Apr 04, 2026
महाराष्ट्र
शिवाजी विद्यापीठ कोल्हापूरच्या अधिसभा सिनेट निवडणुकीत कराडचे अमित जाधव विजयी
शिवाजी विद्यापीठ कोल्हापूरच्या अधिसभा सिनेट निवडणुकीत कराडचे अमित जाधव विजयी सातारा : शिवाजी विद्यापीठ, कोल्हापूरची सन 2022 ते 2027 कालावधीसाठी झालेल्या अधिसभा सिनेट निवडणुकीत कराडचे अमित जाधव हे नोंदणीकृत पदवीधर मतदारसंघातून पहिल्या पसंतीची 1701 मते घेऊन मोठ्या फरकाने निवडून आले. या निवडणुकीसाठी दि. 14 नोव्हेंबर रोजी मतदानप्रक्रिया पार पडली होती. सातारा, सांगली, कोल्हापूर जिल्ह्यातील सुमारे 33 मतदान केंद्रावर मतदान झाले. त्यांनतर दि.16 नोव्हेंबरं रोजी मतमोजणीप्रक्रिया घेण्यात आली. सदर निवडणूक ही पसंतिक्रम नोंदवून घेण्यात आले होते त्यामुळे मतमोजणी प्रक्रिया सुमारे 36 तासाहून जास्त वेळ चालली. नोंदणीकृत पदवीधर मतदारसंघात सुमारे 11131 पदवीधरांनी मतदान केले होते. या मतदारसंघातून 10 उमेदवार निवडून द्यायचे होते. त्यापैकी 9 उमेदवार हे डी. वाय. पाटील ग्रुपचे अध्यक्ष मा.डॉ. संजय डी पाटील यांचे अध्यक्षतेखालील विद्यापीठ विकास आघाडीचे निवडून आले. तर विरोधी आघाडीचा फक्त 1 उमेदवार निवडून आला. आजपर्यंत सिनेट अधिसभा निवडणुकीत नेहमीच कोल्हापूर जिल्ह्याचे वर्चस्व दिसून आले आहे परंतु या निवडणुकीत पहिल्यांदाच पदवीधर मतदारसंघातून सातारा आणि सांगली जिल्ह्यातून एकमेव तासवडे, ता.कराड गावचे सुपुत्र अमित जाधव यांना शिवाजी विद्यापीठ विकास आघाडीतर्फे उमेदवारी देण्यात आली होती. इतर सर्व निवडून आलेले 9 उमेदवार हे कोल्हापूर जिल्ह्यातील आहेत. सातारा, सांगली आणी कोल्हापूर असे तीन जिल्ह्यांचे कार्यक्षत्र असल्याने सदर निवडणुकीला विशेष महत्व प्राप्त झाले होते. या तिन्ही जिल्ह्यातील विविध महाविद्यालये या अंतर्गत येतात. विद्यार्थी, पदवीधर, प्राध्यापक, कर्मचारी आणी संस्थांचालक यांना भेडसवणारे प्रश्न, शैक्षणिक धोरण, विद्यापीठ अर्थसंकल्प , परीक्षा आदी महत्वपूर्ण बाबींवर अधिसभा सिनेट मध्ये निर्णय घेण्यात येतात. अमित जाधव हे गेल्या बारा वर्षांपासून कॉंग्रेसच्या विद्यार्थी ( छडणख ) व युवक संघटनेत काम करीत आहेत. सध्या ते सातारा जिल्हा युवक कॉंग्रेसचे कार्याध्यक्ष आहेत. विद्यापीठांतर्गत येणार्या सर्व घटकांचा आवाज बनून मी नक्की अधिसभेत हक्काने प्रश्न उपस्थित करून त्यावर न्याय मिळवून देईन अशी प्रतिक्रिया अमित जाधव यांनी विजयी झालेवर दिली. तसेंच मला सदर ठिकाणी काम करणेची संधी उपलब्ध करून दिली त्याबद्दल महाराष्ट्राचे माजी मुख्यमंत्री मा.आ.पृथ्वीराज चव्हाण, माजी गृहराज्यमंत्री मा.आ.सतेज उर्फ बंटी पाटील साहेब , विद्यापीठ विकास आघाडीचे अध्यक्ष मा.डॉ.संजय डी पाटील साहेब , मा.आ.ऋतुराज पाटील, मा.आ.जयंत आसगावकर यांचे आभार मानले. या विजयाबद्दल त्यांचे महाराष्ट्र प्रदेश युवक कॉंग्रेसचे उपाध्यक्ष शिवराज मोरे, शिवाजी शिक्षण संस्थेचे प्रकाश बापू पाटील, डॉ.डी.आर मोरे सर, भैया माने, धैर्यशील बाबा पाटील, अमित कुलकर्णी, देवराज दादा पाटील, उदयसिंह पाटील, चित्रलेखा ताई कदम, अमरसिंह पाटणकर, निवास थोरात, सचिन बेडके - सूर्यवंशी, संजीव चव्हाण, पृथ्वीराज गोडसे, डॉ.सूर्यकांत केंगार, प्राचार्य एल. जी.जाधव , प्राचार्य मोहन राजमाने आदीनीं अभिनंदन करून शुभेच्छा दिल्या.
मुलाच्या खुनाचा प्रयत्न केल्याप्रकरणी बकासुर गँगवर गुन्हा
येथील प्रतापगंज पेठेत कौतेय कॉम्प्लेक्स समोर रस्त्यावर एका मुलाच्या खुनाचा प्रयत्न करून गर्दी व मारामारी केल्याप्रकरणी बकासुर गँगच्या आठ ते दहा जणांच्या टोळीवर शाहूपुरी पोलीस ठाण्यात गुन्हा दाखल झाला आहे.
शिंदेनगर येथे विहिरीत पडून एकाचा मृत्यू
शिंदेनगर, ता. फलटण गावच्या हद्दीत विहिरीच्या पाण्यात पडून एकाचा मृत्यू झाल्याची नोंद फलटण ग्रामीण पोलीस ठाण्यात झाली आहे.
अपघातात जखमी केल्याप्रकरणी एकावर गुन्हा
दुचाकीस्वाराने दुसऱ्या दुचाकीला धडक देऊन स्वतः जखमी होत निवास मारुती पवार रा. सासपडे, ता. सातारा यांना जखमी केल्याप्रकरणी एकावर बोरगाव पोलीस ठाण्यात गुन्हा दाखल झाला आहे.
ट्रॅक्टरच्या चाकाखाली सापडुन पाच वर्षीय मुलाचा मृत्यू
बोरगाव, ता. सातारा पोलीस ठाण्याच्या हद्दीत ट्रॅक्टरच्या चाकाखाली सापडून गंभीर जखमी झालेल्या पाच वर्षे मुलाचा उपचार सुरू असताना मृत्यू झाल्याची नोंद पोलीस ठाण्यात झाली आहे.
विषारी औषध प्राशन केलेल्या एकाचा मृत्यू
विषारी औषध प्राशन केलेल्या सुर्यवंशीवाडी, ता. पाटण येथील एकाचा कराड येथील कृष्णा हॉस्पिटलमध्ये उपचार सुरू असताना मृत्यू झाला.
पोलीस अधिकारी हणमंत काकंडकी यांना सर्वोच्च न्यायालयाकडून जामीन मंजूर
संशयिताचा पोलीस कोठडीत मृत्यू झाल्याने अटकेत असलेले पोलीस अधिकारी हणमंत काकंडकी यांना सर्वोच्च न्यायालयाने जामीन मंजूर केला आहे.
वाई येथे दुचाकी जाळून चार चाकी वाहनांची तोडफोड करणारी टोळी ताब्यात
वाई, ता. वाई येथे दुचाकी जाळून चारचाकी वाहनांची तोडफोड करणाऱ्या चार जणांच्या टोळीला जेरबंद करण्यात वाई पोलीस ठाण्याच्या पथकाला यश आले. विजय मच्छिंद्र धोत्रे, वय २१, समीर पठाण, वय १९ दोघेही रा. सिद्धनाथवाडी, ता. वाई अशी दोघांची नावे असून दोन अल्पवयीन मुलांचा त्यामध्ये समावेश आहे.
अल्पवयीन मुलीचे अपहरण करणाऱ्याला अटक
भुईंज पोलिसांच्या हद्दीतून अल्पवयीन मुलीचे अपहरण करणाऱ्या एकाला अटक करण्यात भुईंज पोलीस ठाण्याच्या कर्मचाऱ्यांना यश आले. आकाश चंद्रकांत साबळे, वय २४, रा. पळसमंडल, ता. माळशिरस, जि. सोलापूर असे त्याचे नाव आहे.
मोबाइल शॉपी फोडून साहित्य चोरणारी तीन जणांची टोळी जेरबंद
मोबाइल शॉपीची भिंत फोडून आतील साहित्याची चोरी करणारी तीन जणांची टोळी जेरबंद करण्यात कराड पोलीस ठाण्याच्या गुन्हे प्रकटीकरण शाखेच्या पथकाला यश आले. त्यांच्याकडून १ लाख १३ हजार रुपयांचा मुद्देमाल हस्तगत केला.
Local News
Copyright © 2026 esahas.com. All Rights Reserved.