Aug 11, 2026
Satara
- First
- Prev
- Next
- Last
- Page 405 of 506
- सातारा शहर
- फलटण
- कराड
- कोरेगाव
- जावळी
- वाई
- खंडाळा
- महाबळेश्वर
- माण
- खटाव
- पाटण
सातारा जिल्हा बँकेची उज्ज्वल परंपरा कायम ठेवण्यासाठी कटिबध्द
सातारा जिल्हा मध्यवर्ती बँकेचे नुतन चेअरमन नितीन पाटील व व्हाईस चेअरमन अनिल देसाई यांनी आधुनिक महाराष्ट्राचे शिल्पकार स्वर्गीय यशवंतराव चव्हाण यांच्या येथील समाधी पुष्पचक्र अर्पण करून अभिवादन केले. यशवंतराव चव्हाण यांच्या समाधीस्थळी नतमस्तक होऊन जिल्हा बँकेच्या उज्ज्वल परंपरेची घोडदौड कायम ठेवून बँक यशाच्या उच्च शिखरावर नेण्याची ग्वाही नुतन चेअरमन नितीन पाटील व व्हाईस चेअरमन अनिल देसाई यांनी यावेळी दिली.
जिल्हा प्रशासनाला विजय दिवसाचा विसर
देशभरात 16 डिसेंबर हा विजय दिवस म्हणून साजरा केला जातो. 1971 साली पाकिस्तान बरोबर झालेल्या युद्धाला 16 डिसेंबर 2021 रोजी 50 वर्षे पूर्ण होत आहेत. असे असताना संपूर्ण देशभरात सुमारे 15 दिवसांपासूनच स्थानिक जिल्हा प्रशासनाकडून विजय दिवस साजरा करुन वीरगती प्राप्त झालेल्या सैनिकांना मरणोत्तर पुरस्कार देवून गौरविण्यात येत आहे. मात्र सातारा प्रशासनाकडून असे घडताना दिसत नसल्यामुळे 16 डिसेंबर पूर्वी सैनिकांचा सन्मान न झाल्यास जिल्हाधिकारी कार्यालयासमोर आंदोलन करणार असल्याचा इशारा माजी सैनिक ऍड. विनित पाटील यांनी दिला आहे.
अनैसर्गिक कृत्य करण्याच्या उद्देशाने 5 वर्षांच्या अल्पवयीन मुलाचा खून
म्हसवे, ता. सातारा येथील एका घरात अनैसर्गिक कृत्य करण्याच्या उद्देशाने 5 वर्षांच्या अल्पवयीन मुलाचा खून झाल्याची घटना घडली. या गुन्ह्याची उकल स्थानिक गुन्हे शाखेच्या पथकाने दोन तासात केली असून या गुन्ह्यातील एका अल्पवयीन मुलास ताब्यात घेण्यात आले आहे.
ई - चलन भरले नाही तर वाहन जाईल काळ्या यादीत
महामार्गावर वाहन चालवताना वाहतूक नियमांचा भंग केल्यास दंडात्मक कारवाई करून वाहनधारकांना ऑनलाइन ई - चलन पाठविण्यात येते. मात्र बहुतांशी वाहनधारक ई - चलन मिळूनही दंडाची रक्कम भरण्यास टाळाटाळ करतात. अशा वाहनांचा समावेश काळ्या यादीत केला जाणार असून वाहनधारकांनी महाट्रॅफिक ॲपद्वारे आपल्या वाहनावर ई - चलनाद्वारे दंड किंवा आपले वाहन काळ या यादीत टाकण्यात आलेले आहे का ? याची खात्री करणे गरजेचे आहे. वाहनधारकांनी आपल्या वाहनावर ई - चलनाद्वारे दंड आकारला गेला असल्यास सदरचा दंड वेळेत भरून आपले वाहन काळ्या यादीत जाणार नाही, याची दक्षता घेण्याचे आवाहन भुईंज (जोशीविहीर) येथील महामार्ग पोलीस केंद्राचे सहाय्यक पोलीस निरीक्षक दत्तात्रय गुरव यांनी ' साहस वार्ता ' शी बोलताना केले.
सात वर्षांच्या वर्धिशने सर केला गिरनार पर्वत
सदाशिव ट्रेकिंग ग्रुपचा ज्युनियर सदस्य वर्धिश विजय लिगाडे याने गिरनार पर्वत सर केला. सदाशिव ट्रेकिंग ग्रुपच्या सोळा सदस्यांनी गिरनार ट्रेक यशस्वीरित्या पूर्ण केला आहे. यामध्ये सर्वात तरुण (लहान) सदस्य वर्धिश विजय लिगाडे (वय ७ वर्ष), कृष्णा इंग्लिश मिडियम स्कूल, मलकापूरचा वरिष्ठ गट, तुकडी - अ चा विद्यार्थी आहे. वर्धिशने गिरनार डोंगररांगाच्या 9 हजार 999 पायऱ्या ५.३० तासात चालत पूर्ण केल्या. त्यामुळे त्यांचे सर्वस्तरातून अभिनंदन होत आहे.
गोडोली ते शिवराज पेट्रोल पंप रस्ता लवकरच होणार चारपदरी
शिवराज पेट्रोल पंपापासून गोडोलीकडे येणारा मार्ग हा सातारा शहरात कोल्हापूरकडून प्रवेश करण्याचा महत्वाचा मार्ग आहे. सातारा शहराच्या आसपासच्या पर्यटनाच्या दृष्टीने सातारा शहराला अनन्यसाधारण महत्व आहे. हे महत्व आणि गरज विचारात घेवून, सी. आर. एफ फंडामधून गोडोली ते शिवराज पेट्रोल पंप अखेरचा रस्ता चारपदरी करणे आणि सुधारणे या कामासाठी रुपये 10 कोटींचा प्रस्ताव केंद्रीय रस्ते वाहतूक मंत्री ना. नितिन गडकरी यांच्याकडे पाठविला आहे. लवकरच या रस्त्याला सी. आर. एफ मधून मंजूरी मिळेल, अशी माहिती खासदार श्रीमंत छत्रपती उदयनराजे भोसले यांनी दिली.
शिवप्रतापदिनी कलम 144 लागू
महाबळेश्वर तालुक्यामध्ये 10 डिसेंबर रोजी शिवप्रताप दिन उत्सव साजरा होणार असून त्याउद्देषाने नागरिक एकत्र येण्याची शक्यता असून त्यामुळे कोरोना विषाणूंचा प्रादुर्भाव वाढण्याची शक्यता नाकारता येत नाही. कोरोना विषाणूंचा प्रादुर्भाव रोखण्याकामी यावर्षी साजरा करण्यात येणार शिवप्रताप दिन अत्यंत साध्या पध्दतीने व शासनाने वेळोवेळी दिलेले नियमांचे तसेच सोशल डिस्टन्सिंगचे पालन करुन पार पाडणे आवश्यक असल्याने महाबळेश्वर च्या तहसिलदार तथा तालुका कार्यकारी दंडाधिकारी सुषमा पाटील यांनी क्रिमिनल प्रोसिजर कोड १९७३ चे कलम १४४ मधील तरतूदीनुसार आदेश जारी केले आहेत.
‘त्या’ दोन परदेशी भामट्यांचा कोल्हापूरातही प्रताप
मलकापूर, ता. कराड येथे बनावट एटीएम कार्डद्वारे बँकेच्या एटीएममधून नागरीकांच्या परस्पर त्यांच्या खात्यातून दोन परदेशी नागरिकांनी पैसे काढल्याची घटना घडली होती. आता याच परदेशी भामट्यांनी कोल्हापूरलाही बनावट एटीएमद्वारे नागरीकांच्या खात्यातून परस्पर पैसे काढल्याचा प्रताप समोर आला आहे.
भरधाव कारने दिलेल्या धडकेत दुचाकीस्वार जखमी
यवतेश्वर, ता. सातारा येथे भरधाव कारने दिलेल्या धडकेत दुचाकीस्वार जखमी झाला. हा अपघात दि. ५ रोजी सायंकाळी साडेसात वाजता यवतेश्वर गावच्या हद्दीतील झाला. याप्रकरणी सातारा तालुका पोलीस ठाण्यात एकावर गुन्हा दाखल झाला आहे.
वाई हत्याकांड; ज्योती मांढरे हिचा उलटतपास पूर्ण
वाई हत्याकांड सुनावणीमध्ये मंगल जेधे खून प्रकरणातील माफीचा साक्षीदार असलेल्या ज्योती मांढरे हिचा उलटतपास पूर्ण झाला असून आता उर्वरीत साक्षी, पुरावे घेतले जाणार आहेत. तसेच सलमा शेख प्रकरणात ज्योतीच्या उलट साक्षीला सुरुवात करावी, असे आदेश कोर्टाने बचाव पक्षाला दिले. दरम्यान, या खटल्याची पुढील सुनावणी दि. 20 डिसेंबर रोजी होणार आहे.
Local News
Copyright © 2026 esahas.com. All Rights Reserved.