उंब्रजमध्ये शाळेत जाणाऱ्या अल्पवयीन मुलीस त्रास देणाऱ्या एका रोडरोमिओला पोलिसांनी चांगलाच धडा शिकवला आहे. या रोडरोमिओची तक्रार मिळताच दोन तासात उंब्रज पोलिसांनी उचलबांगडी केली.
जिजामातानगर, ता. कराड येथील प्राथमिक शाळेत पर्यावरणपूरक आकाशकंदील तयार करण्याची ऑनलाईन कार्यशाळा संपन्न झाली. टाकाऊ पासून टिकाऊ या पद्धतीचे हे आकाशकंदील विद्यार्थ्यांनी स्वतः घरी तयार केले. यामध्ये सर्व इयत्तांचे सर्व विद्यार्थी ऑनलाईन स्वरूपात सहभागी झाले होते. सदर, कार्यशाळेत बनवलेले आकाशकंदील शाळेत जमा करण्यात आले.
प्रधानमंत्री आवास योजनेअंतर्गत मलकापूर नगरपालिकेने आर्थिक दृष्ट्या दुर्बल घटकांना वैयक्तिक घरकुलांसाठी निधीची मागणी केली होती. त्यानुसार मंजूर 203 पैकी 112 घरकुलांसाठी केंद्र शासनाकडून 55.20 लाख रुपयांचा पहिला हप्ता प्राप्त झाला. मात्र, उर्वरित 249.30 लाख रुपयांचा निधी मिळाला नसल्याने लाभार्थींच्या घरकुलांची कामे अपुर्ण राहिली आहे.
सध्या दिवाळी सणाच्या खरेदीसाठी बाजारपेठेत मोठ्या प्रमाणावर गर्दी होत आहे. त्यामुळे यामध्ये दुकानदार, व्यापाऱ्यांनी ५० मायक्रोन पेक्षा कमी प्रतीच्या प्लास्टिकचा वापर करू नये, अशा सूचना नगरपालिकेच्या आरोग्य विभागाच्या पथकाकडून देण्यात आल्या आहेत. तसेच अशा प्लास्टिकची विक्रीही करण्यावर बंदी घालण्यात आली आहे.
गोंदी, ता. कराड येथील एका सेवानिवृत्त वैद्यकीय अधिकाऱ्याला सुमारे दीड लाखांचा ऑनलाईन गंडा घातल्याचा प्रकार घडला आहे. बँकेचे अॅप्लिकेशन बंद पडल्याची सबब सांगून त्यांच्या खात्याची माहिती घेऊन चोरट्याने फसवणूक केली आहे.
सध्या दिवाळी सणाच्या खरेदीसाठी मोठ्या प्रमाणावर लोक बाहेर पडत आहेत. मात्र, कोरोना अद्यापही पूर्णपणे गेलेला नसून नागरिक बिनधास्तपणे वावरत आहेत. शिवाय, मास्कचाही वापर करताना दिसून येत नाही. त्यामुळे कोरोनाचा प्रादुर्भाव वाढण्याचा धोका संभवत असल्याने नगरपालिकेकडून शहरातील बाजारपेठेसह शहरातील मुख्य रस्ते सॅनिटायझ करून घेण्यात येत आहेत.
येथील भारतीय स्टेट बँक, कराड ट्रेझरी शाखेत शेतकरी व पेन्शन धारकांना खूप त्रासाला सामोरे जावे लागत आहे. येथील अधिकारी व कर्मचारी पेन्शन धारकांशी उद्धट वागत असून बँकेचे वाचमनही पेन्शन धारक व शेतकऱ्यांना ढकलून बाहेर काढतात. बँकेतील अधिकाऱ्यांची मनमानी सुरु आहे.
उंब्रज, ता. कराड येथे पुणे- बंगळूर राष्ट्रीय महामार्गावर कराड तालुक्यातील उंब्रज येथे दुचाकी व चारचाकीचा भीषण अपघात झाला. यामध्ये एकजण जागीच ठार झाला. तर एकजण गंभीर जखमी झाला आहे. रविवारी 31 रोजी सकाळी 7 वाजण्याच्या सुमारास हा अपघात झाला.
बळीराजा शेतकरी संघटनेच्या वतीने विविध पदाधिकाऱ्यांच्या निवडी संपन्न झाला. यामध्ये युवा तालुकाध्यक्षपदी मयूर चव्हाण, तर युवा तालुका उपाध्यक्षपदी शिवम पाटील, कराड तालुका उपाध्यक्षपदी अमर पाटील यांची निवड करण्यात आली आहे.
येथील नगरपालिकेच्या वतीने माझी वसुंधरा अभियान आणि "स्वच्छ सर्वेक्षण 2022" अंतर्गत सिंगल युज प्लास्टिक आणि 6 कंपार्टमेंट याबाबत प्रभाग क्रमांक 1 व 3 मध्ये मिटींग घेण्यात आली. तसेच 75 मायक्रोन पेक्षा कमी प्रतीच्या प्लास्टिकचा वापर टाळण्यासाठी कराड शहरातील नागरिकांमध्ये प्रबोधन करण्यात आले.