राज्यातील नागरिकांना करोनावरील लस मोफत देण्यात येईल. लसचा संपूर्ण खर्च हा राज्य सरकार उचलेल. आम्ही केंद्र सरकारच्या आदेशाची वाट पाहतोय. केंद्राने हिरवा कंदिल दाखवताच सर्व प्रथम आरोग्य कर्मचाऱ्यांना लस दिली जाईल, असं पिनराई विजयन यांनी सांगितलं.

केरळःकरोनावरील लस ( covid vaccine ) कधी येणार आणि किती पैसे मोजावे लागणार यावर सध्या जोरदार चर्चा सुरू आहे. केंद्र सरकारने करोनावरील लस ( covid-19 vaccine ) सर्वांना देणार नसल्याचं स्पष्ट केलं आहे. ही चर्चा सुरू असताना आता केरळ सरकारने राज्यात नागरिकाना मोफत लस ( corona kerala ) देण्याची घोषणा केलीय. केरळचे मुख्यमंत्री पिनराई विजयन ( Pinarayi Vijayan ) यांनी शनिवारी ही घोषणा केली. यापूर्वी बिहार निवडणुकीच्या जाहीरनाम्यात भाजपने राज्यातील जनतेला मोफत लस देण्याचं आश्वासन दिलंय. राज्यातील करोनाची लागण होणाऱ्या नवीन रुग्णांची संख्या कमी होतेय. राज्यातील करोनाचा मृत्यूदर कमी ठेवण्यात सरकारला यश आलं आहे. हा मृत्यूदर ०.५ टक्क्यांच्या खाली आहे. तर देशाचा करोना मृत्यूदर हा १.३ टक्के इतका आहे. नागरिकांनी करोनाच्या संदर्भात दिलेल्या मार्गदर्शक सूचनांचं काटेकोरपणे पालन करावं अन्यथा परिस्थिती बिकट होऊ शकते, अशा इशारा त्यांनी राज्यातील नागरिकांना दिला.