शिंगणापूर घाटात कार दरीत कार कोसळून मायलेकरांचा मृत्यू

आपल्या आईसह कारमधून नाशिकला निघालेल्या माण तालुक्यातील थदाळे गावच्या मायलेकरांचा मंगळवारी सकाळी शिंगणापूर ते नातेपुते मार्गावरील घाटात कार खोल दरीत कोसळून झालेल्या अपघातात दुर्देवी अंत झाला. या घटनेमुळे थदाळे गावावर शोककळा पसरली ही घटना समजल्यानंतर मृतांच्या नातेवाईकांनी नातेपुते पोलीस ठाण्याच्या परिसरात मोठी गर्दी केली होती. 400 फूट खोल दरीत कार खाली कोसळल्याने या मायलेकरांना मृत्यूस सामोरे जावे लागले. गजानन सर्जेराव वावरे (वय 58) व हिराबाई सर्जेराव वावरे (वय 75, दोघेही रा. थदाळे, ता. माण, सध्या रा. नाशिक) अशी मृतांची नावे आहेत.