लिंबच्या विकासासाठी खा. उदयनराजेंकडून 15 लाखांचा निधी

‘खा. उदयनराजे भोसले यांनी नेहमीच छत्रपती शिवाजी महाराजांच्या विचारांचा वारसा जोपासत समाजकारण केले आहे. लिंब गावातील रस्त्याच्या डांबरीकरणासाठी त्यांनी 15 लाख रुपयांचा निधी मंजूर केल्याने रस्त्याचे काम मार्गी लागले असून, आतापर्यंत खा. उदयनराजे भोसले यांनी गावातील विकासकामांसाठी 70 लाख रुपयांचा निधी दिला आहे,’ अशी माहिती माजी जिल्हा परिषद सदस्य बाळासाहेब गोसावी यांनी दिली.