चाळकेवाडी पठारावर महा कश्यपी नव्या वनस्पतीची नोंद

साताऱ्याचे प्रसिद्ध निसर्ग संशोधक व बॉम्बे नॅचरल हिस्ट्री मुंबई येथे सक्रिय असणारे हर्षल भोसले यांनी चाळकेवाडी पठारावर नवीन वनस्पतीच्या प्रजातीची नोंद करण्यात यश मिळवले आहे. लेपिडोगॅथस म्हणजेच महा कश्यपी अशी या वनस्पतीची नोंद करण्यात आली असून ही वनस्पती अकँथेसी या कारवीच्या कुळातील आहे. या नवीन संशोधनामुळे पश्चिम घाटातील जैवविविधतेच्या विपुलतेवर पुन्हा एकदा शिक्कामोर्तब झाले आहे.