सामुदायिक नमाज पठणाने सातारा जिल्ह्यात रमजान ईद उत्साहात

प्रेम आणि बंधुभावाचे प्रतीक असलेली रमजान ईद मंगळवारी सातारा शहरासह जिल्ह्यात मोठ्या उत्साहात साजरी करण्यात आली. सकाळी जिल्ह्यात ठिकठिकाणी मुस्लिम बांधवांनी प्रार्थना स्थळांवर सामुदायिक नमाज पठण केले. सातारा शहरातील ईदगाह व मैदानासह विविध मशिदीमध्ये मुस्लिम बांधवांनी नमाज पठण करून एकमेकांना ईदच्या शुभेच्छा दिल्या.