Apr 04, 2026
महाराष्ट्र
नोकरीच्या आमिषाने १५ लाख रुपयांची फसवणूक
नोकरीचे आमिष दाखवून सातारा, सांगली आणि पुणे जिल्ह्यातील एकूण १८ जणांची १५ लाख रुपये घेऊन त्यांची फसवणूक करणाऱ्या दोघांना अटक करण्यात सातारा शहर पोलिस ठाण्यातील कर्मचार्यांना यश आले आहे.
कराडमध्ये पिस्तुल व मॅगॅझीनसह युवकास अटक
येथील भाजी मंडई परिसरात पोलिसांनी पिस्तल व मॅगॅझीनसह युवकास अटक केली. परिसरातील हॉटेलमध्ये पिस्तुल घेवून बसलेला असताना पोलिसांनी छापा टाकून रेकॉर्डवरील संशयीतास ताब्यात घेऊन अटक केली. सोमवारी ७ रोजी सायंकाळी ६.३० वाजता ही कारवाई करण्यात आली. यामध्ये पोलिसांनी त्याच्याकडून ४० हजार रुपयांचे पिस्तुल व मॅगॅझीन जप्त केले आहे.
नोकरी लावण्याच्या बहाण्याने एकाची तीन लाखांची फसवणूक
नोकरी लावण्याच्या बहाण्याने एकाची तीन लाखांची फसवणूक केल्याची घटना घडली आहे. मुंबई येथे विधान भवनात नोकरीला लावतो, असे सांगून संबंधितांना फसवणूक केली आहे. याप्रकरणी दोघांवर कराड ग्रामीण पोलिस ठाण्यात गुन्हा दाखल करण्यात आला आहे.
पार्ले येथे तिघांना मारहाण
पार्ले ता. कराड येथे तिघांना मारहाण केल्याची घटना घडली. सोमवारी ७ रोजी सकाळी 11.30 वाजण्याच्या सुमारास सांडपाण्याच्या कारणावरून चिडून जाऊन तिघांनी संगनमताने ही मारहाण केली. याबाबतची फिर्याद श्रीमती मैनाबाई दादासो नांगरे (वय 62) रा. पार्ले ता. कराड यांनी कराड ग्रामीण पोलिस ठाण्यात दिली आहे. त्यानुसार याप्रकरणी तिघांवर गुन्हा नोंद करण्यात आला आहे.
घारेवाडीत एकाला चाकूने भोकसले
घारेवाडी (जुने) ता. कराड येथे मुलांचे भांडण सोडवण्यासाठी गेलेल्या एकाला जिवे मारण्याची धमकी देत चाकूने भोकसले. रविवारी 6 रोजी जुने येथील मंदिरासमोरील रस्त्यावर रात्री ९ वाजण्याच्या सुमारास ही घटना घडली. याप्रकरणी संतोष दतु लोकरे (वय 42) रा. येरवळे यांनी पोलिसात फिर्याद दिली असीन त्यानुसार कराड ग्रामीण पोलिस ठाण्यात गुन्हा दाखल करण्यात आला आहे.
येरवळेत लोखंडी पाईपने एकास मारहाण
येरवळे, ता. कराड येथे लोखंडी पाईपने झालेल्या मारहाणीत एकजण जखमी झाला आहे. निवडणुकीसाठी अर्ज भरु नका, असे म्हणून एकाने संबंधितास मारहाण केली. रविवारी 6 रोजी दुपारी ३.२५ वाजण्याच्या सुमारास ही घटना घडली. यामध्ये एकजण जखमी झाला असून याप्रकरणी कराड शहर पोलीस ठाण्यात गुन्हा नोंद झाला आहे.
पांगरी येथे ट्रक व दुचाकी अपघातात एक ठार, एक गंभीर
शिरवळ येथे कामावर हजर राहण्यासाठी निघालेल्या गोंदवले बुद्रुक (ता. माण) येथील दोन युवकांच्या दुचाकीचा व ट्रकचा पांगरी (माण) येथे आज सकाळी भीषण अपघात झाला. यामध्ये सूर्यकांत लाला जाधव (वय ३०) याचा जागीच मृत्यू झाला, तर महेश बबन कट्टे (वय 27) हा गंभीर जखमी झाला आहे. हा अपघात इतका भीषण होता की, दुचाकीचा अक्षरशः चुराडा झाला आहे.
भाडळेत जुगार अड्डयावर छापा; 4 लाख 37 हजारांचा मुद्देमाल जप्त
भाडळे, ता. फलटण येथे सर्जेराव दादा माने यांच्या मालकीच्या इमारतीमध्ये सुरु असलेल्या जुगार अड्डयावर फलटण ग्रामीण पोलिसांनी शनिवार, दि 5 रोजी छापा टाकला. या छापेमारीत सुमारे 4 लाख 37 हजार 940 रुपयांचा मुद्देमाल जप्त करण्यात आला आहे.
साबळेवाडी येथे दारू अड्डयावर छापा
साबळेवाडी, ता. सातारा येथे दारू अड्डयावर छापा टाकून पोलिसांनी ९०० रुपये किमतीच्या देशी दारूच्या बाटल्या हस्तगत केल्या.
वाई येथील हरिहरेश्वर बँकेत ३८ कोटींचा गैरव्यवहार
वाई, ता. वाई येथील हरिहरेश्वर बॅंकेत ३८ कोटी रुपयांचा गैरव्यवहार झाला असून आठ दिवसांमध्ये ठेवी परत न दिल्यास आम्ही आत्मदहन करणार असल्याचा इशारा ठेवीदारांनी दिला आहे.
Local News
Copyright © 2026 esahas.com. All Rights Reserved.