निंबळक येथील एका शेतकऱ्याला व्याजाने दिलेल्या पन्नास हजार रुपयांचे साडेतीन लाख घेऊनही सोळा लाख रुपयांची मागणी करण्यात येत होती. पैसे न दिल्यास तारण जमिनीची विक्री करण्याची धमकी देत शिवीगाळ व दमदाटी करणाऱ्या एका खासगी सावकाराच्या विरोधात ग्रामीण पोलीस ठाण्यात गुन्हा दाखल करण्यात आला आहे. याप्रकरणी पोलिसांनी त्याला अटक केली आहे.
तरडगाव, ता. फलटण येथील दोघांवर कोयत्याने वार झाल्याने त्यांच्यावर येथील जिल्हा रुग्णालयात उपचार सुरू आहेत.
उसाचा रस आणि बोयोसिरपवर आधारित आशियातील सर्वांत मोठा इथेनॉल प्रकल्प फलटणमध्ये उभारत असल्याची घोषणा स्वराज ग्रीन पॉवर अँड फ्युएल लिमिटेडने केली आहे. प्रकल्पाची क्षमता पहिल्या टप्प्यात प्रति दिन 500 व दुसर्या टप्प्यात 1100 किलो लिटरपर्यंत वाढवली जाणार असून, यासाठी आवश्यक मान्यता मिळाली असल्याचेही सांगण्यात आले आहे. हे खा. रणजितसिंह नाईक-निंबाळकर यांच्या प्रयत्नांचे यश मानण्यात येत आहे.
कोरोनाच्या पार्श्वभूमीवर रक्ताचा तुटवडा जाणवत असल्या कारणामुळे राजमाता जिजाऊ व स्वामी विवेकांनद जयंती निमित्त शिवशक्ती तरुण मंडळातर्फे हाँटेल राजुरी जंक्शन येथे आयोजित केलेल्या रक्तदान शिबीरात १६० जणांनी रक्तदान केले.
डायरेक्ट व्हॉलीबॉल स्पर्धेत प्रथमच भारतीय संघ विदेशात सहभागी झाला होता. त्या स्पर्धांमध्ये भारतीय संघाने चांगली कामगिरी करत प्रथम क्रमांक पटकावला. डायरेक्ट व्हॉलीबॉल स्पर्धेत अव्वल स्थानी राहिलेल्या कॅनडाला उपांत्य फेरीत धूळ चारत भारतीय व्हॉलीबॉल संघाने अंतिम टांझानिया संघासोबत झालेल्या लढतीत दुबई येथे आयोजित करण्यात आलेल्या डायरेक्ट व्हॉलीबॉल स्पर्धेत प्रथम क्रमांक पटकावला आहे.
तालुक्यातील जिंती गावातील तांबे परिवारातील विवाह समारंभावेळी जयवंत तांबे यांनी आपल्या मुलीच्या लग्नात कन्यादान म्हणून तब्बल एक लाख रुपयांची पुस्तके उपलब्ध करून देऊन आज समाजापुढे एक आदर्श निर्माण करून दिल्याने परिसरात हा कौतुकाचा कौतुकाचा विषय ठरला असून तांबे यांचे परिसरातून अभिनंदन होत आहे.
तालुक्यातील सुरवडी गावच्या हद्दीत असलेल्या रेल्वे क्रॉसिंगवरील रस्ता अंत्यत खराब झाला होता. याबाबत खासदार रणजितसिंह नाईक निंबाळकर यांच्या पाठपुरावा करण्यात आल्यानंतर खासदार निंबाळकर यांच्या माध्यमातून या रस्त्याचे काम मार्गी लावण्यात आले असून सोमवारी या कामाचा शुभारंभ मान्यवरांच्या उपस्थित करण्यात आला. यामुळे सुरवडी पंचक्रोशीतील नागरिकांनी समाधान व्यक्त केले आहे.
फलटण येथे क्षुल्लक कारणावरून अल्पवयीन 4 ते 6 वर्षांच्या लहान मुलांसह त्यांच्या आईलाही काठीने मारहाण केल्याची संतापजनक घटना घडली. या छोट्या बालकांसह त्यांच्या आर्इला मारहाण करणाऱ्या महिला पोलीस कर्मचारी आगम यांच्यावर गुन्हा दाखल करुन त्यांना निलंबित करण्याची मागणी मारहाण झालेल्या पिडीत महिलेसह फलटण दत्तनगर परिसरातील नागरिकांनी केली आहे.
फलटणमधील अवैध गौण खनिज वाहतूक करीत असताना कारवाई करण्यात आलेल्या वाळूमाफियाने प्रांताधिकारी शिवाजीराव जगताप यांना धक्काबुक्की केल्याची घटना घडली. या विरोधात महसूल कर्मचार्यांंनी आज दि. 17 रोजी एकदिवसीय लेखणीबंद आंदोलनाचे हत्यार उपसले आहे.
सातारा जिल्ह्यातील सालपे ता. फलटण येथील एसटी थांब्याजवळ किरकोळ कारणावरुन एकाचा लाकडी दांडक्याने दोघा भावांनी बेदम मारहाण करुन शेतमजूराचा खून केल्याने लोणंद परिसरात खळबळ उडाली आहे. यामध्ये लाकडी दांडक्याने मारहाण करीत खून करणारे संशयित दोघे भाऊ घटनास्थळावरुन फरार झाले असून शोधकार्यासाठी लोणंद पोलीसांचे विविध ठिकाणी पथके रवाना झाली आहे.