Apr 01, 2026
महाराष्ट्र
युवकाचा मृत्यू अपघाती नव्हे, तर खूनच!
प्रशांत प्रकाश पवार (वय 23, रा. अनवडी ता. वाई) या युवकाचा अपघाती नव्हे तर त्याचा मारहाणीत खून झाला असल्याची धक्कादायक माहिती समोर आली. मारहाण करणारे पारगाव, खंडाळा जि. सातारा येथील यादव भावकी असून मृत युवक नात्याने त्यांचा पाहुणा लागतो. पोलिसांनी 5 संशयित आरोपींना अटक केली असून त्यातील दोघेजण माजी सैनिक आहेत.
मलकापूरात युवकावर हल्ला केल्याप्रकरणी चौघांना अटक
मलकापूर, ता. कराड येथे बुधवारी १५ रोजी भरदिवसा विश्वास हणमंत येडगे रा. मलकापूर याच्यावर धारदार शस्त्राने वार केल्याची घटना घडली होती. लहान मुलांची भांडणे सोडविण्यासाठी गेल्याचा राग मनात धरून हा हल्ला करण्यात आला होता. यामध्ये येडगे हा गंभीर जखमी झाला होता. याप्रकरणी पोलिसांनी घटना घडल्यानंतर काही तासातच चौघांना पाठलाग करून अटक केली आहे.
एसटीची ढेबेवाडी, कोल्हापूर, पुणे मार्गावर धाव
एसटी कर्मचाऱ्यांच्या बेमुदत संपाचा आज गुरुवारी १६ रोजी 39 वा दिवस असून कराड आगाराचे आजअखेर सुमारे ३ कोटी १२ लाखांचे नुकसान आहे. बुधवारी १५ रोजी ढेबेवाडी, कोल्हापूर, पुणे मार्गावर कराड आगारातील बसेस धावल्या असून बसच्या दिवसात 24 फेऱ्या झाल्या असल्याची माहिती कराडचे प्रभारी आगार व्यवस्थापक विजय मोरे यांनी दिली.
नासीर मणेर यांना पदोन्नती
खटाव तालुक्यातील ललगुण गावचे सुपुत्र व आसाम येथील सहाय्यक आयुक्त नासीर इकबाल मणेर यांची पदोन्नती होवून उपआयुक्त गुवाहाटी शहर जीएसटी महसूल विभागपदी निवड झाल्याबद्दल त्यांचे सर्व स्तरातून अभिनंदन होत आहे.
जनरल बिपिन रावत यांचे कार्य देश कायम स्मरणात ठेवेल
जनरल बिपिन रावत यांनी भारताच्या संरक्षण दलामध्ये अमुलाग्र बदल घडवून आणला. ते भारतीय लष्कराचे २६ वे लष्करप्रमुख होते. महाराष्ट्राचा आणि त्यांचा फार जिव्हाळ्याचा संबंध होता. त्यांच्या निधनाने देशाची फार मोठी हानी झाली असून त्यांचे कार्य देश कायम स्मरणात ठेवेल, असे मत सदगुरु गाडगे महाराज महाविद्यालयाचे प्राचार्य डॉ. मोहन राजमाने यांनी व्यक्त केले.
बैलगाडी शर्यतीवरील बंदी उठविल्याने पुसेगावमध्ये आनंदोत्सव
बैलगाडी शर्यत शौकीन व शेतकर्यांनी पुसेगावमधील चौका-चौकात हालगीच्या कडकडाटात, गुलालाची उधळण करीत व फटाक्यांच्या धुमधडाक्यात जल्लोष साजरा केला. ठिकठिकाणी साखर-पेढे वाटून सर्वोच्च न्यायालयाच्या या निर्णयाचे स्वागत केले.
जिल्हा नियोजन समितीच्या बैठकीत 394 कोटी 25 लक्ष रुपयांच्या प्रारुप आराखड्यास मान्यता
सहकार, पणन तथा जिल्ह्याचे पालकमंत्री बाळासाहेब पाटील यांच्या अध्यक्षतेखाली जिल्हाधिकारी कार्यालयातील नियोजन भवनात सातारा जिल्ह्यासाठी सर्वसाधारण जिल्हा वार्षिक योजनेअंतर्गत 2022-23 च्या कमाल नियतव्यय मर्यादा रुपये 314 कोटी 42 लक्ष आणि अनुसूचित जाती उपयोजनेअंतर्गत 79 कोटी 83 लक्ष रुपये अशा एकूण 394 कोटी 25 लक्ष रुपयांच्या प्रारुप आराखड्यास मान्यता देण्यात आली.
नियमांचे पालन न करणाऱ्या 52 व्यक्तींकडून 12 हजार रुपये दंड वसूल
दक्षिण आफ्रिकामध्ये आढळलेला कोरोनाचा नवीन विषाणू ओमिक्रॉनचा संसर्गाच्या पार्श्वभूमीवर जिल्हादंडाधिकारी सातारा यांनी दि. 29 नोव्हेंबर रोजी आदेश काढून निर्बंध आखून दिलेले आहेत. निर्बंधांचे पालन न करणाऱ्या जिल्ह्यातील 52 व्यक्तींवर कारवाई करुन 12 हजार 800 रुपये इतका दंड वसूल करण्यात आला आहे. कोरोना संसर्गाबाबत प्रशासनाने दिलेल्या नियमांचे पालन करावे, असे आवाहन जिल्हाधिकारी शेखर सिंह यांनी केले आहे.
विजय दिवस समारोह समितीच्या वतीने आज रक्तदान शिबिर
विजय दिवस समारोह निमित्त कर्नल संभाजीराव पाटील यांच्या मार्गदर्शनानुसार विजय दिवस समारोह समिती, कराड व यशवंतराव चव्हाण ब्लड बँक, कराड यांच्या सयुंक्त विद्यमाने गुरूवार दि. १६ रोजी रक्तदान शिबिराचे आयोजन करण्यात आले आहे. या शिबिरात राष्ट्रीय कार्य या भूमिकेतून मोठ्या संख्येने उपस्थित राहून रक्तदान करावे, असे आवाहन विजय दिवस समारोह समितीच्या वतीने प्रसिद्धीपत्रकाद्वारे करण्यात आले आहे.
नावली येथे बिबट्याच्या हल्ल्यात कालवड ठार
सातारा वन विभागाचे बिबट्यापासून संरक्षण करावयाच्या उपाययोजना कागदावरच रहात असल्याचे स्पष्ट होत आहे. ठोसेघरमध्ये वनविभागाची प्रबोधन मोहिम सुरू असताना नावली येथे बिबट्याने मानवी वस्तीत घुसून पांडुरंग शिंदे यांची कालवड ठार केली. या हल्ल्यामुळे बिबट्याचे हल्ले रोखण्यासाठी होणाऱ्या उपाययोजनांचा फोलपणा समोर आला आहे.
Local News
Copyright © 2026 esahas.com. All Rights Reserved.