Apr 01, 2026
महाराष्ट्र
स्मार्ट व्हिलेज स्पर्धेत नागनाथवाडी प्रथम
स्मार्ट व्हिलेज' स्पर्धेत खटाव तालुकास्तरावर सर्वाधिक गुण मिळवत नागनाथवाडी ग्रामपंचायतीने प्रथम क्रमांकाचे दहा लाखांचे पारितोषिक पटकावले. स्मार्ट सिटीच्या धर्तीवर शासनाची ही स्मार्ट व्हिलेज योजना आहे. नागनाथवाडी ग्रामपंचायत पदाधिकारी, अधिकारी व ग्रामस्थांचा सातारा जिल्हा परिषदेच्यावतीने पालकमंत्री ना. बाळासाहेब पाटील यांच्या शुभहस्ते सन्मान करण्यात आला.
जिल्ह्यात चौतीस लाख नागरिकांनी घेतली लस
कोरोना संसर्गाचा आलेख सध्या अल्पवाढीत देखील थोडा खालीवर होताना दिसत असला तरी सातारा जिल्ह्यातील कोरोना स्थिती आटोक्यात आलेली आहे. तर दुसरीकडे लसीकरणाने वेग घेतलेला असून जिल्ह्यात तब्बल 34 लाख 68 हजार 898 नागरिकांचे लसीकरण पूर्ण झालेले आहे.
उसाच्या फडाला लागलेल्या आगीत बालिकेचा भाजून मृत्यू
बनवडी येथील ऊस तोडण्यासाठी सांगली जिल्ह्यातील एका साखर कारखान्याची ऊस तोड मजुरांची टोळी गावात आली आहे. मंगळवारी ऊस तोड मजूर गावातील एका शेतकऱ्याच्या उसाची तोडणी करण्यासाठी गेले होते. या मजुरांपैकी सोमय्या वरवी यांना 11 महिन्याची नंदिनी नावाची मुलगी होती. सोमय्या यांच्या पत्नीने ऊस तोडणी सुरू असताना नंदिनीला झोळीत झोपवून ती फडात गेली.
मलकापूरात युवकावर चार-पाच जणांकडून धारदार शस्त्राने वार
मलकापूर, ता. कराड येथील मलकापूर फाट्यावर भरदिवसा युवकावर चार ते पाच जणांनी धारदार शस्त्राने वार केला. बुधवार दि. 15 रोजी सकाळी 10.45 वाजण्याच्या सुमारास ही घटना घडली. यामध्ये संबंधित युवक जखमी झाला असून त्याला उपचारासाठी कृष्णा रुग्णालयात दाखल करण्यात आले आहे.
कराडात मुंगसाच्या केसांपासून बनवलेले पेंटींग ब्रश जप्त
बुधवार दि. १५ रोजी वनविभाग कराड व वन्यजीव अपराध नियंत्रण ब्युरो यांनी संयुक्तपणे कारवाई राबवत कराड आणि मलकापूर येथे एकाचवेळी ५ रंग व्यवसायिक दुकानदारांवर छापा टाकला. यामध्ये सर्व दुकानात मुंगूस या वन्यजीव संरक्षण अधिनियम 1972 अंतर्गत संरक्षण असलेल्या वन्यप्राण्याच्या केसांपासून बनवलेले ब्रश मोठ्या प्रमाणात सापडले. या पाचही दुकानातून वनविभागाने 1 हजार 735 ब्रश जप्त केले आहेत.
एकाची आत्महत्या
वाई येथील मानेनगर, सोनगिरवाडी येथील शकील खुदबूद्दीन बागवान (वय ५0) यांनी सोमवार, दि. १३ रोजी दुपारी तीन वाजण्याच्या सुमारास घराशेजारी असणाऱ्या शेडमध्ये गळफास घेवून आत्महत्या केली.
युवकाचा ट्रॅकटर पलटी झाल्याने मृत्यू
वाई तालुक्यातील बावधन येथील दिनेश चंद्रकांत नायकवडी (वय ३६) या युवकाचा ट्रॅक्टर पलटी झाल्याने मृत्यू झाला. ही घटना मंगळवार, दि. १४ रोजी सकाळी साडेअकरा वाजण्याच्या सुमारास घडली.
एकाची आत्महत्या
सातारा शहरालगत असणाऱ्या करंजे येथील अशोक विष्णू भोसले (वय ६0) या वृध्दाने गळफास घेऊन आत्महत्या केली. बुधवार, दि. १४ रोजी सायंकाळी साडेसहा वाजता ही घटना घडली.
जुगार अड्ड्यावर छापे
सातारा जिल्ह्यात विविध ठिकाणी सुरु असलेल्या जुगार अड्ड्यावर पोलिसांकडून छापा टाकण्यात आले आहेत. शाहूपुरी पोलिसांनी समर्थ मंदिर, मनामती चौक, राजधानी टॉवर या तीन ठिकाणी तर कोरेगाव तालुक्यातील वाठार पोलिसांनी पिंपोडे बुद्रूक येथे सुरु असलेल्या जुगार अड्ड्यावर छापा टाकला.
राजधानी सातारा सेल्फी महोत्सव' स्पर्धेचे आयोजन
भारतीय स्वातंत्र्याच्या अमृत महोत्सवी वर्षाच्या निमित्ताने पोवई नाका येथील सेल्फी पॉईंटवर सेल्फी काढण्याची अनोखी स्पर्धा कर्तव्य सोशल ग्रुपच्यावतीने आयोजित करण्यात आली आहे. 'राजधानी सातारा सेल्फी महोत्सव' या अनोख्या स्पर्धेमध्ये सहभागी होण्याचे आवाहन ग्रुपच्या संस्थापिका वेदांतिकाराजे भोसले यांनी केले आहे.
Local News
Copyright © 2026 esahas.com. All Rights Reserved.