सातारा येथील काही भागात २ फेब्रुवारी रोजी पाणीपुरवठा होणार नाही

कास जलाशय येथून सातारा शहराला पाणीपुरवठा करण्यात येणाऱ्या मुख्य पाइपलाइनला दोन ठिकाणी मोठ्या प्रमाणात गळती लागल्यामुळे गळती काढण्याचे काम युद्धपातळीवर हाती घेतले आहे. त्यामुळे सातारा येथील काही भागात दि. २ फेब्रुवारी रोजी सायंकाळी सत्रातील पाणीपुरवठा होणार नाही. दि. ३ रोजी ही काही भागातील पाणीपुरवठा अपुऱ्या प्रमाणात अथवा न होण्याची शक्यता आहे, अशी माहिती सातारा नगरपालिकेचे मुख्याधिकारी तथा प्रशासक अभिजित बापट यांनी दिली.