शिरवळ येथे डोक्यात गोळी झाडून हत्या केल्याप्रकरणी सहाजण जेरबंद

शिरवळ, ता. खंडाळा  येथील एका इमारतीच्या टेरेसवर रविवार दि. २० रोजी डोक्यात गोळी झाडून एकाचा खून केल्याप्रकरणी सातारा येथील स्थानिक गुन्हे शाखेचे पथक आणि शिरवळ पोलिसांनी सहा जणांना जेरबंद केले असल्याची माहिती पोलीस अधीक्षक अजय बन्सल यांनी पत्रकार परिषदेत दिली. केवळ १२ तासाच्या आतच हा गुन्हा उघडकीस आणण्यात पोलिसांना यश आले असून प्राथमिक तपासात आर्थिक देवाणघेवाणीच्या कारणावरून हा खून झाला असल्याचे दिसून येते, असेही त्यांनी यावेळी नमूद केले.