कृष्णा कॅनॉल गोवारे-हनुमाननगर रस्त्याची दुरवस्था

गोवारे गाव कराड दक्षिण विधानसभा मतदार संघात आहे. येथील ग्रामस्थ कृष्णा कॅनॉल लगतच्या रस्त्याचा वापर दळणवळणासाठी करतात. परंतु, या रस्त्याचे डांबरीकरण होऊन ८ वर्षे झाली. मात्र, सध्या या रस्त्याची दुरवस्था झाली असून तो वाहतुकीस योग्य नाही. त्यामुळे ग्रामस्थांची मोठी गैरसोय होत असून लवकरात लवकर रस्त्याचे डांबरीकरण करण्यात यावे. अन्यथा, बळीराजाच्या  वतीने आंदोलन उभारण्यात येईल, असा इशारा बळीराजा शेतकरी संघटनेचे जिल्हाध्यक्ष साजिद मुल्ला यांनी प्रसिद्धीपत्रकाद्वारे दिला आहे.