Aug 13, 2026
महाराष्ट्र
महाविकास आघाडीच्या दिग्गज मंत्र्यांमध्ये रंगल्या राजकीय कोपरखळ्या
साताऱ्यात शुक्रवारी पोलीस दलाचा कार्यक्रम पार पडला. या कार्यक्रमाच्या निमित्ताने जिल्ह्यातील दोन मंत्री म्हणजे गृहराज्यमंत्री शंभुराज देसाई आणि सहकारमंत्री व साताऱ्याचे पालकमंत्री बाळासाहेब पाटील यांनी हजेरी लावली. दोघेही एकाच मंचावर आल्याने दोघांनी एकमेकांना चांगलेचं चिमटे काढले.
भाजप प्रदेश उपाध्यक्षपदी माथाडी नेते नरेंद्र पाटील यांची वर्णी
माथाडी कामगार नेते व सातारा जिल्ह्याचे सुपूत्र नरेंद्र अण्णासाहेब पाटील यांची आज दि. 2 एप्रिल रोजी भाजपा महाराष्ट्र प्रदेश उपाध्यक्षपदी निवड करण्यात आली आहे. प्रदेश अध्यक्ष चंद्रकांत पाटील यांनी त्यांना याबाबतचे पत्र दिले आहे.
पाण्यासाठी महिलांचे फलटण पालिकेसमोर आंदोलन
फलटण नगर परिषद परिसरातील मेटकरीगल्ली भागातील नागरिकांनी गेल्या अनेक वर्षापासून पाणी टंचाईचा सामना करावा लागत आहे. नगरपालिका याकडे दुर्लक्ष करत असल्याने संतप्त महिलांनी ऐन सणासुदीतच नगरपालिकेसमोरच मोकळे हंडे घेऊन धरणे आंदोलन धरले. ऐन सणासुदीत पाण्यासाठी आंदोलन करावे लागल्याने महिलांनी यावेळी तीव्र प्रतिक्रिया व्यक्त केल्या.
युवतीचा विनयभंग करून मोबाईल हिसकावून पळून गेलेल्या चोरट्यास अटक
सातारा शहरातील वाय.सी. कॉलेज ते पोवई नाका जाणार्या रस्त्यावर एका युवतीचा विनयभंग करुन तिचा मोबाईल हिसकावून पळून गेलेल्या युवकाच्या मुसक्या आवळण्यात आल्या आहेत. ही कारवाई शहर पोलिसांच्या गुन्हे प्रकटीकरण शाखेने पुण्यात जावून केली असून संबंधित युवकास अटक करण्यात आली आहे.
पोलीस विभागाला मिळालेल्या नवीन वाहनांमुळे कायदा व सुव्यवस्था अबाधित राखण्यास मदत होईल : पालकमंत्री बाळासाहेब पाटील
जिल्हा वार्षिक योजनेतून सातारा पोलीस विभागाला मोठ्या प्रमाणात वाहने उपलब्ध करुन देण्यात आली असून यातून प्रत्येक पोलीस स्टेशनला नवीन वाहन मिळणार आहे. यामुळे जिल्ह्यातील कायदा व सुव्यवस्था अबाधित राखण्यासाठी मोठी मदत होईल, असे प्रतिपादन सहकार, पणन तथा पालकमंत्री बाळासाहेब पाटील यांनी केले.
जिहे-कठापूर योजनेसाठी 247 कोटी
जिहे-कठापूर योजनेसाठी देशाचे पंतप्रधान नरेंद्र मोदी यांनी 247 कोटी मंजूर केल्याने या योजनेच्या रखडलेल्या कामाला आता गती मिळणार आहे. गेल्या काही दिवसांपासून माढा मतदारसंघाचे खासदार रणजितसिंह नाईक-निंबाळकर तसेच माण-खटावचे आमदार जयकुमार गोरे यांनी पंतप्रधान मोदी यांची दिल्लीत प्रत्यक्ष भेट घेवून जिहे-कठापूरचे रखडलेले काम पूर्ण व्हावे, यासाठी निधीची मागणी केली होती. त्यानुसार पंतप्रधान कार्यालयाने 247 कोटींचा निधी जिहे-कठापूर योजनेसाठी मंजूर केला आहे.
महिला सक्षमीकरणाला पाच टक्के निधी चा बूस्टर
स्थानिक स्वराज्य संस्थांच्या कामकाजामध्ये महिला आणि बालकल्याण विषय योजनांना उत्तेजन मिळावे याकरिता पालिका आणि महापालिका यांनी एकूण बजेटच्या पाच टक्के निधी खर्च करावा, असे बंधन घालणारा अध्यादेश नगर विकास विभागाने जाहीर केला आहे. महिलांना सर्व क्षेत्रात सक्षम करण्यासाठी एकूण उत्पन्नापैकी पाच टक्के उत्पन्न स्त्रोत सक्षमीकरणाकरीता वापरला जावा, ही या आदेशामागची मूलभूत कल्पना आहे.
पश्चिम महाराष्ट्राच्या साखर पट्ट्यात पुन्हा निवडणुकीचे वारे
जिल्ह्यातील किसन वीर सातारा सहकारी साखर कारखान्यासह आणखी तीन कारखान्यांच्या निवडणुकीची प्रक्रिया सुरू झाली आहे. यामध्ये रयत-अथनी शुगर (कराड), लोकनेते बाळासाहेब देसाई (पाटण) व अजिंक्यतारा सहकारी साखर कारखाना (शेंद्रे) यांचा समावेश आहे.
गुढीपाडवा: माहिती, महत्त्व, पूजा विधी
गुढीपाडवा हा सण महाराष्ट्रातील एक महत्त्वाचा सण आहे. महाराष्ट्राच्या नववर्षाची सुरूवात गुढीपाडव्यापासून होते. हिंदू कालदर्शिकेप्रमाणे चैत्र शुद्ध प्रतिपदेला म्हणजेच वसंत ऋतूच्या पहिल्या दिवसाला गुढीपाडवा साजरा केला जातो. या वर्षी 2 एप्रिल 2022 ला महाराष्ट्रात गुढीपाडवा साजरा केला जाणार आहे.
सरकारी कर्मचार्याला मारहाण केल्याप्रकरणी दोघांना एक वर्ष सक्तमजुरी
पोलीस सेवेमध्ये कर्तव्यावर असणार्या पोलीस हवालदाराला मारहाण करून शासकीय कामकाजात अडथळा निर्माण केल्याप्रकरणाचा गुन्हा शाबीत झाल्याने सेबेस्टियन स्टेन मुलर (वय 25 राहणार जर्मनी सध्या राहणार सातारा जिल्हा कारागृह), सर्गीस व्हिक्टर मनका (रा. जर्मनी सध्या रा. सातारा जिल्हा कारागृह) या दोघांना एक वर्ष सक्तमजुरीची शिक्षा सुनावण्यात आली आहे. तदर्थ न्यायाधीश एन एच जाधव यांनी गुरुवारी हे आदेश दिले.
Local News
Copyright © 2026 esahas.com. All Rights Reserved.