Apr 01, 2026
महाराष्ट्र
सातारा येथुन दुचाकीची चोरी
येथील बसस्थानक परिसरात असणाऱ्या सेव्हन स्टार सिनेमा हॉलच्या पार्किंगमधुन अज्ञात चोरट्याने दुचाकी चोरून नेल्याची तक्रार सातारा शहर पोलीस ठाण्यात दाखल झाली आहे.
म्हातारीच्या पठारावर पवनचक्की साहित्य चोरणारी टोळी जेरबंद
जकीनपेठ, ता. भुदरगड येथील म्हातारीच्या पठारावर बंद स्थितीत असलेल्या पवनचक्कीचे ६८ लाखांचे साहित्य चोरून नेत असताना नऊ जणांना पकडले. त्यांच्याकडील वाहने,मोबाइल असा सुमारे तीन कोटी रुपयांचा मुद्देमाल पोलिसांनी हस्तगत केला. याप्रकरणी नऊ जणांवर गुन्हा दाखल करून अटक करण्यात आली आहे. याप्रकरणी आणखी काही नावे निष्पन्न होण्याची शक्यता व्यक्त केली जात आहे.
बोंडारवाडी धरणासाठी सुवर्णकन्या कादंबरीची धाव
राज्यस्तरीय ॲथलेटीक स्पर्धेत सुवर्णपदक मिळवलेली आसनी गावची सुवर्णकन्या कादंबरी मोहन शेलार ही बोंडारवाडी धरणासाठी रविवार दिनांक २६ डिसेंबर रोजी सकाळी ८ ते १० च्या दरम्यान केळघर- गवडी- मामुर्डी- मेढा दरम्यान अशी धावली. कादंबरीच्या या अभिनव उपक्रमाचे बोंडारवाडी धरण कृती समितीने जाहीर कौतुक केले.
ठोसेघर सोसायटीची निवडणूक बिनविरोध
ठोसेघर, ता. ठोसेघर येथील विविध कार्यकारी सेवा सोसायटीची निवडणूक बिनविरोध होऊन अध्यक्षपदी नामदेव अवकिरकर, उपाध्यक्षपदी दत्ताराम चाळके यांची वर्णी लागली आहे.
३१ डिसेंबर रोजी वनक्षेत्रात पार्टी केल्यास धडक कारवाई : डॉ. निवृत्ती चव्हाण
३१ डिसेंबर रोजी वनविभागाच्या क्षेत्रात कोणी पार्टी करताना आढळून आल्यास घटनास्थळावरील साहित्य हस्तगत करून त्यांच्यावर गुन्हे दाखल करण्यात येणार असल्याचा इशारा सातारा तालुका वनपरिक्षेत्र अधिकारी डॉ. निवृत्ती चव्हाण यांनी एका पत्रकाद्वारे दिला. या दिवशी विशेषता यवतेश्वर, कास, उरमोडी धरण परिसर, ठोसेघर परिसरात दिवस-रात्र गस्त घालण्यात येणार असल्याची माहितीही त्यांनी यावेळी दिली.
वर्धनगड घाटात ट्रॉलीसह ट्रॅक्टर 200 फूट दरीत पडल्याने झालेल्या अपघातात चालक जखमी
काल संध्याकाळी सहा वाजण्याच्या सुमारास उसाने भरलेल्या ट्रॉलीसह ट्रॅक्टर वर्धनगड घाटातील 200 फूट खोलीच्या दरीत पडल्याने झालेल्या अपघातात ट्रॅक्टर चालक जखमी झाला. कोरोगावकडे जाताना वर्धनगड घाटातील दुसऱ्या वळणावर उसाने भरगच्च भरलेल्या या ट्रॅक्टरचा डाव्या बाजूचा ॲक्सल तुटून चालकाचा ताबा सुटल्यामुळे ट्रॉलीसह हा ट्रॅक्टर दरीत पडला. पण चालकाने अवधान दाखवून ट्रॅक्टरमधून उडी मारल्याने तो बचावला.
कण्हेर जवळ अपघातात आठजण जखमी
कण्हेर, ता. सातारा गावच्या हद्दीत छोटा हत्ती टेम्पो पलटी होऊन झालेल्या अपघातात आठ मजूर जखमी झाले. टेम्पो उतारावरून येत असताना चालकाने अचानक ब्रेक मारून नियंत्रण सुटल्याने हा अपघात झाल्याचे सांगण्यात येते.
बळीराजा 1 जानेवारी 2022 हा दिवस काळा दिवस म्हणून साजरा करणार
बळीराजा शेतकरी संघटनेच्या वतीने आझाद मैदान (मुंबई) येथे गुरुवार 23 डिसेंबर रोजी शेतकऱ्यांची गारानी मांडण्यासाठी आंदोलन करण्यात आले. त्याठिकाणी दिवसभर थांबूनही सरकारने शेतकऱ्यांचे गाराने ऐकले नाही. त्यामुळे राज्यातील आघाडी सरकारच्या निषेधार्थ बळीराजा शेतकरी संघटनेच्या वतीने १ जानेवारी २०२२ हा दिवस काळा दिवस म्हणून साजरा करण्यात येणार असल्याची माहिती संघटनेचे केंद्रीय अध्यक्ष पंजाबराव पाटील यांनी प्रसिद्धीपत्रकाद्वारे दिली.
अवैध वाळु उपशा प्रकरणी स्थानिक गुन्हे शाखेची धडक कारवाई
खटाव, ता. खटाव गावच्या हद्दीत अवैध वाळु तस्करांवर धडक कारवाई करत त्यांच्याकडून ६ लाख १४ हजार रुपयांचा मुद्देमाल हस्तगत करण्यात स्थानिक गुन्हे शाखेच्या पथकाला यश आले. याप्रकरणी करण राजेंद्र पाचागणे, कैलास अंकुश गलांडे, ओमकार धनाजी पाटोळे, निलेश बाळु मदने, सर्व रा. खटाव, ता. खटाव यांना ताब्यात घेण्यात आले असून खटाव येथीलच गणेश उर्फ रजनीकांत शंकर शिंदे हा फरार होण्यात यशस्वी झाला आहे.
सातारा येथील भिंतीशिल्पाच्या अनावरण प्रकरणी २१ जणांवर गुन्हे
राजवाडा बसस्थानकांमध्ये दि. २० डिसेंबर रोजी प्रशासनाची परवानगी न घेता भिंती शिल्पाचे अनावरण केल्याप्रकरणी २१ जणांवर शाहुपुरी पोलीस ठाण्यात पुणे दाखल करण्यात आले असून या घटनेच्या अनुषंगाने २८ जणांवर प्रतिबंधात्मक कारवाई करण्यात आली असल्याची माहिती शाहूपुरी पोलीस ठाण्याचे सहाय्यक पोलीस निरीक्षक अभिजीत यादव यांनी दिली.
Local News
Copyright © 2026 esahas.com. All Rights Reserved.