कास सांडव्याच्या पायऱ्यांवर होणार पर्यटकांची गर्दी?

सातारा शहराची लाईफ लाईन असणाऱ्या कास धरणाच्या सांडव्याचे काम 90 टक्के पूर्ण झाले आहे. या 51 फुटी सांडव्याच्या बाजूने पायऱ्या बसवण्यात आल्या असून त्या सांडव्यावरून पाणी वाहण्यास काही दिवस शिल्लक आहेत. पालिकेने हा स्पॉट पर्यटनाच्या दृष्टिकोनातून विकसित करावा आणि त्यांच्याकडून नाममात्र शुल्क करावे, अशी मागणी नगर विकास आघाडीचे माजी स्वीकृत नगरसेवक प्रवीण पाटील यांनी पत्रकार परिषदेत केली.