Aug 14, 2026
Satara
- First
- Prev
- Next
- Last
- Page 324 of 506
- सातारा शहर
- फलटण
- कराड
- कोरेगाव
- जावळी
- वाई
- खंडाळा
- महाबळेश्वर
- माण
- खटाव
- पाटण
विधवा महिलेवर अत्याचार केल्याप्रकरणी एकावर गुन्हा
सातारा शहर परिसरात दोन वेगवेगळ्या ठिकाणी एका विधवा महिलेवर अत्याचार केल्याप्रकरणी चेतन भोसले, वय 28, रा. वनगळ, ता. सातारा (पूर्ण नाव माहीत नाही) याच्या विरोधात शाहुपुरी पोलिस ठाण्यात गुन्हा दाखल झाला आहे. त्याला अद्याप अटक करण्यात आली नाही.
करंजे येथील चोरी प्रकरणी दोन जणांना अटक
करंजे, ता. सातारा येथील चोरी प्रकरणी दोन जणांना अटक करण्यात शाहूपुरी पोलिस ठाण्याच्या गुन्हे प्रकटीकरण शाखेच्या पथकाला यश आले. त्यांच्याकडुन गुन्ह्यांमध्ये वापरलेल्या टेम्पोसह 2 लाख 30 हजार रुपयांचा मुद्देमाल हस्तगत करण्यात आला आहे.
चोरीला गेलेल्या जमिनीप्रकरणी आंदोलन
चोरीला गेलेली जमीन शोधून मिळण्यासाठी सातारा येथे अहिर, ता. महाबळेश्वर येथील सपकाळ कुटुंबीयांनी आजपासून आंदोलन सुरू केले आहे. आम्हाला न्याय न मिळाल्यास दि. 14 एप्रिल रोजी जिल्हाधिकारी कार्यालयाच्या प्रवेशद्वाराबाहेर आत्मदहन करणार असल्याचा इशारा त्यांनी दिला आहे.
मिलिटरी अपशिंगे गावात रशियन बनावटीचा रणगाडा दाखल
सातारा जिल्ह्यातच नव्हे तर संपूर्ण देशात माजी लष्करी अधिकाऱ्यांचे गाव म्हणून प्रसिद्ध असलेल्या सातारा तालुक्यातील मिलिटरी अपशिंगे या गावामध्ये रशियन बनावटीचा रणगाडा दाखल झाला आहे. युद्धातील स्मृती जपण्या करता या रणगाड्याला गावात ठेवणार असल्याचे गावकऱ्यांनी सांगितले. यामुळे मिलिटरी अपशिंगे गावाच्या शिरपेचात आणखी एक मानाचा तुरा खोवला गेला आहे.
मोबाईलचे हप्ते न दिल्याने एकावर चाकूने वार; दोघांविरुध्द गुन्हा
स्वत:च्या नावावर हप्त्याने मोबाईल घेवून देत त्या मोबाईलचे हप्ते न भरल्याचा राग मनात धरुन वाद झाला. या वादातून एकावर चाकूने वार करण्यात आले. ही घटना बुधवारी रात्री साडेदहा वाजण्याच्या दरम्यान सोमवारपेठ, सातारा येथे घडली.
खानापूर येथे दुकान फोडून साहित्य लंपास
खानापूर, ता. वाई येथील दुकान फोडून अज्ञात चोरट्यांनी रोख रक्कम व किराणा साहित्य चोरून नेल्याची तक्रार भुईंज पोलीस ठाण्यात दाखल झाली आहे.
लग्नाचे आमिष दाखवून सातारा शहर परिसरातील एका युवतीवर अत्याचार
सातारा शहर परिसरात वास्तव्य करणार्या एका युवतीला लग्नाचे आमिष दाखवून तिच्यावर सातारा शहर परिसरात एकाने अत्याचार केल्याची तक्रार शाहुपुरी पोलिस ठाण्यात दाखल झाली आहे.
जाधववाडी येथे घरफोडी करून ७१ हजार ५०० रुपयांच्या मुद्देमालाची चोरी
जाधववाडी, ता. सातारा येथे घरफोडी करून ७१ हजार ५०० रुपयांच्या मुद्देमालाची अज्ञात चोरट्याने चोरी केल्याची नोंद सातारा तालुका पोलीस ठाण्यात दाखल झाली आहे.
खासगी ट्रॅव्हल्समधुन ६५ हजार रुपये किमतीचा मुद्देमाल चोरीस
गोरेगाव (मुंबई) ते कराड दरम्यान खासगी ट्रॅव्हल्समधुन प्रवास करत असताना एका महिलेचा ६५ हजार रुपये किमतीचा मुद्देमाल अज्ञात चोरट्याने लंपास केल्याची घटना घडली. ही घटना खासगी ट्रॅव्हल्स सातारा येथील बॉम्बे रेस्टॉरंट चौकात आल्यानंतर उघडकीस आली. या घटनेची नोंद सातारा शहर पोलीस ठाण्यात दाखल झाली असून पोलिसांनी अज्ञात चोरट्यावर गुन्हा दाखल केला आहे.
जागतिक वन दिनानिमित्त पर्यटकांसाठी रात्रीची जंगल सफर
जागतिक वन दिनानिमित्त सातारा आणि महाबळेश्वर तालुक्यात पर्यटनासाठी येणाऱ्या पर्यटकांना आता रात्रीची जंगल सफर करण्याचा आनंद लुटता येणार आहे. सातारा जिल्हा वन विभागाने हा अभिनव उपक्रम हाती घेतला असून या सफरीच्या निमित्ताने वन विभागाच्या कर्मचाऱ्यांना रात्रगस्त घालता येईल, अशी माहिती जिल्ह्याचे उपवनसंरक्षक अधिकारी महादेव मोहिते यांनी प्रसिद्धिमाध्यमांशी बोलताना दिली.
Local News
Copyright © 2026 esahas.com. All Rights Reserved.