Mar 25, 2026
महाराष्ट्र
साताऱ्यातील वैद्यकीय व्यावसायिकाचे ठोसेघर परिसरात अतिक्रमण
साताऱ्यातील वैद्यकीय व्यावसायिकाचे ठोसेघर परिसरात अतिक्रमण माजी नगरसेवक सोमनाथ पवार यांचा उपोषणाचा इशारा सातारा : सातारा शहरातील प्रसिद्ध डॉक्टर विकास घाडगे यांनी व्याघ्र प्रकल्पातील संवेदनशील ठोसेघर परिसरात दोन हेक्टर जागेवर बेकायदेशीररित्या बंगल्याचे बांधकाम केले आहे. या संदर्भात वारंवार पाठपुरावा करूनही कोणतीही कारवाई केली जात नाही. हे बांधकाम तातडीने जमीनदोस्त करावे, अन्यथा येत्या 12 डिसेंबर पासून जिल्हाधिकारी कार्यालयासमोर बेमुदत उपोषण सुरू करण्यात येईल, असा इशारा मीरा-भाईंदर महानगरपालिकेचे माजी नगरसेवक सोमनाथ बळवंत पवार यांनी पत्रकार परिषदेत दिला आहे पवार पुढे म्हणाले, ठोसेघर गट नंबर 183 येथे डॉक्टर विकास घाडगे व मेघा गाडगे यांनी सदर जागेत बंगल्याचे अनधिकृत बांधकाम केले आहे. ग्रामपंचायत ठोसेघर यांनी कोणत्याही प्रकारची बांधकाम परवानगी दिलेली नाही. याबाबत मंडल अधिकारी व ग्रामसेवक यांनी तसा अहवाल दिलेला आहे ग्रामपंचायत मध्ये मालमत्ता क्रमांक 412 अन्वये या मालमत्तेची नोंद झालेली आहे, मात्र ती चुकीची आहे. ठोसेघर परिसर हा व्याघ्र प्रकल्पातील बफर झोन असून येथे कोणतेही बांधकाम करता येत नाही. आमची तक्रार तहसीलदाराकडे दाखल झाल्यानंतर डॉक्टर घाडगे यांनी सदर बांधकामास परवानगी मिळावी म्हणून पत्राद्वारे परवानगी मागितली आहे. सदर बांधकामावर व बांधकाम करणाऱ्या व्यक्तीवर येत्या 10 दिवसात योग्य ती कारवाई झाली नाही तर दिनांक 12 डिसेंबर पासून सकाळी 11 वाजता जिल्हाधिकारी कार्यालय बाहेर उपोषणाला बसणार असल्याचा इशारा सोमनाथ पवार यांनी दिलेला आहे. ठोसेघर परिसर संवेदनशील क्षेत्र असताना तेथे घाडगे यांच्या बांधकामाबरोबर अनेक बांधकामे बेकायदेशीररित्या सुरू आहेत. या संदर्भात संपूर्ण माहिती गोळा करून त्या विरोधातही न्यायालयात याचिका दाखल करणार असल्याचा इशारा पवार यांनी दिला आहे.
महिलेवर अत्याचार केल्याप्रकरणी एकाविरोधात गुन्हा
महिलेवर वेळोवेळी अत्याचार करुन तिचे अश्लील फोटो काढून ते व्हॉटसअपवर व्हायरल केल्याप्रकरणी दोघांविरुध्द सातारा तालुका पोलीस ठाण्यात गुन्हा दाखल झाला आहे. ही घटना ऑगस्ट 2017 पासून वेळोवेळी घडली असल्याचे तक्रारीत म्हटले आहे.
मारहाण प्रकरणी परस्पर विरोधी तक्रारी
देवकरवाडी ता.सातारा येथे दोन गटात झालेल्या मारहाण प्रकरणी सातारा तालुका पोलीस ठाण्यात परस्पर विरोधी तक्रारी दाखल झाल्या आहेत.
बेकायदा दारु विक्री प्रकरणी एकावर कारवाई
बेकायदा दारु विक्री प्रकरणी सातारा तालुका पोलिसांनी एकावर कारवाई केली आहे.
अज्ञातांकडून वृद्धाची सुमारे 80 हजारांची फसवणूक
वृद्धाची सुमारे 80 हजारांची फसवणूक केल्याप्रकरणी दोन अज्ञातांवर शाहूपुरी पोलीस ठाण्यात गुन्हा दाखल करण्यात आला आहे.
जेसीबीने दुकानाची तोडफोड केल्याप्रकरणी तिघांविरोधात गुन्हा
जेसीबीने दुकानाची तोडफोड केल्याप्रकरणी तिघांविरोधात सातारा शहर पोलीस ठाण्यात गुन्हा दाखल झाला आहे.
दागिन्याची चोरी
घरातून दागिन्याची अज्ञाताने चोरी केल्याची फिर्याद सातारा शहर पोलीस ठाण्यात दाखल करण्यात आली आहे.
मराठी पाट्यांवरून मनसे पुन्हा आक्रमक; महामार्गावरील काही दुकानांच्या पाट्यांना फासले काळे
महाराष्ट्र नवनिर्माण सेनेच्या वतीने सातारा शहरातील महामार्गावरील काही इंग्रजी पाट्या लावलेल्या दुकानांना मराठी नावांच्या मुद्द्यावरून पुन्हा काळे फासण्यात आले. हॉटेल प्रीती एक्झिक्युटीव्ह परिसरातील काही दुकानांवर तडक काळे फासण्याची कारवाई सुरू झाल्याने काही काळ गोंधळाचे वातावरण निर्माण झाले होते.
स्वस्त धान्य दुकानदारांचे साताऱ्यामध्ये धरणे आंदोलन
अखिल महाराष्ट्र राज्य स्वस्त धान्य दुकानदार व केरोसीन परवानाधारक महासंघ यांच्या वतीने सातारा जिल्ह्यातील स्वस्त धान्य दुकानदारांचे एक दिवसीय धरणे आंदोलन सातारा जिल्हाधिकारी कार्यालयावर करण्यात आले. आंदोलनकर्त्यांनी यावेळी जोरदार घोषणाबाजी केली.
धनगर आरक्षणासाठी खंडाळ्यात महामार्ग रोखला; पुणे-साताऱ्याकडे पंधरा किमीच्या रांगा
धनगर आरक्षणासाठी खंडाळ्यात काल पुणे-बंगळूर महामार्ग रोको करण्यात आला. त्यामुळे पुणे आणि सातारा बाजूकडे पंधरा किलोमीटर वाहनांच्या रांगा लागल्या. वाहतूक मागील अडीच तासापासून ठप्प झाली. धनगर आरक्षणासाठी समाजाच्या वतीने महामार्ग रोखण्याचा इशारा देण्यात आला होता. त्याप्रमाणे खंडाळा येथे रास्ता रोको करण्यात आला.
Local News
Copyright © 2026 esahas.com. All Rights Reserved.