कोरोना लढ्यातील बिनीच्या शिलेदार

युद्धाला तोंड फुटताच जसे आघाडीवरील सैन्य शत्रूला भिडते तसेच गेले वर्षभर सुरू असलेल्या कोरोना युद्धात अगदी फ्रंटवर बिनीची फौज बनून कोण लढलं असेल तर पीपीई कीट घालून कोविड रुग्णांची सेवा करणारे डॉक्टर्स आणि त्यांचे सहकारी. सातारा जिल्हा शासकीय रुग्णालयातील अनेक पुरुष सहकार्‍यांच्या खांद्याला खांदा लावून अनेक महिला डॉक्टर्स, नर्सेस, टेक्निशियन, परिचारिका, वर्ग-4 कर्मचारी यांनी धोका पत्करून ही लढाई लढताना अनेक कोविड रुग्णांना मृत्यूच्या दाढेतून बाहेर काढलं आहे.