Mar 23, 2026
Phaltan
- First
- Prev
- Next
- Last
- Page 8 of 18
- सातारा शहर
- फलटण
- कराड
- कोरेगाव
- जावळी
- वाई
- खंडाळा
- महाबळेश्वर
- माण
- खटाव
- पाटण
झिरपवाडीनजिक रस्त्यावर युवकाचा मृतदेह आढळून आल्याने खळबळ
फलटण तालुक्यातील झिरपवाडी गावात फलटण-दहिवडी रस्त्यावर गुरुवारी सकाळी एका 26 वर्षीय युवकाचा मृतदेह आढळून आल्याने परिसरात एकच खळबळ उडाली आहे. धीरज गुंजवटे असे मृत युवकाचे नाव असून त्याच्या डोक्याला, नाकाला मार लागलेल्या अवस्थेतील मृतदेह आढळला. मात्र, घटनास्थळापासून अर्धा कि. मी. अंतरावर त्याचा मोबार्इल आढळला असल्याने हा प्रकार खून की अपघात, अशी उलटसुलट चर्चा नागरिकांमध्ये सुरु होती.
फलटणच्या डॉ. अनिलकुमार राजवंशी यांना पद्मश्री पुरस्कार प्रदान
विज्ञान व अभियांत्रिकी क्षेत्रातील योगदानासाठी डॉ. अनिलकुमार राजवंशी यांना पद्मश्री पुरस्काराने गौरविण्यात आले. तळागळातील शास्त्रज्ञ अशी डॉ. राजवंशी यांची ओळख आहे. निंबकर कृषि संशोधन संस्था (नारी) चे ते संचालक आहेत. डॉ. राजवंशी यांनी अक्षय ऊर्जा संशोधन, ग्रामीण आणि सतत विकास याविषयांवर त्यांचा तीस वर्षापेक्षा अधिक अभ्यास आहे. त्यांच्या याच कार्याची दखल घेत त्यांना सन्मानित करण्यात आले.
बीबी येथे घरफोडी करणारा संशयित जेरबंद
बीबी, ता. फलटण येथे दिवसा घरफोडी करून चोरी करणाऱ्या एका संशयिताला लोणंद वडगाव पोलिसांनी जेरबंद केले.
आगवणेंना जो मदत करील, तो त्याचे परिणाम नक्कीच भोगेल
लटणमधील उद्योजक दिगंबर आगवणे यांनी फलटण ग्रामीण पोलीस ठाण्यात तक्रार अर्जाद्वारे खा. रणजितसिंह नाईक-निंबाळकर यांच्यावर आर्थिक फसवणूक केली असल्याचा आरोप करीत त्यांच्यासह कारखाना व पतसंस्था संचालक मंडळावर गुन्हा दाखल करण्याची मागणी केली होती. त्यामुळे जिल्ह्यात एकच खळबळ उडाली होती. त्याला प्रत्युत्तर म्हणून खा. रणजितसिंह नाईक-निंबाळकर यांनी फलटणमध्ये पत्रकार परिषद घेत आगवणेंच्या आरोपांचे खंडण करीत आगवणे हेच मिस्टर नटवरलाल असून आगवणेंना जे मदत करीत असतील, त्यांना त्याचे परिणाम नक्कीच भोगावे लागतील, असा सज्जड इशाराही खा. नाईक-निंबाळकर यांनी पत्रकार परिषदेत दिला.
युक्रेनमध्ये जाणाऱ्या शिष्टमंडळात काम करण्याची संधी द्या
शेवटचा भारतीय सुरक्षित मायदेशी परतेपर्यंत देशाची सेवा करण्याची माझी इच्छा आहे. माझ्यासाठी देश प्रथम आहे, तरी भारतीय नागरिकांना परत आणण्यासाठी पाठवल्या जाणार्या शिष्टमंडळाचा सदस्य म्हणून मला काम करण्याची संधी द्यावी, अशी मागणी माढा लोकसभा मतदारसंघाचे खासदार रणजितसिंह नाईक निंबाळकर यांनी केंद्र सरकारकडे केलेली आहे.
बँकेच्या अधिकाऱ्यानेच लुटल्याचा बनाव करुन बँकेच्या पैशावर मारला डल्ला !
बंधन बँक लि. शाखा फलटण या बँकेमध्ये रिलेशनशिप ऑफिसर म्हणून नोकरीस असलेल्या समाधान भिमराव वजाळे (वय २३, सध्या रा.स्वामी विवेकानंदनगर, फलटण) याने आपणास 4 जणांनी डोळ्यात मिरचीची पूड टाकून लुटल्याची तक्रार मंगळवार दि.22 फेब्रुवारी ला दिली होती. मात्र तपासात तक्रारदारानेच बँकेच्या पैशावर डल्ला मारण्याची शक्कल पुढे आल्याने अखेर त्याला अटक करण्यात आली.
फलटण तालुक्यात वाळु तस्करांवर मोठी कारवाई
फलटण तालुक्यात अवैध वाळू वाहतूक करणाऱ्या तस्करांवर मोठी कारवाई करत सातारा येथील स्थानिक गुन्हे शाखेच्या पथकाने त्यांच्याकडून १० लाख ३६ हजार रुपयांचा मुद्देमाल हस्तगत केला. याप्रकरणी प्रशांत सतीश भिसे वय १९, महेश उर्फ अक्षय विकास गायकवाड वय २६, आणि एका अल्पवयीन मुलाला ताब्यात घेण्यात आले आहे. स्थानिक गुन्हे शाखेची नवीन वर्षातील ही पहिलीच मोठी कारवाई समजली जाते.
सुरवडी येथील दोघा विरोधात खाजगी सावकारकीचा गुन्हा
व्याजाने घेतलेल्या पैशाच्या बदल्यात जमीन नावावर करून देण्यासाठी शिवीगाळ दमदाटी करणाऱ्या सुरवडी ता.फलटण येथील दोघा विरोधात खाजगी सावकारकीचा गुन्हा दाखल करण्यात आला आहे.
बरडच्या सरपंच, उपसरपंच, सदस्य, ग्रामसेवकासह एकूण १५ जणांच्या विरोधात फसवणुकीचा गुन्हा
बनावट व खोटे संमतीपत्र तयार करून बनावट कागदपत्रांच्या आधारे बरड, ता. फलटण गावच्या हद्दीतील दुकान गाळ्यांची बेकायदेशीर नोंद, केल्याप्रकरणी बरड ग्रामपंचायतीचे तत्कालीन सरपंच, उपसरपंच, सदस्य, ग्रामसेवक यांच्यासह एकूण १५ जणांच्या विरोधात फलटण ग्रामीण पोलीस स्टेशनला फसवणुकीचा गुन्हा नोंद करण्यात आला आहे.
दुचाकीला अडकवलेली ५० हजार असलेली बॅग चोरीस
फलटण शहरातील सातारा जिल्हा मध्यवर्ती सहकारी बँक फलटण राजवाडा शाखेसमोर एक अज्ञात व्यक्तीने पाठीमागे पैसे खाली पडले आहेत, असे म्हणून दिशाभूल करून पडलेले पैसे उचलत असताना मोटार सायकल हँण्डलला अडकविलेली 50 हजार रुपये रक्कम असलेली पैशांची पिशवी चोरुन नेल्याची घटना घडली आहे.
Local News
Copyright © 2026 esahas.com. All Rights Reserved.