राजवाडा परिसरात फलक लावायला जागा मिळेना...

मुकी बिचारी जनता, कुणीही हाका... या म्हणीचा प्रत्यय सध्या सातारा शहर परिसरात पाहायला मिळत आहे. नेत्यांचा वाढदिवस असो किंवा एखाद्या मंडळाच्या कार्यकर्त्यांचा सत्कार असो. भव्य फ्लेक्स, कट आउट उभारला गेलाच पाहिजे. आणि त्यातही अपेक्षा अशी की तुझ्यापेक्षा माझा फ्लेक्‍स मोठा लागला पाहिजे. या चकमकीतून सातारा शहर परिसरात मोकळी जागा सध्या नजरेपुढे पाहायला मिळणे अवघड झाले आहे.