जबरी चोरीचा प्रयत्न करणार्‍या फायनान्स कंपनीच्या दुकलीवर गुन्हा

फायनान्स वर घेतलेल्या टिव्हीची वसूली करण्यासाठी आलेल्या बजाज फायनान्स कंपनीच्या दोन गुंडांनी घरात घुसून टिव्ही तसेच इतर साहित्य पळवून नेण्याचा प्रयत्न केला. यावेळी घरातील महिलांनी तसेच इतर युवकांनी याला विरोध केला असता त्यांनाही अर्वाच्य भाषेत शिवीगाळ करुन धक्काबुक्की करण्यात आली. यावेळी गावकरी एकवटल्यानंतर या दोघांनी घटनास्थळावरुन पोबारा केला. दरम्यान, याप्रकरणी फायनान्स कंपनीच्या दुकलीवर गुन्हा दाखल करण्यात आला आहे.