Feb 06, 2026
inkarad
सातारा जिल्ह्यासह कराड मध्येही बंदला प्रतिसाद
मराठा समाजाच्या आरक्षणासह अन्य मागण्यांसाठी शांततेत धरणे धरणाऱ्या मराठा आदोलकांवर पोलिसांनी जालना जिल्ह्यात लाठी हल्ला केला. त्याप्रकरणी अनेकांवर गुन्हेही दाखल करण्यात आले आहे. त्याविरोधात आज मराठा क्रांती मोर्चाच्यावतीने सातारा जिल्हा बंदची हाक देण्यात आली आहे. त्याला कराडमध्ये सकाळच्या टप्प्यात उत्स्फूर्त प्रतिसाद मिळाला. व्यापाऱ्यांनी स्वयंस्पर्तीने दुकाने व्यव...
कराड तालुक्यात चैन स्नॅचिंग
दुशेरे, ता. कराड गावच्या हद्दीतून अज्ञात चोरट्याने एका महिलेच्या गळ्यातील ४५ हजार रुपये किमतीचे सोन्याचे दागिने हिसकावून, चोरून नेल्याची तक्रार कराड तालुका पोलीस ठाण्यात दाखल झाली आहे.
मनाई असताना चक्क कराडच्या प्रीतिसंगम उद्यानात झाली शिक्षकांची प्रचार सभा; यशवंतराव चव्हाण प्रेमी संतप्त
कराड-पाटण तालुका शिक्षक सोसायटीच्या निवडणूक प्रचाराचा शुभारंभ चक्क प्रीतिसंगम उद्यानात केल्याचा धक्कादायक प्रकार उघडकीस आला आहे. दिवंगत यशवंतराव चव्हाण यांच्या समाधीस्थळी अभिवादन केल्यानंतर उद्यानात सतरंज्या अंथरून प्रचार शुभारंभाची सभा देखील घेण्यात आली.
कराड तालुक्यात अल्पवयीन मुलीवर अत्याचार
कराड तालुक्यात अल्पवयीन मुलीच्या अज्ञान पणाचा फायदा घेत लग्नाचे आमिष दाखवून एकाने तिच्यावर अत्याचार केल्याची तक्रार कराड शहर पोलीस ठाण्यात दाखल झाली आहे.
अखेर कराडमधील 9 फूटी मगर पकडण्यात वनविभागाला यश
खोडशी ग्रामस्थ मगरीच्या दहशतीखाली होते. वनविभागाने देखील ग्रामस्थांना दक्ष राहण्याची सूचना करत ब्रिटिशकालीन बंधाऱ्यात न उतरण्याचे आवाहन केले होते. वनविभागाचे कर्मचारी गेली तीन दिवस मगरीला पकडण्याचे प्रयत्न करत होते. अखेर मगरीला पकडण्यात वनविभागाला यश आल्यानंतर खोडशी ग्रामस्थांनी सुटकेचा निःश्वास टाकला आहे.
कराड तालुक्यात बालविवाह मुक्त भारत अभियानास उत्स्फुर्त प्रतिसाद
कैलास सत्यार्थी चिल्ड्रन फाऊंडेशन नवी दिल्ली याच्या वतीने भारतभर सुरू केलेले बालविवाह मुक्त भारत अभियान अंतर्गत ज्ञानदीप राष्ट्रीय सामाजिक व शैक्षणिक विकास संस्थेच्यावतीने कॅण्डल रॅलीसह विविध उपक्रमांद्वारे सातारा जिल्ह्यात कराड तालुक्यातील 36 गावात जनजागृती करण्यात आली. या अभियानात उत्स्फुर्तपणे सहभाग घेतला.
श्रमिक मुक्ती दलाचा कराडमध्ये 15 रोजी वार्षिक महामेळावा : डॉ. भारत पाटणकर
र्यावरण पूरक कृषी व औद्योगिक समाज व्यवस्था निर्माण करण्यासाठी श्रमिक मुक्ती दलाचा दि.15 सप्टेंबर रोजी कराड येथील पलाश मंगल कार्यालयामध्ये वार्षिक महामेळावा आयोजित करण्यात आला आहे अशी माहिती श्रमिक मुक्ती दलाचे नेते डॉ. भारत पाटणकर यांनी पत्रकार परिषदेत दिली.
कराडात पिस्तूलधारी यूवकांना पोलिसांनी केली अटक
शहरातील कृष्णा नाका परिसरात देशी बनावटीच्या पिस्तुलसह एक आणि तडीपार असलेल्या दोन आरोपींसह तिघांना उपविभागीय पोलिस अधिकारी कार्यालयाच्या विशेष पथकाने अटक केली आहे.
दोन तडीपार गुन्हेगारांना कराड परिसरात अटक
सातारा जिल्हा आणि लगतच्या सांगली जिल्ह्यातील शिराळा, वाळवा, कडेगाव तालुका हद्दीतून सहा महिन्या करता तडीपार करण्यात आलेल्या दोन गुन्हेगारांना स्थानिक गुन्हे शाखेने कराड एसटी स्टँड परिसरातून अटक केली.
कराडवाडी गावच्या हद्दीत अज्ञात महिलेचा मृतदेह आढळला
कराडवाडी, ता. खंडाळा गावच्या हद्दीत अज्ञात महिलेचा कुजलेल्या स्थितीत मृतदेह आढळून आल्याची नोंद लोणंद पोलीस ठाण्यात दाखल झाली आहे.
कराडात थकबाकी वसुलीवेळी वायरमनला मारहाण; एकावर गुन्हा
सुमंगलनगर, कार्वे नाका, कराड येथे वीज बिलांची थकीत वसुली करण्यासाठी गेलेल्या वायरमनला मारहाण करण्यात आली. गुरुवारी 24 रोजी दुपारी 12.30 वाजण्याच्या सुमारास हा प्रकार घडला. याप्रकरणी एकावर कराड शहर पोलीस ठाण्यात गुन्हा दाखल करण्यात आला आहे.
शकिला शेख ठरली कराड तालुक्यातील पहिली महिला सैनिक
खरं तर असे कुठलेच क्षेत्र नाही की ज्यात महिला नाहीत. मुलींच्या बाबतीत ग्रामीण भागात एकेकाळी बाहेर पाठवायला नकार असायचा. विशेषतः सैन्यदलात महिला सहभागी होण्याचे प्रमाण अल्प आहे. कोळे, ता. कराड येथील भूमीकन्या शकिला आमीर शेख हिने बॉर्डर सिक्युरिटी फोर्स दलात रूज होत सैन्य दलातील कराड तालुक्याची पहिली कन्या होण्याचा मान मिळवला आहे.
कराड लोकन्यायालयात तब्बल साडेपाच कोटीच्या तडजोडी
सर्वोच्च न्यायालयाच्या निर्देशानुसार कराड जिल्हा सत्र न्यायालयात आयोजित केलेल्या लोकन्यायालयात विविध प्रकारचे तब्बल २ हजार १६१ न्यायालयीन प्रकरणे तडजोडीने मिटविण्यात आली. यामध्ये सुमारे ५ कोटी ५१ लाख २ हजार ४४५ रुपयांचे न्यायालयीन वाद तडजोडीने मिटवण्यात यश आले.
कराडात ऑल आऊट मोहिमेत 15 जणांवर कारवाई
कराड शहर पोलिस ठाण्याच्या माध्यमातुन शुक्रवारी रात्री राबवण्यात आलेल्या ऑल आऊट मोहिमेत एकुण 15 जणांवर कारवाई करण्यात आली. उपविभागीय पोलीस अधिकारी डॉ.रणजीत पाटील व वरीष्ठ पोलिस निरीक्षक बी.आर. पाटील यांच्यासह अधिकारी व कर्मचारी या मोहिमेत सहभागी झाले.
कराड नगरपालिका आवारात एकाकडून पालिका अधिकाऱ्यास मारहाण
येथील नगरपालिकेत माहिती अधिकारामध्ये एकाने माहिती मागवली होती. ती संबंधित अधिकाऱ्याने अर्जदारास दिली. मात्र, माहिती अशीच का दिली? असे म्हणत एकाने पालिका अधिकाऱ्यांसोबत वाद घालत त्याला पालिकेच्या आवारात मारहाण केली. त्यामुळे संतप्त पालिकेच्या अधिकारी व कर्मचाऱ्यांनी संबंधितावर गुन्हा दाखल करण्यासाठी शहर पोलीस ठाण्यासमोर ठिय्या दिला.
कराड शहरात लागलेल्या भीषण आगीत अनेक घरे जळून खाक
शहरातील एका वस्तीला मध्यरात्री दीड वाजता अचानक आग लागल्याने 20 ते 25 घरे जळून खाक झाली. या आगीमुळे चार सिलेंडरचा स्फोट झाल्याने आगीने आणखीनच रौद्र रूप धारण केल्याने एकच खळबळ उडाली. अचानक लागलेल्या आगीने रौद्ररूप धारण केल्याने परिसरात असणारी छोटी घरे तसेच व्यावसायिकांची खोकी या आगीच्या भक्ष्यस्थानी पडल्याने मोठी हानी झाली आहे. या घटनेत तीन महिलांना दूखापत झाली आहे.
कराडात डॉक्टर महिलेवर कोयत्याने वार
येथील बुधवार पेठेतील शिवाजी क्लॉथ मार्केट समोर एकाने डॉक्टर महिलेवर कोयत्याने वार केला. तुम्ही वीज कनेक्शन जोडू नका; नाहीतर तुम्हाला जिवंत ठेवत नाही, असे म्हणून संबंधिताने हे कृत्य केले. गुरूवारी सकाळी 11.45 वाजण्याच्या सुमारास ही घटना घडली. घटनेची नोंद शहर पोलीस ठाण्यात झाली असून याप्रकरणी एकावर गुन्हा नोंद करण्यात आला आहे.
कराडमध्ये पिस्तुल व मॅगॅझीनसह युवकास अटक
येथील भाजी मंडई परिसरात पोलिसांनी पिस्तल व मॅगॅझीनसह युवकास अटक केली. परिसरातील हॉटेलमध्ये पिस्तुल घेवून बसलेला असताना पोलिसांनी छापा टाकून रेकॉर्डवरील संशयीतास ताब्यात घेऊन अटक केली. सोमवारी ७ रोजी सायंकाळी ६.३० वाजता ही कारवाई करण्यात आली. यामध्ये पोलिसांनी त्याच्याकडून ४० हजार रुपयांचे पिस्तुल व मॅगॅझीन जप्त केले आहे.
कराडात बंडातात्या कराडकर यांच्या प्रतिमेला जोडे मारून केला निषेध
येथील मारूतीबुवा कराडकर मठासमोरच वाईन विक्रीवरून वारकरी नेते बंडातात्या कराडकर यांनी काल साताऱ्यात केलेल्या वक्तव्याचा निषेध करण्यात आला. यावेळी त्यांच्या प्रतिमेस जोडे मारण्याचे आंदोलन झाले. राष्ट्रवादी कॉंग्रेस व वारकऱ्यांतर्फे झालेल्या निषेधात कराडकरांच्या मठासमोरच बंडातात्यांच्या प्रतिमेला जोडे मारण्यात आले.
कराडात धूमस्टाईलने महिलेच्या गळ्यातील चेन लांबवली
येथील आझाद चौकात दुचाकीवरून आलेल्या चोरट्यांनी धूमस्टाईल महिलेच्या गळ्यातील दोन तोळ्याची सोन्याची चेन लांबवली. गुरुवारी ३ रोजी दुपारी ही घटना घडली. दुचाकीवरून आलेला चोरटा नजीकच्या सीसीटीव्ही कॅमेऱ्यात कैद झाला असून त्याच्याआधारे पोलिस त्याचा शोध घेत आहेत. या घटनेने परिसरात खळबळ उडाली असून याप्रकरणी पोलिसात रात्री उशिरापर्यंत नोंद झाली नव्हती.
कराडात दोन व्यवसायिकांना मारहाण करून लुट
येथील डॉ. बाबासाहेब आंबेडकर क्रीडांगणानजीक दोघांनी दोन व्यावसायिकांना लुटल्याची घटना घडली. त्यांनी सोमवारी 31 रोजी रात्री 8.15 वाजण्याच्या सुमारास या व्यावसायिकांना मारहाण करून पैशाची मागणी केली. तसेच जबरदस्तीने त्यांच्या खिशातून व गल्ल्यातून पैसे काढून घेतले. याप्रकरणी कराड शहर पोलिस ठाण्यात दोघांवर गुन्हा दाखल करण्यात आला आहे.
कराड नगरपालिकेत मिशन वात्सल्य योजनेअंतर्गत नाव नोंदणी सुरू
कराड नगरपालिकेत मिशन वात्सल्य योजनेअंतर्गत नाव नोंदणी सुरू करण्यात आली आहे.
कराडात कॉम्प्युटर सायन्सचे शिक्षण सुरू करण्यास मंजूरी
कराड येथील शासकीय अभियांत्रिकी महाविद्यालय, औषधनिर्माण शास्त्र महाविद्यालय व तंत्रनिकेतनसाठी भरीव निधी मंजूर करणार आहे. तसेच अनुसूचित जाती व जमातींच्या मुलींच्या होस्टेलसाठी 9 कोटी रूपयांचा निधी मंजूर केला असून असून पुढील वर्षापासून कराडमध्ये कॉम्प्युटर सायन्सचे शिक्षण सुरू करण्यास मंजूरी दिल्याची माहिती उच्च व तंत्रशिक्षण मंत्री ना. उदय सामंत यांनी दिली.
कराडात महाविद्यालयासमोर विद्यार्थ्यांचा गोंधळ
येथील विद्यानगर परिसरातील सद्गगुरू घाडगे महाराज महाविद्यालयासमोर विद्यार्थ्यांनी ऑनलाईन परीक्षा घेण्याची मागणी करत गोंधळ घातला. तसेच जोरदार घोषणाबाजीही केली. याबाबत पोलिसांना माहिती मिळताच पोलिसांनी तात्काळ घटनास्थळी धाव घेतली. तसेच गोंधळ घालणार्या विद्यार्थ्यांना ताब्यात घेतले.
कराड तालुक्यात वेगवेगळ्या तीन ठिकाणी आत्महत्या
तालुक्यातील वेगवेगळ्या ठिकाणी तिघांनी आत्महत्या केल्याच्या घटना घडल्या आहेत.
कराडात 'झिरो वेस्ट' संकल्पनेतून वाढदिवस साजरा
येथील नगरपालिकेच्या वतीने स्वच्छ सर्वेक्षण 2022 अभियानाचा भाग असलेल्या "झिरो वेस्ट" या उपक्रमांतर्गत नुकताच एक वाढदिवस साजरा करण्यात आला. प्लास्टिक वस्तू, कागद, प्लेट तसेच अन्य वेस्ट न होणाऱ्या वस्तूंना बगल देत हा वाढदिवस साजरा झाला. शहरातील मारुती काटरे मित्र परिवाराने आयोजित केलेल्या छोटेखानी वाढदिवस कार्यक्रमात ‘झिरो वेस्ट’ संकल्पना राबवत जनजागृती करण्यात आली.
कराडात विनामास्क वाहनचालकांवर कारवाईचा बडगा
शहरात नगरपालिका आणि पोलिसांनी गुरुवारी विनामास्क वाहनचालकांवर कारवाईचा बडगा उगारला. या संयुक्तिक मोहिमेत अनेक वाहनचालकांवर दंडात्मक कारवाई करण्यात आली. गुरुवारी सायंकाळी शहरात अचानकपणे करण्यात आलेल्या कारवाईमुळे अनेक वाहनचालकांची पंचाईत झाल्याचे दिसून आले.
कराडात जनावरांची बेकायदा वाहतूक करणाऱ्या दोन टेम्पोवर कारवाई
जनावरांची बेकायदा वाहतूक करणारे दोन टेम्पो अडवून पोलिसांनी चाळीस म्हैशी व अकरा रेडकांची सुटका केली. तसेच टेम्पोच्या दोन चालकांवर कराड शहर पोलीस ठाण्यात गुन्हा दाखल करण्यात आला. गुरूवार दि.२९ रोजी सकाळी ११ वाजण्याच्या सुमारास ही कारवाई करण्यात आली.
कराडात युवकावर धारदार शस्त्राने वार
शहरातील दत्त चौक परिसरात एका युवकावर धारदार शस्त्राने वार केल्याची घटना घडली आहे. शुक्रवारी रात्री झालेल्या भांडणाचा राग मनात शनिवारी दुपारी 4 वाजण्याच्या सुमारास ही घटना घडली. यामध्ये संबंधित युवक जखमी झाला आहे. या घटनेने शहरात खळबळ उडाली आहे.
कराडात दुचाकीस्वारांसाठी हेल्मेट जनजागृती मोहीम
दुचाकी अपघातांमध्ये हेल्मेट नसल्याने अनेकांना आपला जीव गमवावा लागला आहे. या पार्श्वभूमीवर दुचाकीस्वारांनी हेल्मेटचा वापर करावा, यासाठी कराड शहर वाहतूक शाखेच्या वतीने सहाय्यक पोलीस निरीक्षक सरोजिनी पाटील यांच्या मार्गदर्शनाखाली गांधीगिरी पद्धतीने हेल्मेट जनजागृती मोहीम राबवण्यात आली.
जागतिक दर्जाची यकृत प्रत्यारोपण उपचार सुविधा आता कराडमध्ये उपलब्ध
कृष्णा वैद्यकीय विज्ञान अभिमत विद्यापीठाने नवी मुंबईतील अपोलो हॉस्पिटलसोबत यकृत प्रत्यारोपण कार्यक्रमासाठी सामंजस्य करार करण्यात आला. या करारानुसार कराडमध्ये यकृत प्रत्यारोपणाच्या उपचारामध्ये सर्वोत्कृष्ट वैद्यकीय कौशल्य आणि अत्याधुनिक जागतिक दर्जाची तांत्रिक प्रगती आणणारा यशस्वी यकृत प्रत्यारोपण कार्यक्रम तयार करण्यासाठी या दोन्ही संस्था सहकार्य करतील आणि काम करतील.
कर्नाटकातील शिवपुतळा विटंबनेचा कराडमध्ये निषेध
कर्नाटकमध्ये (बंगळूर-सदाशिवनगर) येथे छत्रपती शिवाजी महाराजांच्या पुतळ्याची विटंबना केल्याची घटना घडली आहे. या घटनेचे राज्यभरात तीव्र पडसाद उमटत असून कराडमध्येही मराठा क्रांती मोर्चाच्या वतीने या घटनेचा निषेध नोंदविण्यात आला.
बैलगाडी शर्यतीला परवानगी दिल्याच्या आनंदात कराडात जल्लोष
सुप्रीम कोर्टाने बैलगाडी शर्यतीला सशर्त परवानगी दिल्यानंतर या निर्णयाचा राज्यासह ठिकठिकाणी आनंदोत्सव साजरा करण्यात आला. तालुक्यातील सैदापूर- गोवारेसह अन्य ठिकाणी शेतकरी, मालक, बैलगाडी शर्यत शौकीनांनी गुलालाची उधळण करीत जल्लोष केला.
कराडात मुंगसाच्या केसांपासून बनवलेले पेंटींग ब्रश जप्त
बुधवार दि. १५ रोजी वनविभाग कराड व वन्यजीव अपराध नियंत्रण ब्युरो यांनी संयुक्तपणे कारवाई राबवत कराड आणि मलकापूर येथे एकाचवेळी ५ रंग व्यवसायिक दुकानदारांवर छापा टाकला. यामध्ये सर्व दुकानात मुंगूस या वन्यजीव संरक्षण अधिनियम 1972 अंतर्गत संरक्षण असलेल्या वन्यप्राण्याच्या केसांपासून बनवलेले ब्रश मोठ्या प्रमाणात सापडले. या पाचही दुकानातून वनविभागाने 1 हजार 735 ब्रश जप्त केले आहेत.
कराडात एकाला लाकडी दांडके व फरशी डोक्यात घालून मारहाण; दोघांना अटक
शहरातील बुधवार पेठेत एकाला शिवीगाळ, दमदाटी करत लाकडी दांडके व फरशी डोक्यात घालून दोघांनी मारहाण केली. शुक्रवार दि. 10 रोजी रात्री 9.45 वाजण्याच्या सुमारास ही घटना घडली. यामध्ये एकजण जखमी झाला आहे. याप्रकरणी कराड शहर पोलिसांनी दोघांना ताब्यात घेऊन अटक केली आहे.
कराड तालुक्यातील ११ हातपंपांचे पाणीनमुने दुषित
कराड तालुक्यातील प्रयोगशाळेत पाठवलेल्या २९३ स्त्रोतांपैकी ११ पाणीनमुने दूषित आढळले आहेत. सर्वच्या सर्व ११ दुषित पाणीनमुने हातपंपांचे आहे. त्यामुळे संबंधित ग्रामपंचायतींना काळजी घेण्याच्या सुचना करण्यात आल्याची माहिती आरोग्य विभागाच्या वतीने देण्यात आली.
कराडात शाळेच्या संरक्षक भिंतीसाठी खोदलेल्या खड्यात पडून लहान मुलाचा मृत्यू
शहरातील डॉ. बाबासाहेब आंबेडकर यांच्या पुतळ्यासमोर नगरपालिका शाळा क्र. १० जवळ संरक्षक भिंतीसाठी काढलेल्या खड्यात पडून एका ४ वर्षीय मुलाचा मृत्यू झाला. ही दुर्दैवी घटना बुधवारी ८ रोजी रात्री १० वाजण्याच्या सुमारास उजेडात आली.
कराड तालुक्यात चिकुन गुनिया सदृश्य साथीचा फैलाव
अवकाळी पावसानंतर विविध साथीच्या रोगांचा फैलाव झाला आहे. यामध्ये अनेक गावांमध्ये चिकुन गुनिया सदृश्य लक्षणे असणारे रुग्ण मोठ्या प्रमाणावर आढळून येत आहेत. ताप, सर्दी, खोकल्याबरोबरच सांधे आखडणे आदी. लक्षणे रुग्णांना दिसून येत आले. परंतु, त्यासंबाधित तपासणी केल्यास त्या अहवालात नेमके निदान समोर येत नसले तरीही चिकुन गुनियासारखी लक्षणे आढळून येत असल्याने तालुक्यात चिकुन गुनिया सदृश्य साथीचा फैलाव झाल्याचे चित्र आहे.
कराड तालुक्यातील विकासकामांसाठी 2 कोटी 79 लाख मंजूर
खा. श्रीनिवास पाटील यांच्या प्रयत्नातून कराड तालुक्यातील विविध विकासकांमासाठी 2 कोटी 79 लाख रूपायांचा निधी मंजूर झाला आहे. जनसुविधा, नागरी सुविधा, 5054, 3054, इतर जिल्हा मार्ग विकास व मजबुतीकरण योजना तसेच ‘क’ वर्ग पर्यटनस्थळ अशा योजनेतून मंजूर झालेल्या कामांना प्रशासकीय मान्यता मिळून निधी उपलब्ध झाल्याने नागरिकांना दिलासा मिळाला आहे.
कराडला अवकाळी
कराड शहर व परिसरात बुधवारी सायंकाळी सुमारे तास-दिडतास मुसळधार वादळी पाऊस झाला. सकाळपासून ढगाळ वातावरण होते. सायंकाळी अचानक साडेसहा वाजण्याच्या सुमारास वादळी पावसाची सुरुवात झाली. रात्री आठ वाजेपर्यंत पाऊस सुरू होता.
जयहिंद फौंडेशनच्या शौर्याजंली यात्रेचे कराडमध्ये जंगी स्वागत
१९७१ बांगला मुक्ती संग्रामातील जवानांसाठी व शहिद जवानांच्या स्मरणार्थ जयहिंद फौंडेशनच्या वतीने संपूर्ण देशभर शौर्याजंली यात्रा सुरू करण्यात आली आहे. या शौर्ययात्रेचे कराड शाखेच्या वतीने छत्रपती शिवाजी उद्यानात जंगी स्वागत करण्यात आले.
कराड आगारातील एसटी कर्मचाऱ्यांवर सेवासमाप्तीसह निलंबनाची कारवाई
एसटी महामंडळाचे राज्य शासनात विलगीकरण व्हावे, या मागणीसाठी एसटी कर्मचाऱ्यांनी बेमुदत संप पुकारला आहे. त्यात शासनाने कर्मचाऱ्यांच्या पगारवाढ करत त्यांना कामावर रुजू होण्याचे आवाहन करण्यात आले. परंतु, एसटी कर्मचारी अद्यापही विलगीकरणाच्या मागणीवर ठाम असून त्यांनी संप मागे घेण्यास नकार दिला आहे.
कराडात मनसेकडून संविधान प्रस्तावना प्रतिमेचे पूजन
भारतामध्ये २६ जानेवारी १९५० रोजी संविधान लागू करण्यात आले. परंतु, २६ नोव्हेंबर १९४९ रोजीच संविधान औपचारिकरीत्या स्वीकारण्यात आले होते. त्यामुळे देशातील तरुणांमध्ये संविधानाच्या मुल्यांचा प्रसार करण्यासाठी जागृती करण्याच्या उद्देशाने २६ नोव्हेंबर रोजी देशभरात संविधान दिन साजरा करण्यात येतो. त्यानुसार शुक्रवारी संविधान दिनानिमित्त कराड शहर मनसेच्या वतीने संविधान प्रस्तावना प्रतिमेचे पूजन करण्यात आले.
कराडात सहकारमंत्री बाळासाहेब पाटील यांचे जल्लोषी स्वागत
सातारा जिल्हा मध्यवर्ती बँकेच्या निवडणुकीत कराड सोसायटी मतदारसंघातून सहकारमंत्री ना. बाळासाहेब पाटील यांचा विजय झाला. त्यांनी ८ मतांनी अॅड. उदयसिंह पाटील-उंडाळकर यांचा पराभव केला. हा निकाल जाहीर झाला. त्यानंतर त्यांच्या कार्यकर्त्यांनी फटाक्यांची आतिषबाजी व गुलालाची उधळण करून आनंदोत्सव साजरा केला. तसेच सहकारमंत्री बाळासाहेब पाटील यांचे जल्लोषी स्वागत केले.
कराडात 'बळीराजा'चे धरणे सातव्या दिवशीही सुरूच
बळीराजा शेतकरी संघटनेच्या वतीने ऊसाला एक रकमी एफ.आर.पी अधिक सहाशे रुपये दर मिळावा, या मागणीसाठी कराड तहसील कार्यालयासमोर सुरु करण्यात आलेले बेमुदत धरणे आंदोलन शनिवारी 13 रोजी सातव्या दिवशीही सुरूच आहे.
कराडात एसटी कर्मचाऱ्यांचा तहसील कार्यालयावर सहकुटुंब मोर्चा
राज्यभरात एसटी महामंडळाच्या कर्मचाऱ्यांनी विलीनीकरणाचा लढा उभारला आहे. त्यानुसार येथील बसस्थानकाबाहेरही कर्मचार्यांनी धरणे दिले असून शुक्रवारी त्यांनी थेट तहसील कार्यालयावर सहकुटुंब मोर्चा काढला. यावेळी आंदोलन कर्मचाऱ्यांनी राज्य शासनाविरोधात जोरदार घोषणाबाजी केली.
कराडात एसटी कर्मचार्यांनी मुंडन करून नोंदवला निषेध
कराड बस स्थानकासमोर कर्मचार्यांनी मुंडन करून राज्य सरकारचा निषेध नोंदवला. तसेच ढफ, टाळ, मृदूंगाच्या वाद्यात कर्मचाऱ्यांनी गोंधळही घातला. त्याचबरोबर संपावर असलेल्या कर्मचाऱ्यांवर निलंबनाची कारवाई करणाऱ्या महामंडळाच्या अधिकार्यांसह सरकारचाही घोषणाबाजी करून निषेध नोंदवला.
जिल्हा बँकेच्या पार्श्वभूमीवर उदयनराजेंचा कराडात मॅरेथॉन दौरा
जिल्हा बँकेच्या पार्श्वभूमीवर भाजपचे खा. उदयनराजे भोसले यांनी सोमवारी ८ रोजी कराडात मॅरेथॉन दौरा केला. त्यामध्ये त्यांनी माजी मुख्यमंत्री आ. पृथ्वीराज चव्हाण, अँड. उदयसिंह पाटील-उंडाळकर व डॉ. अतुल भोसले यांची सदिच्छा भेट घेतली. यामध्ये त्यांनी जिल्हा बँक निवडणुकीच्या अनुषंगाने तिघांशीही राजकीय चर्चा केली.
कराडात महामार्ग जाम : पुण्या-मुंबईकडे परतणाऱ्या चाकरमान्यांची कोंडी
शहरातून जाणाऱ्या पुणे-बेंगलोर आशियायी महामार्गावर रविवारी ७ रोजी मोठ्या प्रमाणात वाहतूक कोंडी झाल्याचे दिसून आले. दिवाळीची सुट्टी संपल्यानंतर पुण्या-मुंबईकडे परतणाऱ्या चाकरमान्यांची त्यामुळे चांगलीच दैना उडाल्याचे चित्र दिसून आले.
कराड बाजारपेठेत दिवाळीच्या पार्श्वभूमीवर सॅनिटायझर फवारणी
सध्या दिवाळी सणाच्या खरेदीसाठी मोठ्या प्रमाणावर लोक बाहेर पडत आहेत. मात्र, कोरोना अद्यापही पूर्णपणे गेलेला नसून नागरिक बिनधास्तपणे वावरत आहेत. शिवाय, मास्कचाही वापर करताना दिसून येत नाही. त्यामुळे कोरोनाचा प्रादुर्भाव वाढण्याचा धोका संभवत असल्याने नगरपालिकेकडून शहरातील बाजारपेठेसह शहरातील मुख्य रस्ते सॅनिटायझ करून घेण्यात येत आहेत.
कराडात नगरपालिकेकडून फटाके उडविण्यास प्रतिबंध
फटाक्यातील कार्बन आणि सल्फर हे विषारी वायूंची क्षेणी तयार करतात. मात्र, ते वनस्पती आणि प्राण्यांसाठी हानिकारक असल्याने मुख्याधिकारी रमाकांत डाके यांनी शहरात फटाके उडविण्यास प्रतिबंध घालले आहेत.
कराड तालुक्यातील गावांसाठी सामाजिक विकास योजनेतून निधी द्या
कराड तालुक्यातील गावांसाठी डॉ. बाबासाहेब आंबेडकर सामाजिक विकास निधी योजनेतून निधी उपलब्ध करून द्यावा. तसेच केंद्रीय ग्रामविकास मंत्रालयामार्फत राबवणाऱ्या येणाऱ्या योजनेमध्ये तालुक्यातील ५ हजार लोकसंख्येच्या वरच्या गावांना केंद्र सरकारकडून जास्तीत जास्त निधी उपलब्ध करून गावच्या विकासासाठी हातभार लावावा, अशी मागणी जिल्हा परिषद सदस्य सागर शिवदास यांनी केंद्रीय सामाजिक न्याय मंत्री रामदास आठवले यांच्याकडे केली आहे.
कराड तालुक्यात कोरोनाचे 711 रुग्ण उपचारार्थ
कराड तालुक्रात दिवसेंदिवस कोरोना बाधितांची संख्रा वाढत असताना बुधवारी रात्री आलेल्या रिपोर्टमध्ये तालुक्रातील 73 जणांचे अहवाल कोरोना पॉझिटीव्ह आले आहेत. रामध्रे कराड शहरातील 30 रूग्णांचा समावेश आहे. तर उर्वरीत 43 रूग्ण तालुक्राच्रा विविध गावातील आहेत. तर तालुक्यातील दोन बाधितांचा मृत्यू झाला आहे. मलकापूर, कार्वे, ओंड, काले गावामध्ये जास्त प्रमाणात रूग्ण सापडल्यामुळे नागरिकांच्यात भितीचे वातावरण पसरले आहे. कराड तालुक्यात रूग्ण वाढीचा वेग डबलीने झाला आहे. त्रामुळे कराड तालुक्राची रूग्ण संख्रा 1559
Local News
Copyright © 2026 esahas.com. All Rights Reserved.