मलकापूरात युवकावर हल्ला केल्याप्रकरणी चौघांना अटक

मलकापूर, ता. कराड येथे बुधवारी १५ रोजी भरदिवसा विश्वास हणमंत येडगे रा. मलकापूर याच्यावर धारदार शस्त्राने वार केल्याची घटना घडली होती. लहान मुलांची भांडणे सोडविण्यासाठी गेल्याचा राग मनात धरून हा हल्ला करण्यात आला होता. यामध्ये येडगे हा गंभीर जखमी झाला होता. याप्रकरणी पोलिसांनी घटना घडल्यानंतर काही तासातच चौघांना पाठलाग करून अटक केली आहे.