Apr 04, 2026
महाराष्ट्र
पुणे-बंगळूर महामार्गावर भीषण अपघात; सहाजण गंभीर
पुणे- बंगळूर महामार्गावर सातारा शहराजवळ शेंद्रे गावाच्या हद्दीत एक भीषण अपघात झाला आहे. या अपघातात सहा जण गंभीर जखमी झाले आहेत. यातील दोघांची प्रकृती चिंताजनक आहे.
रेठरे खुर्दमध्ये हार्वेस्टर मशीनखाली सापडून शेतकर्याचा मृत्यू
रेठरे खुर्द, ता. कराड येथे हार्वेस्टर मशीनच्या सहाय्याने ऊसतोड सुरु असताना मशीनखाली सापडून शेतकर्याचा मृत्यू झाला. गुरुवारी 3 रोजी दुपारी २ वाजण्याच्या सुमारास ऊसतोड सुरू असताना ऊसाच्या कांड्या गोळा करताना ही घटना घडली. संभाजी शंकर पाटील (वय 45) रा. रेठरे खुर्द ता. कराड असे अपघातात मृत्यू झालेल्या शेतकर्याचे नाव आहे.
कराडात धूमस्टाईलने महिलेच्या गळ्यातील चेन लांबवली
येथील आझाद चौकात दुचाकीवरून आलेल्या चोरट्यांनी धूमस्टाईल महिलेच्या गळ्यातील दोन तोळ्याची सोन्याची चेन लांबवली. गुरुवारी ३ रोजी दुपारी ही घटना घडली. दुचाकीवरून आलेला चोरटा नजीकच्या सीसीटीव्ही कॅमेऱ्यात कैद झाला असून त्याच्याआधारे पोलिस त्याचा शोध घेत आहेत. या घटनेने परिसरात खळबळ उडाली असून याप्रकरणी पोलिसात रात्री उशिरापर्यंत नोंद झाली नव्हती.
भांडणे सोडवायला गेलेल्या महिलेस मारहाण
पती व पत्नी यांच्यामध्ये सुरू असलेली भांडणे सोडवण्यासाठी गेलेल्या आशा महेश गुरव (वय 41 रा. करंजेनाका सातारा) यांना मारहाण केल्याने शाहूपुरी पोलीस ठाण्यात गुन्हा दाखल झाला आहे.
रस्त्याने जाण्यास अडवणूक केल्याने दोन गटात मारामारी
वाढे, ता. सातारा या गावात राहत असलेले प्रमोद रामचंद्र नलवडे (वय 51) हे रस्त्याने जात असताना याच गावातील नलवडे कुटुंबातील सदस्यांनी अडवणूक करून मारहाण केल्याने परस्पर विरोधी तक्रारी तालुका पोलीस ठाण्यात दाखल झाल्या आहेत. अद्याप कोणालाही अटक झालेली नाही.
केवायसी अपडेट करतो असे भासवून दीड लाखाची फसवणूक
केवायसी अपडेट करून देतो, असे भासवत अज्ञात चोरट्याने सिकंदर बाबुलाल मुलाणी (वय 34, मुळ रा. वडी ता. खटाव) यांच्या खात्यातून वेळोवेळी रक्कम काढून दीड लाखांची फसवणूक केली आहे. अशा ऑनलाईन फसवणूकीच्या घटना वाढल्या असून वारंवार पोलीसांकडून आवाहन करूनही दुर्लक्ष करण्यात येत आहे.
दोन वेगवेगळ्या अपघातात दोन महिला जखमी
सातारा तालुक्यातील दोन वेगवेगळ्या अपघातात दोन महिला जखमी झाल्याच्या घटना घडल्या आहेत.
जिल्ह्यातील चार घटनांमध्ये वेगवेगळ्या कारणाने चौघांचा मृत्यू
जिल्ह्यात चार वेगवेगळ्या घटनांमध्ये वेगवेगळ्या कारणाने चौघांचा मृत्यू झाला आहे.
पंडित ऑटोमोटिव्ह च्या लिलाव प्रक्रियेला कर्मचारी संघटनेची हरकत
पंडित ऑटोमोटिव्ह सर्व्हिसेस प्रायव्हेट लिमिटेड या कंपनीची मालमत्ता आणि जागा याचा लिलाव आ. शिवेंद्रसिंहराजे भोसले यांनी घेतला आहे. तो अत्यंत बेकायदेशीर स्वरूपाचा आहे. या प्रक्रियेला कामगार संघटनेने उच्च न्यायालयामध्ये हरकत घेतली असून त्याची सुनावणी अंतिम टप्प्यात आहे, अशी माहिती ऑटोमोटिव्ह सर्विसेस कर्मचारी संघटनेचे अध्यक्ष संतोष शिंदे यांनी पत्रकार परिषदेत दिली.
मंगळवार तळे संरक्षणासाठी चेनलिंक जाळी चा प्रस्ताव
मंगळवार तळे संपूर्णपणे स्वच्छ केल्यानंतर या तळ्याच्या संरक्षणासाठी प्रभाग क्रमांक 18 चे नगरसेवक वसंत लेवे यांनी पुढचे पाऊल उचलले आहे. तळ्याच्या संरक्षक भिंतीची पडझड होत असल्याने पुरातत्त्व विभागाच्या परवानगीने तळ्याच्या बाजूने चेनलिंक जाळी बसवण्याचा प्रस्ताव लेवे यांनी नगरपालिकेला सादर केला आहे
Local News
Copyright © 2026 esahas.com. All Rights Reserved.