Apr 02, 2026
महाराष्ट्र
कराडात 'झिरो वेस्ट' संकल्पनेतून वाढदिवस साजरा
येथील नगरपालिकेच्या वतीने स्वच्छ सर्वेक्षण 2022 अभियानाचा भाग असलेल्या "झिरो वेस्ट" या उपक्रमांतर्गत नुकताच एक वाढदिवस साजरा करण्यात आला. प्लास्टिक वस्तू, कागद, प्लेट तसेच अन्य वेस्ट न होणाऱ्या वस्तूंना बगल देत हा वाढदिवस साजरा झाला. शहरातील मारुती काटरे मित्र परिवाराने आयोजित केलेल्या छोटेखानी वाढदिवस कार्यक्रमात ‘झिरो वेस्ट’ संकल्पना राबवत जनजागृती करण्यात आली.
भुरकवडी येथे अटल भूजल योजना ग्रामस्तरीय शिबीर संपन्न
केंद्र शासन पुरस्कृत अटल भूजल योजना महाराष्ट्रातील ७ जिल्हयामध्ये राबविली जात असून सातारा जिल्हयातील खटाव, माण व वाई तालुक्याचा समावेश करण्यात आला आहे. सध्या खटाव तालुक्यातून या ग्रामस्तरीय शिबिराचा प्रारंभ झाला झाला असून खटाव तालुक्यातून या योजनेत ३२ गावांचा समावेश करण्यात आला असल्याची माहिती अटल भूजल योजनेचे कनिष्ठ भू वैज्ञानिक एम. एम. गडकरी यांनी भुरकवडी ता. खटाव येथे संपन्न झालेल्या अटल भूजल योजनेच्या शिबीरावेळी दिली.
वर्धनगड येथील महामार्गाचे काम दीर्घकाळानंतर पूर्णावस्थेकडे
वर्धनगड एसटी स्टॉप परिसरातील व वर्धनगड घाटातील अर्धवट अवस्थेतील रस्त्याचे काम या दोन किलोमीटर अंतरामध्ये अनेक लहान मोठ्या अपघातानंतर मेघा प्रायव्हेट कंपनी लिमिटेड यांनी सुरू केले असून पंधरा दिवसांमध्ये रस्ता पूर्ण होण्याची चिन्हे दिसू लागली आहेत.
पोलिसाला जखमी करून पसार झालेल्या सराईतांपैकी एक अटकेत; कराड शहर पोलिसांची कारवाई
कृष्णा कॅनाॅल (कराड) जवळ इनोव्हा कारमधून पळून जाताना पोलिसांसोबत झालेल्या झटापटीत पोलिसाला जखमी करून पसार झालेल्या सराईतांपैकी एकाला पोलिसांनी अटक केली. ओगलेवाडी पोलिसांनी रहिमतपूर येथे ही कारवाई केली.
मालखेडनजीक अज्ञात चोरट्यांनी पोकलॅन चालक व कामगाराला लुबाडले
मालखेड, ता. कराड येथे अज्ञात चोरट्यांनी चाकू व कोयत्याचा धाक दाखवून पोकलॅन मशिनवरील परप्रांतीय चालकासह त्याच्या कामगाराकडून सुमारे 25 हजाराचा ऐवज लंपास केला. शुक्रवारी 7 रोजी पहाटे 3 वाजण्याच्या सुमारास ही घडली. याबाबत पारसनाथ आवधेश कुमार यादव यांनी कराड ग्रामीण पोलिस ठाण्यात फिर्याद दिली असून याप्रकरणी अज्ञात चोरट्यांवर गुन्हा नोंद करण्यात आला आहे.
विवाहितेचा छळ
खटाव तालुक्यातील जाखणगाव येथील विवाहितेचा छळ करत तिच्या चारित्र्यावरुन संशय घेत मारहाण केल्याप्रकरणी सातारा शहर पोलीस ठाण्यात पती, सासू आणि नणंद असा तिघांवर गुन्हा दाखल झाला आहे. महेश अनभुले, अलका अनभुले, रुपम जाधव अशी गुन्हा दाखल झालेल्यांची नावे असून रात्री उशिरापर्यंत यापैकी कोणालाही अटक करण्यात आलेली नव्हती.
महाराष्ट्रीयन कलाकारांवरील अन्याय सहन करणार नाही
महाराष्ट्रच्या बाहेरच्या चॅनेलने आमच्या कलाकारांवर अन्याय केला तर तो आम्ही कदापी सहन करणार नाही, असा इशारा गृहराज्यमंत्री शिवसेना नेते शंभूराज देसाई यांनी अभिनेते किरण माने यांना मूलगी झाली हो या मालिकेतून एका वाहिनीने बेदखल केल्यानंतर दिला आहे. देसाईंनी अभिनेते किरण माने यांनी त्या संदर्भात तक्रार केल्यास निश्चित आम्ही चॅनेलवर कार्यवाहीचे आदेश देऊ, असे स्पष्ट केले.
गृह विलगीकरणातील नागरिकांनी प्रकृतीची माहिती यंत्रणेला कळवावी
रॅपिड ॲन्टेजन चाचणी अथवा होम किटद्वारे पॉझिटिव्ह आलेल्या आणि गृह विलगीकरणातील नागरिकांनी आपल्या प्रकृतीची माहिती आरोग्य यंत्रणेला देण्याचे आवाहन जिल्हाधिकारी शेखर सिंह यांनी केले आहे.
कराड नगरपालिकेच्या विविध स्पर्धांचे निकाल जाहीर
स्वच्छ सर्वेक्षण 2022 अंतर्गत कराड नगरपालिकेच्या वतीने विविध स्पर्धांचे आयोजन करण्यात आले होते. यामध्ये स्वच्छ हॉटेल, हॉस्पिटल, शासकीय कार्यालय, शाळा, मार्केट, स्वच्छ सोसायटी आदींचे मूल्यांकन व गुण प्रदान करून या स्पर्धेचा निकाल जाहीर करण्यात आला. तसेच मान्यवरांच्या हस्ते विजेत्यांचा सत्कार करण्यात आला. तर सहभागी स्पर्धकांना प्रमाणपत्र देऊन सत्कार करण्यात आला.
वडूज मध्ये जम्बो कोविड सेंटर पुन्हा सुरू करण्याची मनसेची मागणी
खटाव तालुक्यातील वडूज मधील अत्याधुनिक जम्बो कोविड सेंटर पुन्हा सुरू करा, अशी मागणी मनसेचे जिल्हा संघटक (स्वयंरोजगार) सुरज लोहार यांनी खटाव तहसिलदार यांचेकडे एका निवेदनाद्वारे केली आहे.
Local News
Copyright © 2026 esahas.com. All Rights Reserved.