जिल्ह्यातील 162 प्रभागांची प्रारूप रचना जाहीर

स्थानिक स्वराज्य संस्थांच्या निवडणुकीबाबत विधेयक राज्य सरकारने पास केले आहे. तरीपण अद्यापही तसा अध्यादेश जाहीर झालेला नाही. निवडणूक आयोगाने जाहीर केलेल्या कार्यक्रमाप्रमाणे गुरुवारी सातारा जिल्ह्यातील आठ नगरपालिका व एक नगरपंचायत अशा नऊ स्थानिक स्वराज्य संस्थांच्या 162 जागांची प्रारुप प्रभाग रचना आज जाहीर करण्यात आली. जिल्हाधिकारी कार्यालयाच्या नगरपरिषद संकलन विभागातून ही माहिती देण्यात आली.