागात बेरोजगार व शेतकरी मुलांना लग्नासाठी मुलगी मिळणे अव़घड झाले आहे. यामुळे लग्न करून देण्याची ऐपत नसलेल्या कुटुंबातील मुलींना पैसे देऊन लग्न केली जात आहेत.
आनंदराव जगताप हे साऱ्यांकरीता प्रेरणादायी : गणेश किंद्रे
पोलीस खात्यात सेवा करताना आनंदराव जगताप यांनी घड्याळाच्या काट्याकडे पाहीले नाही. नवीन सहकार्यांना मार्गदर्शन केले. ज्या ठिकाणी त्यांनी नोकरी केली तेथे आपल्या कामाचा ठसा उमटवला. प्रामाणिकपणा व समर्पीतपणा या दोन्ही गुणांमुळे त्यांच्या बद्दल पोलीस व समाज यांच्यात आदर्श प्रतिमा निर्माण झाली त्यांचे कार्य साऱ्यांकरीता प्रेरणादायी व दीपस्तंभाप्रमाणे राहील, असे प्रतिपादन कोरेगावचे पोलीस उपअधिक्षक गणेश किंद्रे यांनी व्यक्त केले.
उपमुख्यमंत्री अजितदादांची मंत्रीमंडळातून हकालपट्टी करा!
आपल्या मंत्रीपदाचा आणि राज्य सहकारी बँकेच्या सत्तेचा गैरवापर करून अजितदादा, अशोक चव्हाण यासारख्या अनेक मंत्र्यांनी राज्यातील अनेक सहकारी साखर कारखाने कवडीमोल भावाने गिळले. त्यांना मंत्रीपदावर राहण्याचा काहीही अधिकार नाही. हजारो शेतकरी सभासदांची त्यांनी फसवणूक केली आहे.
पुसेगाव येथील अपघातात एक महिला ठार, तर एकजण गंभीर
पुसेगाव येथे आज दुपारी दोन वाजण्याच्या सुमारास भरघाव ट्रकने मोटार सायकलला पाठीमागून दिलेल्या जोरदार धडकेमुळे झालेल्या अपघातात मोटारसायकल चालक गंभीर जखमी, तर चालकाची पत्नी जागेवर ठार झाली.
पुसेगाव परिसरात वादळी वार्‍यासह जोरदार पाऊस
खटाव तालुक्यातील पुसेगावसह कटगुण, निढळ व इतर गावांत मंगळवारी (दि. 27) वादळी वार्‍यासह पावसाने जोरदार हजेरी लावली. काही ठिकाणी गारांचा पाऊस झाला. उन्हाळ्यामुळे त्रस्त झालेल्या नागरिकांना या पावसामुळे थोडा का असेना गारवा मिळाला.
कोरोनाचा फैलाव रोखण्यासाठी पुसेगावात पोलीस पाटलांची बैठक संपन्न
खटाव तालुक्याच्या उत्तर भागात आलेली कोरोनाची त्सुनामी रोखण्यासाठी पोलीस प्रशासन, पोलीस पाटील आणि गावोगावच्या ग्राम दक्षता समित्या हातात हात घालून काम करणार आहेत. कोरोनाला पायबंद घालण्यासाठी प्रत्येक गावातील प्रत्येक प्रभागात समाजातील सर्वच घटकांनी योगदान देणे गरजेचे आहे. त्याच अनुषंगाने पुसेगाव पोलीस ठाण्यात आयोजित बैठकीत कोरोनाचा प्रतिबंध करण्यासाठी गावोगावच्या ग्राम दक्षता समित्या अ‍ॅक्टिव्ह करण्यासह सर्वसमावेशक आराखडा ठरविण्यात आला.
आ. शशिकांत शिंदे यांच्याकडून पुसेगाव कोरोना सेंटरची पाहणी
कोरोनाच्या दुसर्‍या लाटेत सर्वत्र रुग्ण संख्या दिवसेंदिवस वाढत आहे. या संकटात माजी पालकमंत्री आ. शशिकांत शिंदे यांनी पुसेगाव प्राथमिक आरोग्य केंद्रातील कोरोना सेंटरला भेट देऊन वैद्यकीय अधिकार्‍यांशी चर्चा केली. तसेच उपचार घेत असलेल्या कोरोनाबाधित रुग्णांशी संवाद साधत त्यांना मानसिक धीर दिला. डीपीसीमधून पुसेगाव कोरोना सेंटर 30 ऑक्सिजन बेड व इतर सुविधांसाठी 10 लाख निधी दिला आहे. ऑक्सिजन बेडच्या लाईनचे काम पूर्ण झाले असून, लवकरच मशीन कार्यान्वित होतील. तसेच अपुर्‍या असणार्‍या सुविधांसाठी आमदार फंड
कोरोनाच्या वाढत्या प्रादुर्भावामुळे पुसेगावात आजपासून सहा दिवस ‘जनता कर्फ्यू’
शासनाच्या कोरोना प्रतिबंधक निर्बंधांचे काही नागरिकांकडून पालन होत नसल्याने पुसेगावात गेल्या काही दिवसांपासून कोरोना बाधितांची संख्या मोठ्या प्रमाणावर वाढली आहे. सध्या गावात बाजारपेठेतील काही व्यापार्‍यांसह तब्बल 51 जण अ‍ॅक्टिव्ह रुग्ण असल्याने बुधवार, दि. 21 पासून सोमवारपर्यंत सहा दिवस जनता कर्फ्यू पाळण्याचा निर्णय पोलीस, ग्रामपंचायत, व्यापारी आणि दक्षता समितीने घेतला.
पुसेगावात विनामास्क फिरणार्‍यांना पोलिसांचा दंडुका
प्रशासनाने आवाहन करून देखील पुसेगाव (ता. खटाव) बाजारपेठेत कोणत्याही नियमाचे पालन न करता नागरिक बिनधास्त वावरत असल्याने या ठिकाणी कोरोना संसर्गाने पुन्हा डोके वर काढले आहे. येथील वाढत्या कोरोना आलेखाची गंभीर दखल घेत पोलीस प्रशासनाने शुक्रवार (दि. 2) पासून पुसेगावसह परिसरात विनामास्क फिरणार्‍यांवर दंडात्मक कारवाई सुरू केली.
पुसेगावात शिवसैनिकांनी महावितरणच्या वसुली अधिकार्‍यांची गाडी फोडली
कोरोना तसेच अवकाळीच्या पार्श्वभूमीवर पुसेगाव (ता. खटाव) सह परिसरातील सर्वसामान्य नागरिकांचे आर्थिक बजेट पूर्ण कोलमडले असतानाच महावितरणचे अधिकारी कोणतीही पूर्वकल्पना न देता ग्राहकांचा वीजपुरवठा खंडित करत आहेत. सोमवारी (ता. 15) महावितरणचे अधिकारी बोलेरो गाडीतून पुसेगाव येथे वीजतोडणीस जात असताना संतप्त शिवसैनिकांनी त्यांची गाडी फोडली.
पुसेगावच्या सरपंचपदी महाविकास आघाडीचे विजय मसणे बिनविरोध
खटाव तालुक्यासह संपूर्ण जिल्ह्याचे लक्ष लागून राहिलेल्या पुसेगाव ग्रामपंचायतीच्या सरपंचपदी महाविकास आघाडीच्या विजय मसणे तर उपसरपंचपदी पृथ्वीराज जाधव यांची बिनविरोध निवड झाली. बिनविरोध निवडीनंतर महाविकास आघाडीच्या कार्यकर्त्यांनी गुलालाची उधळण करून जल्लोष साजरा केला.
कोरोनाची साखळी तोडण्यासाठी पुसेगावकरांनी दाखविली एकजूट
सातारा जिल्ह्यात कोरोनाबाधित रुग्णांचा आकडा झपाट्याने वाढत असून, खटाव तालुक्याला देखील कोरोनाचा विळखा घट्ट बसत चालला आहे. खटाव तालुक्याच्या उत्तर भागातील महत्त्वाची बाजारपेठ असलेल्या पुसेगाव परिसरात देखील कोरोना रुग्णांची संख्या झपाट्याने वाढू लागल्याने दक्षता म्हणून ग्रामस्थ, ग्रामपंचायत, महसूल, पोलीस यांनी एकत्र येत पुसेगाव बंद ठेवण्याचा निर्णय घेतला होता. त्याला पुसेगाव व परिसरातील नागरिकांनी उत्स्फूर्त प्रतिसाद दिला. संपूर्ण बाजारपेठेत अत्यावश्यक सेवा वगळता सर्व दुकाने बंद होती. बाजारपेठेत श
पुसेगावमधील एक विद्यालय बनले कोरोनाचे ‘हॉटस्पॉट’
पुसेगाव येथील एका विद्यालयामध्ये कोरोनाचे आणखी 14 विद्यार्थी सापडल्याने ते विद्यालय कोरोनाचे हॉटस्पॉट बनू लागले आहे. त्यामुळे आता कोरोनाबाधित विद्यार्थ्यांची एकूण संख्या 23 झाली आहे. त्यामुळे शिक्षण व आरोग्य प्रशासनाने अधिक काळजी घेणे गरजेचे बनले आहे.
पुसेगावच्या एका शाळेतील सहा विद्यार्थी कोरोनाबाधित
एका कुटुंबातील कोरोनाबाधित व्यक्तीच्या संक्रमणामुळे पुसेगाव येथील एका विद्यालयातील सहा विद्यार्थी कोरोना पॉझिटिव्ह सापडल्यामुळे शाळा बंद करण्यात आली आहे. शाळा सुरू करण्याबाबतचा निर्णय शाळा व्यवस्थापन समितीच्या येत्या सोमवारी होणार्‍या बैठकीत घेण्यात येणार आहे.
पुसेगाव परिसरात सततच्या पावसाने खरीप पिके धोक्यात
पुसेगावसह परिसरात दररोज विजेच्या कडकडाटासह धो -धो पाऊस कोसळत असून, आठवडाभरात येथे मोठ्या प्रमाणावर पाऊस पडला आहे. सतत पडणार्‍या या मुसळधार पावसाने जमीन वाफशावर येत नसल्याने खरिपातील सोयाबीन, घेवडा ही पिके पिवळी पडत आहेत. त्यामुळे बळीराजाच्या हाताशी आलेला खरीप हंगाम धोक्यात आल्याचे चित्र निर्माण झाले आहे.
पुसेगावमध्ये घरगुती गणपती बाप्पाचे जड अंत:करणाने विसर्जन
गेल्या दहा दिवसांपासून भक्तांकडून पाहूणचार घेत असलेल्या घरगुती गणपती बाप्पांचा, मंगळवारी (दि. 1) ‘गणपती बाप्पा मोरया.. पुढच्या वर्षी लवकर या’ असा निरोप देत जड अंत:करणाने पुसेगाव सुवर्णनगरीत विसर्जन झाले. दरम्यान, सकाळपासूनच घरगुती गणपतीचे पूजन करण्यात येऊन निरोप देण्यात भक्तगण गुंतल्याचे चित्र सर्वत्र दिसत होते. कोरोना संकटाच्या पार्श्वभूमीवर आलेल्या या सणाला विसर्जनासाठी यंदा पाणवठ्यांवर एकत्र येण्याऐवजी भागाभागांतच मूर्ती विसर्जन करण्यास नागरिकांनी पसंती दिली.
पुसेगावात मंदिरे खुली करण्याच्या मागणीसाठी ‘भाजप’तर्फे आंदोलन
पुसेगाव, ता. खटाव येथील भाजपच्यावतीने भाविकांसाठी मंदिरे खुली करण्याच्या मागणीसाठी शनिवारी (दि. 29) आंदोलन करण्यात आले. कोरोना महामारीच्या पार्श्वभूमीवर गेल्या पाच महिन्यांपासून सर्व मंदिरे बंद आहेत. आता जवळजवळ सर्वच व्यवहार सुरू झाल्याने मंदिरेही भाविकांसाठी खुली करावी, या मागणीसाठी लाखो भाविकांचे श्रद्धास्थान असलेल्या श्री सेवागिरी महाराज देवस्थान तीर्थक्षेत्र पुसेगाव येथे हे आंदोलन करण्यात आले.
सततच्या पावसामुळे पुसेगाव परिसरातील खरीप हंगाम संकटात
पुसेगावसह परिसरात गेल्या पंधरा दिवसांपासून सतत ढगाळ वातावरण आणि पाऊस सुरू असल्याने खरीप हंगामातील पिके पिवळी पडू लागली असून, पिकांची वाढ देखील खुंटली आहे. तसेच पिकांवर विविध कीड व रोगांचा प्रादुर्भाव वाढला आहे. परिणामी, उत्पादन घटण्याची शक्यता निर्माण झाली आहे. यामुळे पेरणीस केलेला खर्च वसूल होणार की नाही, याबाबत शेतकरी चिंतेत सापडला आहे.
पुसेगावमध्ये जिल्हा परिषदेमार्फत अर्सेनिक अल्बम गोळ्यांचे वाटप
कोरोना विषाणूचा प्रसार रोखण्यासाठी जिल्हा परिषदेच्यावतीने संपूर्ण सातारा जिल्ह्यात दक्षता घेण्यात येत आहे. त्याचाच भाग म्हणून जिल्हा परिषदेच्यावतीने पुसेगाव प्राथमिक आरोग्य केंद्र येथे ‘अर्सेनिक अल्बम-30’ या गोळ्यांचे वाटप करण्यात आले.
पुसेगावमध्ये ‘कंटेन्मेंट झोन’ राहिले फक्त नावालाच
कोरोनाबाधित रुग्ण सापडलेला भाग प्रशासनाकडून सील करून तो ‘कंटेन्मेंट झोन’ (प्रतिबंधित क्षेत्र) म्हणून जाहीर करण्यात येतो. मात्र, या ‘कंटेन्मेंट झोन’चे गांभीर्यच नागरिकांच्या लक्षात येत नसून पुसेगाव (ता. खटाव) येथील कोरोनाबाधित रुग्ण सापडलेल्या भागात लावण्यात आलेले कळक, बॅरिकेटस् बाजूला सारून नागरिकांची ये-जा सर्रास सुरू असल्याचे चित्र गावात बहुतांशी ठिकाणी दिसून येत आहे.
पुसेगाव येथे गणेश मूर्तींच्या ऑनलाईन बुकिंगला सुरुवात
गणेशोत्सव म्हणजे अगदी लहानांपासून मोठ्यांपर्यंत सगळ्यांचाच आवडता उत्सव. पण कोरोनामुळे यंदाच्या गणेशोत्सवावर विरजण पडल्याचे चित्र दिसत आहे. सद्य:स्थितीत कोरोनाचे संकट एवढे मोठे आहे की, बाप्पांचे आगमन काही दिवसांवर येऊन ठेपले असले तरी गणेशमूर्ती विक्रीचे स्टॉल लावता येतील की नाही याची खात्री देखील व्यावसायिकांना नाही. यामुळे पुसेगाव, ता. खटाव येथील गेली अनेकवर्ष सिझनल व्यवसाय करणार्‍या काही गणेशमूर्ती विक्रेत्यांनी हताश न होता बाप्पांच्या मूर्तीची ऑनलाईन विक्री करण्याचा निर्णय घेतला आहे.
Local News
Copyright © 2024 esahas.com. All Rights Reserved.