बंडखोर आमदारांच्या विरोधात पोवई नाक्यावर निदर्शने

नगर विकास मंत्री एकनाथ शिंदे यांच्या बंडखोर गटात सामील झालेल्या बंडखोरांच्या विरोधात साताऱ्यात पोवई नाक्यावर शनिवारी शिवसेनेच्या जिल्हा कार्यकारिणीच्या सदस्यांनी जोरदार निदर्शने केली. 'शिवसेनेत गद्दारांना थारा नाही, बंडखोर आमदारांचा निषेध असो' अशी घोषणाबाजी करत शिवसैनिकांनी गृहराज्यमंत्री शंभूराज देसाई यांच्या बंगल्याकडे कूच करण्याचा प्रयत्न केला. मात्र तत्पूर्वीच पोलिसांनी त्यांना शिताफीने ताब्यात घेतले.