Feb 06, 2026
महाराष्ट्र
वाट कशाची पाहता? कामाला लागा
नगरपालिकेच्या निवडणुकीमध्ये प्रचाराची ज्या पद्धतीने आधीच तयारी करता, तशीच तयारी करून वाट न पाहता लोकसभा निवडणुकीच्या प्रचारासाठी कामाला लागा, अशा सूचना आमदार शिवेंद्रसिंहराजे भोसले यांनी सातारा शहरातील सातारा विकास आघाडी, नगर विकास आघाडी व भाजपच्या आजी माजी पदाधिकार्यांना केल्या.
उदयनराजे यांनी घेतले वाईच्या महागणपतीचे दर्शन
खासदार उदयनराजे भोसले यांनी वाई शहरात प्रचार फेरी काढण्यापूर्वी घाटावरील महागणपतीचे दर्शन घेतले.
लोटांगण घालणाऱ्या सोंगाड्यांना भूलू नका
देशाला पुन्हा अधोगतीच्या मार्गावर नेण्यासाठी काँग्रेस व त्यांचे मित्र पक्षाचे नेते अंगात सोंग आणून तुमच्यापुढे लोटांगण घालतील, अशा सोंगाड्यांच्या थापांना भुलू नका, असे जाहीर आवाहन खासदार उदयनराजे भोसले यांनी केले.
उदयनराजे यांनी केली पंतप्रधान मोदी यांच्या कराडमधील सभास्थळाची पाहणी
पंतप्रधान नरेंद्र मोदी यांची 30 एप्रिल रोजी ता. कराड येथे जाहीर सभा होणार आहे. या सभेच्या जागेची पाहणी उदयनराजे भोसले यांनी केली.
उदयनराजेंना विक्रमी मतदाधिक्क्याने निवडून आणण्यासाठी सर्वतोपरी प्रयत्न करणार
सातारा लोकसभा मतदार संघाचे महायुतीमधील भाजप चे अधिकृत उमेदवार श्री.छ. उदयनराजे भोसले यांना राज्यातीलच नव्हे तर देशातील सर्वाधिक विक्रमी मतदाधिक्क्याने निवडून आणण्याचा निर्धार महाराष्ट्र नवनिर्माण सेनेचे सातारा जिल्हाध्यक्ष युवराज पवार यांनी केला आहे.
सातारा ‘आप’ने राबविलेला उपक्रम प्रेरणादायक : मनिष लाहोटी
आम आदमी पार्टी सातारा जिल्ह्याच्या वतीने देशाचा 75 वा प्रजासत्ताक दिन आम आदमी पार्टी करंजे कार्यालयात सामाजिक उपक्रमाने साजरा करण्यात आला. यावेळी सातारा नगरपालिकेतील ज्येष्ठ सफाई कामगार महिलांना साडी, नारळ व आम आदमी पक्षाचे चिन्ह झाडू देऊन त्यांचा हृद्य सत्कार करण्यात आला. मनिष लाहोटी याच्या हस्ते ध्वजारोहण करण्यात आले. त्यावेळी लाहोटी म्हणाले, आम आदमी पक्षाने राबविलेला हा उपक्रम निश्चित स्तुत्य आहे. सातारा जिल्हा आम आदमी पक्षाचे कार्यकर्ते सामाजिक कामासाठी झटताना दिसत असतात. समाजाभिमुख राबविलेला हा उपक्रम अनेकांना प्रेरणा देणारा आहे.
महामार्गावर कारवाईत 25 लाखांचा गुटख्यासह दोघे ताब्यात
कारला कट मारणे पडले महागात, गुटख्याची झाली पोलखोल.. सातार्यातील सामाजिक कार्यकर्ते सरदार उर्फ सागर भोगावकर तसेच त्यांच्या सोबत मारूती जानकर ,निवृत्ती शिंदे व रतन पाटील हे हुंदाई कारने सातार्याला येत होते. त्याच वेळी या घटनेतील टेंपो चालकाने त्यांच्या कारला कट मारला. पुढे भोगावकरांनी गाडी अडवुन चालकाला विचारणा केली. त्याच दरम्यान त्यांना टेंपोतील मालाबाबत संशय आला. याची विचारणाही त्यांनी चालकास केली. त्यावेळी त्याने गुटखा असल्याचे सांगितले . त्यांनी तात्काळ जागरूकता दाखवुन एस. पी. समीर शेख यांना कळविल्यानेच एवढया मोठ्या प्रमाणात गुटखा वाहतुक उघडकीस आली.
साताऱ्यातील वैद्यकीय व्यावसायिकाचे ठोसेघर परिसरात अतिक्रमण
साताऱ्यातील वैद्यकीय व्यावसायिकाचे ठोसेघर परिसरात अतिक्रमण माजी नगरसेवक सोमनाथ पवार यांचा उपोषणाचा इशारा सातारा : सातारा शहरातील प्रसिद्ध डॉक्टर विकास घाडगे यांनी व्याघ्र प्रकल्पातील संवेदनशील ठोसेघर परिसरात दोन हेक्टर जागेवर बेकायदेशीररित्या बंगल्याचे बांधकाम केले आहे. या संदर्भात वारंवार पाठपुरावा करूनही कोणतीही कारवाई केली जात नाही. हे बांधकाम तातडीने जमीनदोस्त करावे, अन्यथा येत्या 12 डिसेंबर पासून जिल्हाधिकारी कार्यालयासमोर बेमुदत उपोषण सुरू करण्यात येईल, असा इशारा मीरा-भाईंदर महानगरपालिकेचे माजी नगरसेवक सोमनाथ बळवंत पवार यांनी पत्रकार परिषदेत दिला आहे पवार पुढे म्हणाले, ठोसेघर गट नंबर 183 येथे डॉक्टर विकास घाडगे व मेघा गाडगे यांनी सदर जागेत बंगल्याचे अनधिकृत बांधकाम केले आहे. ग्रामपंचायत ठोसेघर यांनी कोणत्याही प्रकारची बांधकाम परवानगी दिलेली नाही. याबाबत मंडल अधिकारी व ग्रामसेवक यांनी तसा अहवाल दिलेला आहे ग्रामपंचायत मध्ये मालमत्ता क्रमांक 412 अन्वये या मालमत्तेची नोंद झालेली आहे, मात्र ती चुकीची आहे. ठोसेघर परिसर हा व्याघ्र प्रकल्पातील बफर झोन असून येथे कोणतेही बांधकाम करता येत नाही. आमची तक्रार तहसीलदाराकडे दाखल झाल्यानंतर डॉक्टर घाडगे यांनी सदर बांधकामास परवानगी मिळावी म्हणून पत्राद्वारे परवानगी मागितली आहे. सदर बांधकामावर व बांधकाम करणाऱ्या व्यक्तीवर येत्या 10 दिवसात योग्य ती कारवाई झाली नाही तर दिनांक 12 डिसेंबर पासून सकाळी 11 वाजता जिल्हाधिकारी कार्यालय बाहेर उपोषणाला बसणार असल्याचा इशारा सोमनाथ पवार यांनी दिलेला आहे. ठोसेघर परिसर संवेदनशील क्षेत्र असताना तेथे घाडगे यांच्या बांधकामाबरोबर अनेक बांधकामे बेकायदेशीररित्या सुरू आहेत. या संदर्भात संपूर्ण माहिती गोळा करून त्या विरोधातही न्यायालयात याचिका दाखल करणार असल्याचा इशारा पवार यांनी दिला आहे.
महिलेवर अत्याचार केल्याप्रकरणी एकाविरोधात गुन्हा
महिलेवर वेळोवेळी अत्याचार करुन तिचे अश्लील फोटो काढून ते व्हॉटसअपवर व्हायरल केल्याप्रकरणी दोघांविरुध्द सातारा तालुका पोलीस ठाण्यात गुन्हा दाखल झाला आहे. ही घटना ऑगस्ट 2017 पासून वेळोवेळी घडली असल्याचे तक्रारीत म्हटले आहे.
मारहाण प्रकरणी परस्पर विरोधी तक्रारी
देवकरवाडी ता.सातारा येथे दोन गटात झालेल्या मारहाण प्रकरणी सातारा तालुका पोलीस ठाण्यात परस्पर विरोधी तक्रारी दाखल झाल्या आहेत.
Local News
Copyright © 2026 esahas.com. All Rights Reserved.