• लवकरच लाँच होणार iPhone 14. • iPhone 14 सीरिजच्या स्पेसिफिकेसन्सचा खुलासा. • फोनमध्ये मिळेल पंच-होल डिस्प्ले आणि दमदार कॅमेरा.

यावर्षी सप्टेंबर महिन्यात Apple ने आपले फ्लॅगशिप मॉडेल iPhone 13 ला लाँच केले होते. मात्र, या फोनच्या लाँचिंगच्या आधीपासूनच iPhone 14 चर्चेत आहे. Apple दरवर्षी आयफोनचे नवीन मॉडेल लाँच करत असते. त्यामुळे आता आयफोन १३ नंतर आयफोन १४ कडे सर्वांचे लक्ष आहे. कंपनीकडून या फोनविषयी अधिकृत माहिती देण्यात आलेली नाही. परंतु, टिप्स्टर्सकडून फोनशी संबंधित फीचर्सचा खुलासा करण्यात आला आहे.
लीक झाले iPhone 14 चे फीचर्स
गेल्या काही महिन्यांपासून आयफोन १४ चे फीचर्स लीक होत आहेत. आधी समोर आलेल्या रिपोर्टनुसार, आयफोन १४ नॉच-लेस डिझाइनसह येऊ शकतो. मात्र लेटेस्ट रिपोर्टनुसार iPhone 14 Pro आणि iPhone 14 Pro Max मध्ये पंच-होल डिझाइन असेल. तसेच, कंपनी आयफोन १४ च्या प्रो मॉडेल्सवरच लक्ष केंद्रित करेल.
असे असेल iPhone 14 चे डिझाइन
iPhone 14 च्या डिझाइनची माहिती जॉन प्रॉसरच्या एका व्हिडिओमधून समोर आली आहे. व्हिडिओमध्ये आयफोन १४ च्या बाजू पातळ असतील व वॉल्यूम/म्यूट बटन्स गोल असू शकतात. त्यामुळे डिव्हाइसची मागील बाजू ग्लास फिनिशसह येऊ शकते व साइड्स टायटेनियमच्या बनलेल्या असतील. फोन थोडा रुंद असू शकतो, कारण मागील बाजू पूर्णपणे फ्लॅट असेल. कॅमेरा वरती आलेला नसेल. यात इन-डिस्प्ले फिंगरप्रिंट सेंसर देखील दिला जाईल.
iPhone 14 चा डिस्प्ले
रिपोर्टनुसार, iPhone 14 Pro आणि iPhone 14 Pro Max पंच-होल डिस्प्लेसह येईल. आयफोन १४ प्रो मध्ये ६.०६ इंच डिस्प्ले, आयफोन १४ प्रो मॅक्समध्ये ६.७ इंच डिस्प्ले मिळेल. दोन्ही फोन्स १२० हर्ट्ज रिफ्रेश रेट आणि एलजीच्या ओएलईडी पॅनेलसह येतील. याआधीच्या फोनमध्ये हे फीचर्स दिलेले नाहीत. तसेच, आयफोन १४ मध्ये लाइटनिंग पोर्टच्या जागी यूएसबी टाइप-सी पोर्ट दिला जाऊ शकतो.
iPhone 14 चा कैमरा
iPhone 14 Pro आणि iPhone 14 Pro Max मध्ये यूजर्सला व्हिडिओ आणि सेल्फीसाठी हाय रिझॉल्यूशनसह येणारा ४८ मेगापिक्सल फ्रंट कॅमेरा दिला जाईल. iPhone 14 Pro Max मध्ये १२ मेगापिक्सल प्रायमरी लेंस बदलून ४८ मेगापिक्सल सेंसर मिळू शकतो. या कॅमेऱ्याद्वारे यूजर्स ८के मध्ये व्हिडिओ रेकॉर्ड करू शकतील.
दरम्यान, कंपनीकडून अद्याप कोणत्याही फीचरबाबत अधिकृत माहिती देण्यात आलेली नाही. त्यामुळे यातील काही फीचर्समध्ये बदल देखील होऊ शकतो.