वृद्धेच्या दागिन्यावर चोरट्यांचा डल्ला

सदरबझार, सातारा येथून रस्त्याने निघालेल्या शकुंतला विश्वनाथ पवार वय ६0, रा. सदरबझार यांना रविवार, दि. २२ रोजी दुपारी दोन वाजण्याच्या सुमारास दोन युवकांनी पोलिस असल्याचे खोटे सांगून सुमारे दीड लाख रुपयांचे दागिने चोरुन नेले. याबाबत वृध्देने तक्रार दिल्यानंतर अज्ञाताविरुध्द सातारा शहर पोलिस ठाण्यात गुन्हा दाखल करण्यात आला. दरम्यान, सातारा शहरातील या वाढत्या घटनेने वृध्दांमध्ये भितीचे वातावरण निर्माण झाले आहे.