Apr 02, 2026
महाराष्ट्र
अवैध दारु वाहतूक प्रकरणी दोघे ताब्यात
कराड व परिसरात शहर पोलिसांनी 31 डिसेंबरच्या पार्श्वभूमीवर अवैध दारु वाहतूक व विक्री रोखण्यासाठी राज्य उत्पादन शुल्क कराड विभागाच्या पथकाने कारवाई मोहीम सुरू केली. त्यानुसार शुक्रवार दि. 31 रोजी सकाळी उत्पादन शुल्कच्या पथकाने मलकापूर व चचेगाव येथे कारवाई करत दारुच्या बाटल्यांसह सुमारे दोन लाखांचा मुद्देमाल जप्त केला. तसेच या कारवाईत दोघांना ताब्यात घेण्यात आले आहे.
कराडात जनावरांची बेकायदा वाहतूक करणाऱ्या दोन टेम्पोवर कारवाई
जनावरांची बेकायदा वाहतूक करणारे दोन टेम्पो अडवून पोलिसांनी चाळीस म्हैशी व अकरा रेडकांची सुटका केली. तसेच टेम्पोच्या दोन चालकांवर कराड शहर पोलीस ठाण्यात गुन्हा दाखल करण्यात आला. गुरूवार दि.२९ रोजी सकाळी ११ वाजण्याच्या सुमारास ही कारवाई करण्यात आली.
पोवई नाक्यावरील भाडेकरूंची नोंद करण्यास राजकीय मनाई
सातारा पालिकेच्या महसुलाला राजकीय दबावातून गळती लावण्यात काही शुक्राचार्य धन्यता मानतं आहे. पोवई नाक्यावरील एका बड्या धेंडांच्या थकबाकी वसुली बाबत पालिकेची प्रचंड चालढकल सुरु असून त्या व्यावसायिकाने ठेवलेले भाडेकरूंची नोंद पाहणी पत्रकावर आणले जाऊ नये यासाठी राजकीय दबाव आणला जात आहे. ऐन निवडणुकीच्या तोंडावर हे प्रकरणं दडपण्याचा जोरदार आटापिटा सुरु असून या राजकीय पाट्यामध्ये पालिका कर्मचारी मात्र विनाकारण पिसले जात आहेत.
महात्मा फुले जनआरोग्य योजनेचा जिल्हाधिकारी शेखर सिंह यांनी घेतला आढावा
महात्मा फुले जनआरोग्य योजना एकत्रित आयुष्यमान भारत योजना जिल्ह्यातील 5 शासकीय व 21 खाजगी असे एकूण 26 रुग्णालयामध्ये राबविण्यात येत आहे. आतापर्यंत या योजनेंतर्गत 11 हजार 900 पेक्षा जास्त कोविड-19 रुग्णांना उपचाराचा मोफत लाभ देण्यात आला आहे. तर महात्मा फुले जनआरोग्य योजनेंतर्गत 996 आजार व प्रधानमंत्री जनआरोग्य योजनेंतर्गत 231 असे एकूण 1209 आजारांवर उपचार केले जातात. याबाबतचा सविस्तर आढावा जिल्हाधिकारी शेखर सिंह यांनी घेतला.
कराड ही शूर-विरांची भूमी : लेफ्टनंट राघवेंद्र सिंह शेखावत
कराड शहरासह परिसराला मोठी ऐतिहासिक व भौगोलिक पार्श्वभूमी आहे. या भूमीने अनेक शूर, वीर योद्धे दिले असून कराड ही खऱ्या अर्थाने शूर-विरांची भूमी आहे. मी मराठा बटालियनमध्ये कार्यरत असून या पवित्र भूमीत आल्याचा मला सार्थ अभिमान आहे. शूर-विरांच्या या पवित्र भूमीला मी आदरपूर्वक सॅल्युट करतो, असे गौरवोद्गार ७ मराठा लाईफ इन्फट्री बटालियनचे लेफ्टनंट राघवेंद्र सिंह शेखावत यांनी काढले.
कलाशिक्षकाच्या काव्य चित्रांची इंडिया बुकमध्ये नोंद
विंग, ता. कराड येथील कलाशिक्षक बाबासाहेब पवार यांनी कोरोनाचा विद्यार्थ्यांच्या शैक्षणिक जीवनावर झालेला परीणाम काव्य चित्रांद्वारे जगासमोर मांडला आहे. त्यांनी "बागुलबुवा" या काव्य-चित्र शुभेच्छा पत्राद्वारे विविध संदेश दिले असून या काव्य चित्रांची नोंद 'इंडिया बुक ऑफ' रेकॉर्डमध्ये घेण्यात आली आहे.
शेतकरी सन्मान निधीचा दहावा हप्ता उद्या शेतकऱ्यांच्या बँक खात्यात जमा होणार
पंतप्रधान शेतकरी सन्मान निधीचा दहावा हप्ता शनिवार १ जानेवारी २०२२ रोजी शेतकऱ्यांच्या थेट बँक खात्यात जमा होणार आहे. या निमित्ताने पंतप्रधान नरेंद्र मोदी हे या योजनेच्या १० कोटी लाभार्थ्यांशी संवाद साधणार आहेत, अशी माहिती भारतीय जनता पार्टीचे जिल्हाध्यक्ष पावसकर यांनी प्रसिद्धी पत्रकाद्वारे दिली आहे.
ओमायक्रॉनच्या रुग्णांसाठी जिल्हा रुग्णालयाची तयारी
परदेशातून आलेल्या नागरिकांमध्ये ओमिक्रॉनचे 6 रुग्ण जिल्ह्यात आढळल्यामुळे आरोग्य विभाग सतर्क झाला. त्याचाच एक भाग म्हणून नव्या व्हायरसने बाधित झालेल्यांवर उपचारासाठी जिल्हा रुग्णालयातील एक आयसीयू वॉर्ड राखीव ठेवण्यात आला आहे.
छत्रपती शाहू महाराजांच्या स्मारकासह संशोधन केंद्र साताऱ्यात व्हावे
छत्रपती धर्मवीर संभाजी महाराज याचे भव्य स्मारक वढू तुळापूर येथे करण्याची घोषणा राज्य सरकारने केली त्याबद्दल त्यांचे स्मारक त्यांच्या कर्तृत्वाला शोभेल साजेसे असे करावे, याशिवाय शंभूपुत्र आणि संपूर्ण भारतभर मराठा साम्राज्याची पताका फडकविणारे चौथे छत्रपती शाहू महाराज यांचेही भव्य स्मारक पुणे येथे शनिवारवाडा आणि साताऱ्यात संशोधन केंद्र व्हावे, अशी मागणी श्रमिक मुक्ती दलाचे नेते डॉ. भारत पाटणकर यांनी पत्रकार परिषदेत केली.
पीडित मुलीच्या कुटुंबीयांना पन्नास लाखांची मदत करावी
पाटण तालुक्यामध्ये अल्पवयीन मुलीवर अत्याचार करून तिचा निर्घुण खून करणाऱ्या नराधमाला फाशीची शिक्षा द्यावी तसेच संबंधित मुलीच्या कुटुंबीयांना पन्नास लाखांची मदत करण्यात यावी, अशी मागणी मानव सुरक्षा सेवा संघाच्यावतीने पोलिस अधीक्षकांकडे करण्यात आली आहे.
Local News
Copyright © 2026 esahas.com. All Rights Reserved.