स्वेटर विक्रेत्याची आर्थिक फसवणूक केल्याप्रकरणी एकास अटक

सातार्‍यात स्वेटर विक्रेत्याकडून खरेदी केल्यानंतर पेटीएम कोडद्वारे पैसे पाठवल्याचे नाटक करुन पैसे न देताच फसवणूक करणार्‍या ठगाला सातारा शहर पोलिस ठाण्याच्या गुन्हे प्रकटीकरण (डीबी) विभागाने अटक केली. पोलिस संशयिताकडे असणार्‍या ऍपची माहिती घेत आहेत. दरम्यान, चौकशीमध्ये संशयिताने सातार्‍यातील सुमारे 4 व्यवसायिकांना फसवल्याचे समोर आले आहे.