सोमवारी, दि. १९ रोजी रात्री साडेनऊ वाजता कन्याशाळेच्या पाठीमागील बाजूस 'तू आपला जा', असे म्हणाल्याच्या कारणावरून एका ३० वर्षीय वकिलाला मारहाण करण्यात आली. याप्रकरणी शाहूपुरी पोलीस ठाण्यात तिघांवर गुन्हा दाखल झाला आहे. मुज्जमील शेख, शाहीद बागवान, जहीद बागवान सर्व रा. सोमवार पेठ, सातारा अशी गुन्हा दाखल झालेल्यांची नावे आहेत.
दहिवडी, ता. माण गावच्या हद्दीत चंदनाची लाकडे व एक दुचाकी असा एकूण ३४ हजार रुपयांचा मुद्देमाल सापडल्या प्रकरणी चौघांवर दहिवडी पोलीस ठाण्यात गुन्हा दाखल झाला आहे.
खातवळ, ता. खटाव येथे गर्दी करून मारामारी केल्याप्रकरणी पाच जणांवर वडुज पोलीस ठाण्यात गुन्हा दाखल झाला आहे.
गोटे, ता. कराड येथे पत्नीने कुटुंब नियोजनाचे ऑपरेशन केल्याचा राग मनात धरून पतीने आपल्या दोन चिमुकल्यांवर कोयत्याने वार केल्याची घटना घडली. पोलिसांनी बाबासो वायदंडे रा. गोटे, ता. कराड याला अटक केली आहे. त्याला न्यायालयात हजर केले असता दोन दिवस पोलीस कोठडीत ठेवण्याचे आदेश न्यायालयाने दिले.
मारहाण करुन जबरदस्तीने सोन्याची चैन चोरणार्या दोन युवकांना जेरबंद करण्यात सातारा शहर पोलीस ठाण्याच्या गुन्हे प्रकटीकरण शाखेच्या पथकाला यश आले आहे. या चोरट्यांकडून सहा तोळे वजनाची चैन व दोन दुचाकी असा 5 लाख रुपये किंमतीचा मुद्देमाल जप्त करण्यात आला आहे.
मुख्यमंत्री एकनाथ शिंदे यांच्या नेतृत्वाखालील एकही आमदार नाराज नाही. उलट राष्ट्रवादीकडील काही मंडळी आमच्या संपर्कात असून, त्यांना अडविण्यासाठी जयंत पाटील असे वक्तव्य करत आहेत. मुख्यमंत्री एकनाथ शिंदे यांच्या नेतृत्वाखालील आजपर्यंत झाला नाही, असा प्रचंड दसरा मेळावा होईल, असा टोला उत्पादनशुल्क मंत्री शंभूराज देसाई यांनी लगावला.
साताऱ्यातील राजवाडा परिसरात पथारी मांडण्यावरून भाजी विक्रेत्यांमध्ये जोरदार वादावादी झाली. भांडण अगदी रस्त्यावर आल्याने ऐन वर्दळीच्या रस्त्यावर वाहन चालकांना वाहतूक कोंडीचा मनःस्ताप सोसावा लागला.
राज्य सरकारी, निमसरकारी, जिल्हा परिषद, शिक्षक व शिक्षकेतर कर्मचार्यांना जुनी पेन्शन लागू करावी, या मागणीसाठी आज, बुधवारी शासकीय कर्मचारी, शिक्षकांनी सातारा येथे दुचाकी रॅली काढली. या रॅलीमध्ये जिल्ह्यातील शेकडो शिक्षक, शासकीय कर्मचारी, शिक्षकेतर कर्मचार्यांनी सहभाग घेतला होता.
सज्जनगड, ता. सातारापासून 10 किलोमीटरवर असणाऱ्या परिसरात दीड महिने वयाचा नरजातीचा बिबट्याचा बछडा आढळून आला होता. सातारा वनपरिक्षेत्र अधिकारी डॉ. निवृत्ती चव्हाण आणि सह्याद्री प्रोटेक्शन ग्रुप यांच्या संयुक्त सहकार्याने या बिबट्याला त्याच्या आईचा सहवास मिळाला. मादी बिबट्या त्याच्या पिल्लाला घेऊन डोंगरालगतच्या घनदाट जंगलात निघून गेली.
येथील निरीक्षण गृहातून १६ आणि १३ वर्षांच्या दोन मुलांचे अपहरण करण्यात आले असून, ही घटना दि. १९ सकाळच्या सुमारास समोर आली. याबाबत निरीक्षण गृहातील कर्मचारी प्रवीण संभाजी साबळे वय ५४, रा. शिवथर, ता, सातारा यांनी सातारा शहर पोलीस ठाण्यात फिर्याद दिली आहे.