पोलिसांच्या अंगावर गाडी घालून रोहन वाघमारे पसार

शाहूपुरी येथील बिल्डर रोहन बाळासाहेब वाघमारेवर १ कोटी ७५ लाख रुपयांचा एसबीआय बँकेला फसवल्याप्रकरणी गुन्हा दाखल झाल्यानंतर शाहूपुरी पोलिसांच्या पथकाने त्याला मंगळवार पेठ चौकीत चौकशीसाठी बोलवले होते. दरम्यान, पोलीस त्याच्याकडील कागदपत्रांची पाहणी करत असतानाच वाघमारे अटकेच्या भितीने तेथून पळुन निघाला होता. त्यावेळी त्याला थांबवण्याचा प्रयत्न करणारे पोलीस उपनिरीक्षक बशीर मुलाणी यांच्या अंगावर कार घालून रोहन पसार झाला.