जनावरांची बेकायदा वाहतूक करणारे दोन टेम्पो अडवून पोलिसांनी चाळीस म्हैशी व अकरा रेडकांची सुटका केली. तसेच टेम्पोच्या दोन चालकांवर कराड शहर पोलीस ठाण्यात गुन्हा दाखल करण्यात आला. गुरूवार दि.२९ रोजी सकाळी ११ वाजण्याच्या सुमारास ही कारवाई करण्यात आली.
कराड शहरासह परिसराला मोठी ऐतिहासिक व भौगोलिक पार्श्वभूमी आहे. या भूमीने अनेक शूर, वीर योद्धे दिले असून कराड ही खऱ्या अर्थाने शूर-विरांची भूमी आहे. मी मराठा बटालियनमध्ये कार्यरत असून या पवित्र भूमीत आल्याचा मला सार्थ अभिमान आहे. शूर-विरांच्या या पवित्र भूमीला मी आदरपूर्वक सॅल्युट करतो, असे गौरवोद्गार ७ मराठा लाईफ इन्फट्री बटालियनचे लेफ्टनंट राघवेंद्र सिंह शेखावत यांनी काढले.
विंग, ता. कराड येथील कलाशिक्षक बाबासाहेब पवार यांनी कोरोनाचा विद्यार्थ्यांच्या शैक्षणिक जीवनावर झालेला परीणाम काव्य चित्रांद्वारे जगासमोर मांडला आहे. त्यांनी "बागुलबुवा" या काव्य-चित्र शुभेच्छा पत्राद्वारे विविध संदेश दिले असून या काव्य चित्रांची नोंद 'इंडिया बुक ऑफ' रेकॉर्डमध्ये घेण्यात आली आहे.
कार्वे, ता. कराड येथे चोरट्यांनी मेडीकल दुकानासह एका घरात डल्ला मारून सुमारे ५० हजाराचे साहित्य व ऐवज लंपास केला. बुधवारी २९ रोजी रात्री ही घटना घडली.
मलकापूर, ता. लारद येथे पुणे-बेंगलोर राष्ट्रीय महामार्गावरील सागर हॉटेल समोर शेळ्या-मेंढ्यांची विनापरवाना वाहतूक केल्याप्रकरणी कराड पोलिसांनी दोघांना ताब्यात घेतले. गुरुवारी ३० रोजी ही कारवाई करण्यात आली. तसेच वाहतूकीसाठी वापरण्यात आलेला ट्रकही पोलिसांनी ताब्यात घेऊन याप्रकरणी शहर पोलिस ठाण्यात गुन्हा नोंद करण्यात आला आहे.
येथील कृष्णा हॉस्पिटलच्या हृदय शस्त्रक्रिया विभागात एका ९५ वर्षाच्या वृद्ध महिलेवर नुकतीच बायपास शस्त्रक्रिया यशस्वीपणे करण्यात आली. एवढ्या वयस्कर महिलेवर यशस्वी शस्त्रक्रिया केल्याबद्दल कृष्णा हॉस्पिटलच्या डॉक्टर्सचे सर्वस्तरातून कौतुक होत आहे.
मालट्रक चालकाने कच्चे लोखंड आणि रोख रकमेच्या अपहार केला. ५ टन कच्चे लोखंड व ४५ हजाराची रोख रकमेचा अपहार केल्याने ट्रक मालकाने कराड शहर पोलिस ठाण्यात फिर्याद दिली आहे. याप्रकरणी मालट्रक चालकाला अटक केली आहे.
येथील दत्त चौकाजवळ बुधकर चाळीनजीक एका युवकावर चाकूने वार केल्याची घटना शनिवारी दुपारी घडली होती. यातील जखमी युवकाचा उपचारादरम्यान बुधवारी पहाटे रुग्णालयात मृत्यू झाला. याप्रकरणी पोलिसांनी दोघांना अटक केली आहे.
येथील नगरपालिकेचा ई-कचरा विघटनासाठी पुढाकार घेतला आहे. त्यानुसार पालिकेने शहरातील संपूर्ण ई-कचऱ्याचे विघटन करण्यासाठी महालक्ष्मी ई-रिसायकल प्रायव्हेट लिमिटेड कंपनीसोबत 5 वर्षाचा करारही केला आहे. नुकताच कराड नगरपालिका आणि महालक्ष्मी ई-रिसायकल प्रायव्हेट लिमिटेड कंपनीमध्ये हा करार करण्यात आला.
येथील विजय दिवस चौकात ऊसाने भरलेला ट्रक पलटी झाला. ट्रकचा एक्सल तुटल्याने ही घटना घडली. सुदैवाने यामध्ये कोणतीही जीविन हानी झाली नसून ट्रकचालक या अपघातातून सुखरूप बचावला आहे. दरम्यान, या घटनेने काही काळ शहरातील वाहतुकीवर परिणाम झाल्याचे दिसून आले.