भाटघर, ता. खंडाळा गावच्या हद्दीत एका महिलेचा विनयभंग केल्याप्रकरणी अनिल शिवाजी आवाळे रा. भोलावडे, ता. भोर याच्यावर शिरवळ पोलीस ठाण्यात गुन्हा दाखल झाला आहे.
जिल्ह्यात तीन वेगवेगळ्या ठिकाणी चोरीच्या घटना घडल्याच्या तक्रारी संबंधित पोलीस ठाण्यात दाखल झाल्या आहेत.
कोरोना प्रादुर्भावाच्या पार्श्वभूमीवर जारी करण्यात आलेल्या आदेशाचे उल्लंघन केल्याप्रकरणी जिल्ह्यातील दोन ठिकाणी वेगवेगळ्या घटना घडल्या आहेत.
जिल्ह्यात तीन वेगवेगळ्या ठिकाणी तिघांनी गळफास घेवून आत्महत्या केल्याची घटना घडली.
सातारा जिल्हा मध्यवर्ती बँक ही देशातील सहकारामधील एक अग्रगण्य बँक आहे. या बँकेत फारसे राजकारण नाही, हे सांगायला बरं वाटतं म्हणण्यापेक्षा अभिमान वाटतो. या बँकेच्या माध्यमातुन हौसिंग सोसायटी आणि दुग्ध संस्थांचे प्रतिनिधीत्व करताना, सहकाराचा जास्तीत जास्त लाभ सभासदांना होण्यासाठी प्रयत्न केला आहे.
सातारमधील संध्या चौगुले यांनी उभारलेली ही हिरवाई म्हणजे सह्याद्री देवराईची आई आहे. हिरवाईने देवराईला जन्म दिलाय. यातूनच सह्याद्री देवराईची संकल्पना प्रत्यक्षात उतरली, असे मत सह्याद्री देवराईचे प्रणेते अभिनेते सयाजी शिंदे यांनी व्यक्त केले.
माजगाव (ता. पाटण) येथे पती-पत्नीच्या घरगुती भांडणातून पतीने स्वतःचे घर पेटविल्याने शेजारील नऊ घरांना भीषण आग लागली. ही घटना सायंकाळी घडली. आगीने रौद्ररूप धारण केल्याने दहा घरातील संसारोपयोगी साहित्य, धान्य, दागिने, रोख रक्कम, शेतीची औजारे जळून खाक झाली. सुदैवाने कोणतीही जीवित हानी झाली नाही.
सातारा येथील हुतात्मा स्मारक परिसरात असलेल्या अग्निशमन दल व घंटागाड्या सातारा नगरपालिकेच्या प्रशासनाने तात्काळ हलविण्यात याव्यात अन्यथा पालकमंत्री बाळासाहेब पाटील यांच्या घरासमोर आंदोलन करण्यात येईल, असा इशारा तिरंगा विकास प्रतिष्ठानच्या प्रमुख हर्षदा शेडगे यांनी आज पत्रकार परिषदेत दिला.
खंडाळा तालुका शेतकरी सहकारी साखर कारखान्याच्या पंचवार्षिक निवडणुकीत आमदार मकरंद पाटील यांच्या नेतृत्वाखाली राष्ट्रवादी काँग्रेस पक्षाच्या शेतकरी विकास परिवर्तन पॅनेलने निर्विवाद वर्चस्व मिळविले आहे. उशिरा पर्यंत खंडाळा, शिरवळ, बावडा व भादे गटाची मतमोजणी सुरु असून या चारही गटात राष्ट्रवादीने आघाडी मारली आहे.
आज आपल्या संस्थेचा नावलौकीक आहे. कारखाना उपपदार्थ निर्मीतीसाठी प्राधान्य देत असून त्यातून संस्थेचे उत्पन्न वाढत आहे. चालू गळीत हंगामातही अजिंक्यतारा कारखाना शेतकर्यांना किफायतशीर दर देण्यासाठी कटीबध्द राहील, असा शब्द कारखान्याचे मार्गदर्शक संचालक श्रीमंत छ. शिवेंद्रसिंहराजे भोसले यांनी दिला.