येथील औद्योगिक वसाहतीमध्ये असणाऱ्या पंडित ऑटोमोटिव्ह कंपनीसमोर आत्मदहनाचा प्रयत्न केल्याप्रकरणी दोघांवर सातारा शहर पोलीस ठाण्यात गुन्हा दाखल झाला.
वर्ये, ता. तालुका सातारा गावच्या हद्दीत अज्ञात इसमाने एसटीच्या काचेवर दगड मारल्याची तक्रार सातारा तालुका पोलीस ठाण्यात दाखल झाल्यानंतर अज्ञात इसमावर सार्वजनिक मालमत्तेचे नुकसान केल्याचा गुन्हा दाखल झाला आहे.
सातारा जिल्ह्यात दोन वेगळ्या ठिकाणी सुरू असणाऱ्या जुगार अड्डयांवर छापे टाकून पोलिसांनी २ हजार ४० रुपये रोख रक्कम व जुगाराचे साहित्य हस्तगत केले.
बेलवडे खुर्द, ता. पाटण गावच्या हद्दीतून अज्ञात चोरट्याने १५ हजार रुपयांची तांब्याची तार चोरुन नेल्याची तक्रार पाटण पोलीस ठाण्यात दाखल झाली आहे.
जिल्ह्यात चार वेगवेगळ्या ठिकाणी सुरू असणाऱ्या दारू अड्डयावर छापा टाकून पोलिसांनी ७ हजार २८० रुपये किमतीच्या देशी दारूच्या बाटल्या हस्तगत केल्या.
येथील मारूतीबुवा कराडकर मठासमोरच वाईन विक्रीवरून वारकरी नेते बंडातात्या कराडकर यांनी काल साताऱ्यात केलेल्या वक्तव्याचा निषेध करण्यात आला. यावेळी त्यांच्या प्रतिमेस जोडे मारण्याचे आंदोलन झाले. राष्ट्रवादी कॉंग्रेस व वारकऱ्यांतर्फे झालेल्या निषेधात कराडकरांच्या मठासमोरच बंडातात्यांच्या प्रतिमेला जोडे मारण्यात आले.
जिल्ह्यासह सातारा शहरात शुक्रवारी गणेश जयंती सोहळा धार्मिक व भक्तिमय वातावरणात व पारंपारिक पद्धतीने पार पडला. श्री गणेशाच्या दर्शनासाठी ठिकठिकाणच्या मंदिरांमध्ये भाविकांच्या सकाळपासूनच रांगा लागल्या. कोरोनाचा संसर्ग टाळण्यासाठी भाविकांनी यंदा सामाईक अंतराचे पालन करत गणेशाचे मनोभावे दर्शन घेतले.
राणा भीमदेवी थाटात 'दंडवत - दंडुका' आंदोलन करताना खासदार सुप्रिया सुळे, पंकजा मुंडे यांच्यासह राजकीय नेत्यांवर बेछुटपणे चिखलफेक करणार्या बंडातात्या कराडकर यांनी चोवीस तासातच 'घालीन लोटांगण' म्हणत दंडवत घातला. आपण बोलण्याच्या ओघात अनवधानाने बोललो असे सांगत त्यांनी सर्वांची सपशेल माफी मागितली.
नामांकित विद्यालयात लिपिक म्हणून कार्यरत असणाऱ्या रामदास पोपट गाडे (वय 33, रा. लाखानगर वाई) याने आपल्या अधिकारांचा गैरवापर करुन इयत्ता १० मध्ये शिकणार्या १५ वर्षीय शाळकरी मुलाला महाविद्यालयाचे काम आहे, असे सांगून तू जर आला नाहीस तर तुला नापास करीन, तुझे प्रेमसंबंध आहेत असे सांगून बदनामी करण्याची धमकी देत मुलावर अनैसर्गिक अत्याचार केल्याने त्याच्यावर पोक्सोअंतर्गत जिल्हा सत्र न्यायालयाने १० वर्षाची सक्तमजुरीची शिक्षा सुनावली आहे.
अभ्यास घेण्याच्या बहाण्याने पंधरा वर्षीय अल्पवयीन मुलीवर मामाने बलात्कार केल्याची घटना उघडकीस आली आहे. पीडित मुलीने दिलेल्या तक्रारीनुसार वाई पोलीस ठाण्यात पोक्सो अंतर्गत गुन्हा दाखल करण्यात आला. या प्रकरणी मामाला पोलिसांनी अटक केली आहे. वाई तालुक्यातील पश्चिम भागात असणाऱ्या एका गावात हि घटना घडली.