धक्कादायक : उप प्रादेशिक परिवहन अधिकार्‍याचा ‘गेम’ करण्याचा डाव फसला

शिरवळ परिसरात सातारा उप-प्रादेशिक परिवहन अधिकार्‍यांना गाडी आडवी मारुन व जोरदार धडक देवून त्यांचा ‘गेम’ करण्याचा प्रयत्न केला. मात्र, ऍलर्ट असलेल्या त्यांच्या वाहन चालकाने हा प्रयत्न हाणून पाडला. पाच दिवसांपूर्वी घडलेल्या या घटनेमुळे सातारा जिल्ह्यासह राज्यभरात खळबळ उडाली असून संबंधिताने केलेल्या भानगडी जिरवण्यासाठी त्याने आपल्या वरिष्ठ अधिकार्‍याचाच गेम करण्याचा प्रयत्न केल्याप्रकरणी संबंधितावर कठोर कारवाई करण्याची मागणी आम आदमी पार्टीने केलेली आहे.