जिल्हा रुग्णालयाच्या स्वच्छता यंत्रणेवर ताण

क्रांतिसिंह नाना पाटील जिल्हा रूग्णालयाच्या 19 विभागातील स्वच्छतेचे तीन तेरा वाजले असून पुरेशा स्वच्छते अभावी रुग्णांची ससेहोलपट वाढली आहे. कारण रुग्णालयाला सेवा देणाऱ्या कंत्राटी कर्मचाऱ्यांना अचानक ब्रेक देण्यात आल्याने स्वच्छता यंत्रणेवर प्रचंड ताण पडला आहे. यामुळे चतुर्थश्रेणी कर्मचाऱ्यांमध्ये संतापाचे वातावरण असून त्यांनी या प्रकरणी आंदोलनाचा इशारा दिला आहे.