आ. पृथ्वीराज बाबा यांच्या प्रयत्नातून कराड शहरातील स्व यशवंतराव चव्हाण बहुउद्देशीय हॉल येथे 50 ऑक्सिजन बेड चे कोरोना उपचार सेंटर उभारणीचे काम युद्धपातळीवर सुरु आहे. हे कोरोना उपचार सेंटर या आठवड्यात पूर्ण होईल अशी अपेक्षा कराडचे प्रांत उत्तम दिघे यांनी यावेळी व्यक्त केली.

कराड : कोरोनाच्या वाढत्या प्रादुर्भावामुळे रुग्णांची संख्या दिवसेंदिवस वाढत आहे. या परिस्थितीत कोरोना बाधित रुग्णांना बेडची टंचाई कराड शहरातील कोविड रुग्णालयात होत आहे. हे लक्षात घेऊन कराड दक्षिणचे विद्यमान आमदार तसेच माजी मुख्यमंत्री पृथ्वीराज चव्हाण यांच्या विशेष प्रयत्नातून कराड शहरातील स्व यशवंतराव चव्हाण बहुउद्देशीय हॉल येथे 50 ऑक्सिजन बेड ची व्यवस्था करण्याचे काम युद्धपातळीवर सुरु असून या कामाची पाहणी आज मलकापूर नगरपरिषदेचे उपनगराध्यक्ष व कराड दक्षिण काँग्रेस अध्यक्ष मनोहर शिंदे, प्रदेश युवक काँग्रेस उपाध्यक्ष शिवराज मोरे, युवानेते इंद्रजित चव्हाण, कराडचे प्रांत उत्तम दिघे, तहसीलदार अमरदीप वाकडे, कराड नगरपरिषदेचे मुख्याधिकारी रमाकांत डाके व गजानन आवळकर यांनी केली. कोरोनाच्या वाढत्या प्रादुर्भावात कराडचे आमदार तसेच माजी मुख्यमंत्री पृथ्वीराज चव्हाण हे कोरोनाच्या पार्श्वभूमीवर लावण्यात आलेल्या लॉकडाऊन मध्ये पहिल्या दिवसांपासून जनतेसाठी कार्यरत आहेत. कोरोना विरुद्धच्या लढाईसाठी कायम अग्रभागी असलेले पृथ्वीराज बाबा यांनी नुकताच 60 लाख रुपयांचा निधी शहरातील कोरोना रुग्णालयांच्या मदतीसाठी दिला आहे. या निधीतून 2 रुग्णवाहिका व 10 व्हेंटिलेटर दिले जाणार आहेत. लवकरच यांचे लोकार्पण होणार आहे. कोरोनाच्या वाढत्या प्रादुर्भावाला मात देण्यासाठी पृथ्वीराज बाबा वेळोवेळी जिल्हाधिकारी व जिल्ह्याचे पालकमंत्री यांच्या सोबत चर्चा करीत आहेत. यामधूनच शहरातील कोरोना रुग्णालयांचे अधिग्रहण होऊन 1400 हुन अधिक बेड चे नियोजन केले आहे. या घोषित बेड पैकी 90% बेड सध्या उपलब्ध झाले आहेत तर उरलेले covid सेंटर चे काम युद्धपातळीवर सुरु आहे. याचाच एक भाग म्हणून आ. पृथ्वीराज बाबा यांच्या प्रयत्नातून कराड शहरातील स्व यशवंतराव चव्हाण बहुउद्देशीय हॉल येथे 50 ऑक्सिजन बेड चे कोरोना उपचार सेंटर उभारणीचे काम युद्धपातळीवर सुरु आहे. हे कोरोना उपचार सेंटर या आठवड्यात पूर्ण होईल अशी अपेक्षा कराडचे प्रांत उत्तम दिघे यांनी यावेळी व्यक्त केली.