'माझी शिफारस नसल्यामुळेच शिवेंद्रराजे अध्यक्ष होऊ शकले नाहीत'

सातारा जिल्हा बँकेच्या अध्यक्षपदासाठी राष्ट्रवादीने नितीन जाधव पाटील यांच्या नावावर शिक्कामोर्तब करत भाजप आमदार शिवेंद्रराजे भोसले यांना शह दिला. जिल्हा बँकेचं अध्यक्षपद मिळावं यासाठी शिवेंद्रराजेंनी राष्ट्रवादीचे अध्यक्ष शरद पवार यांची भेटही घेतली होती. मात्र शिवेंद्रराजेंची रणनीती अयशस्वी झाली आणि राष्ट्रवादीने आपल्याच पक्षातील व्यक्तीकडे अध्यक्षपद देणं पसंत केलं. या पार्श्वभूमीवर राष्ट्रवादीचे आमदार शशिकांत शिंदे यांनी शिवेंद्रराजेंना टोला लगावत जोरदार फटकेबाजी केली आहे.