जाळ्यात अडकलेल्या तरसाची मुक्तता

सातारा तालुक्यातील मालगाव येथे शिकाऱ्यांनी लावलेल्या जाळ्यात एक तरस अडकले होते. या तरसाची मुक्तता सातारा वन विभागाच्या कर्मचाऱ्यांनी केली असून त्याला सुरक्षितपणे अधिवासात सोडण्यात आले आहे. दरम्यान, गेल्या काही दिवसांपासून सातारा तालुक्याच्या जंगली भागात काही शिकारी वन्यप्राण्यांना जाळ्यात अडकवण्यासाठी फासे टाकत आहेत, अशा शिकाऱ्यांचा वन विभागाने शोध घेऊन त्यांच्यावर कारवाई करावी, अशी मागणी पुढे आली आहे.