अल्पवयीन मुलीवर अत्याचार करणार्‍या आरोपीस तत्काळ अटक करावी

खटाव तालुक्यातील एका अल्पवयीन मुलीवर लैंगिक अत्याचार करणार्‍या आरोपीस तत्काळ अटक करून प्रकरण दडपणार्‍या अधिकारी आणि राजकीय पुढार्‍यावर ताबडतोब कारवाई करण्याची मागणी आज जनता क्रांती दलाने केली आहे. याबाबत आज खटाव तहसीलदार यांना लेखी निवेदन देण्यात आले. तसेच 26 तारखेला जिल्हाधिकारी कार्यालयावर धडक मोर्चा काढण्याचा इशारा देण्यात आला आहे.