Feb 06, 2026
inmalkapur
मलकापूरातील एकाच कुटुंबातील चौघांचा अपघाती मृत्यू
मलकापूर, ता. कराड येथील एकाच कुटुंबातील चौघांचा अपघातात दुर्दैवी मृत्यू झाला. तर या अपघातात याच कुटुंबातील एका लहान मुलगी गंभीर जखमी झाली आहे. या कुटुंबातील सदस्य सांगलवाडी येथे घरगुती कार्यक्रमाला जात असताना पेठ ते सांगली रस्त्यावर गाताडवाडी येथे शनिवारी २६ रोजी सकाळी ९ वाजण्याच्या सुमारास हा अपघात झाला. या घटनेने मलकापूर परिसरात शोककळा पसरली आहे.
मलकापूरात भटक्या कुत्र्यांचे निर्बिजीकरण व रेबीज लसीकरण मोहिमेस प्रारंभ
मलकापूर शहरात दोन-तीन वर्षांपासून नागरिकांकडून भटकी कुत्र्यांच्या निर्बिजीकरणाची मागणी होत होती. त्यानुसार पालिकेने शहरातील भटकी कुत्री पकडण्यास प्रारंभ केला असून त्यांचे निर्बिजीकरण व रेबीज लसीकरण मोहिम हाती घेण्यात आली आहे. 5 MLD STP प्लॅट याठिकाणी भटक्या कुत्र्यांना पकडून त्यांचे निर्बिजीकरण व रेबीज लसीकरण करण्यास प्रारंभ करण्यात आला.
मलकापूरात नो पार्कींग झोनची प्रभावी अंमलबजावणी
मलकापूर नगरपालिकेच्या हद्दीत राष्ट्रीय महामार्गालगतच्या सेवा रस्त्यांवर वाहतुकीची कोंडी नित्याचीच बनली आहे. याबाबत नागरिकांकडून अनेकदा पालिका व पोलिसांना निवेदने देण्यात आली. होती. त्यानुसार मलकापूर पालिका व शहर पोलीस प्रशासनाने सेवा रस्त्यांवर 'नो पार्किंग झोन' जाहीर केला असून सोमवारपासून त्यांच्या प्रभावी अंमलबजावणीसही पोलिसांनी सुरुवात केली आहे. त्यामुळे येथील सेवा रस्त्यांनी मोकळा श्वास घेतला आहे.
मलकापूरात 15 ते 18 वयोगटातील मुलांसाठी लसीकरण सुरु
मलकापूर नगरपालिका कार्यक्षेत्रामधील 15 ते 18 वयोगटातील मुलांसाठी कोविड-19 प्रतिबंधक लस देण्यास सुरुवात करण्यात आली आहे. शनिवारी 8 रोजी येथील नुतन मराठी प्राथमिक शाळेत मलकापूर नगरपालिका व काले प्राथमिक आरोग्य केंद्र यांच्याकडून संयुक्तरित्या लसीकरण मोहिमेचा शुभारंभ करण्यात आला.
मलकापुरात लहान मुलगी व तिच्या आईला दगड मारून केले जखमी
कराड : मलकापूर, ता. कराड येथे घराच्या शेजारी लावलेल्या रिक्षावर ओरखडे ओढल्याचा राग मनात धरून लहान मुलीसह तिच्या आईला दगड मारून जखमी केले. सोमवारी 20 रोजी दुपारी 1 वाजण्याच्या सुमारास ही घटना घडली.याप्रकरणी नयना युवराज गाडे (वय 28) रा. संस्कृती सिटी, मलकापूर यांनी शहर पोलिस ठाण्यात फिर्याद दिली आहे. तर अक्षय संजय कांबळे रा. जगदाळे मळा, मलकापूर असे गुन्हा नोंद झालेल्या संशयिताचे नाव आह...
मलकापूरात युवकावर हल्ला केल्याप्रकरणी चौघांना अटक
मलकापूर, ता. कराड येथे बुधवारी १५ रोजी भरदिवसा विश्वास हणमंत येडगे रा. मलकापूर याच्यावर धारदार शस्त्राने वार केल्याची घटना घडली होती. लहान मुलांची भांडणे सोडविण्यासाठी गेल्याचा राग मनात धरून हा हल्ला करण्यात आला होता. यामध्ये येडगे हा गंभीर जखमी झाला होता. याप्रकरणी पोलिसांनी घटना घडल्यानंतर काही तासातच चौघांना पाठलाग करून अटक केली आहे.
मलकापूरात युवकावर चार-पाच जणांकडून धारदार शस्त्राने वार
मलकापूर, ता. कराड येथील मलकापूर फाट्यावर भरदिवसा युवकावर चार ते पाच जणांनी धारदार शस्त्राने वार केला. बुधवार दि. 15 रोजी सकाळी 10.45 वाजण्याच्या सुमारास ही घटना घडली. यामध्ये संबंधित युवक जखमी झाला असून त्याला उपचारासाठी कृष्णा रुग्णालयात दाखल करण्यात आले आहे.
मलकापूर फाट्यावर एका तरुणाला भोकसले
मलकापूर फाटा (ता. कराड) येथे बुधवारी सकाळी पावणे अकराच्या सुमारास पाच जणांनी एकास धारदार शस्त्राने भोकसल्याची घटना घडली आहे. घटनेनंतर मारेकरी घटनास्थळावरून फरार झाले असून जखमीला उपचारार्थ कृष्णा रुग्णालयात दाखल करण्यात आले आहे. विश्वास हणमंत येडगे (रा. अहिल्यानगर, मलकापूर) असे जखमी झालेल्याचे नाव आहे.
मलकापूर नगरपालिका परिसरात देशी झाडांचे रोपण
मलकापूर नगरपालिकेच्या विठ्ठलदेव सोसायटी परिसरातील ओपन स्पेसमध्ये निसर्ग ग्रुप, कराड व मलकापूर नगरपालिकेच्या संयुक्त विद्यमानाने देशी झाडांचे रोपण करण्यात आले. यामध्ये जांभूळ, अर्जुन, कडुलिंब, काटेसावर, ताम्हण, बकुळ, बुच, कैलासपती आदी. जातीच्या झाडांचा समावेश आहे.
Local News
Copyright © 2026 esahas.com. All Rights Reserved.